رەسەيدە قاماۋدا وتىرعان وپپوزيتسييالىق ساياساتكەر الەكسەي ناۆالنىي دەرەۋ بوساتىلۋى تيٸس. بۇل تۋرالى اقش پرەزيدەنتٸ دجو بايدەن مەملەكەتتٸك دەپارتامەنت قىزمەتكەرلەرٸمەن كەزدەسۋ كەزٸندە ايتتى.
پرەزيدەنت بايدەن جاقىندا رەسەي باسشىسى ۆلاديمير پۋتينمەن تەلەفونمەن ەڭگٸمەلەسكەنٸن ەسكە سالدى. بايدەننٸڭ سٶزٸنە قاراعاندا, ەڭگٸمە بارىسىندا ول رەسەيدٸڭ قىزۋ قيمىلدارىنا كٶز جۇما قاراپ وتىراتىن دەۋٸر اياقتالدى دەپ ايتقان. ول رەسەيدٸڭ پرەزيدەنت سايلاۋىنا ارالاسۋى جەنە كيبەرشابۋىل ۇيىمداستىرۋىن مىسال رەتٸندە اتاعان.
بايدەن جينالعاندارعا مەسكەۋ امەريكا دەموكراتيياسىنا ەلٸ دە نۇقسان كەلتٸرۋگە بار دەگەن. "ەگەر وداقتاستارىمىزبەن بٸرلەسە قيمىلداساق, رەسەيگە تيٸمدٸرەك تٶتەپ بەرە الامىز" دەدٸ پرەزيدەنت.
ول سونىمەن بٸرگە ۆاشينگتون حالىقارالىق قاۋىمداستىقپەن تىعىز قارىم-قاتىناستى جانداندىرعىسى كەلەدٸ دەپ اتاپ ٶتكەن.
- 4 اقپاندا اقش مەملەكەتتٸك حاتشىسى ەنتوني بلينكەن مەن رەسەي سىرتقى ٸستەر مينيسترٸ سەرگەي لاۆروۆ تەلەفونمەن ەڭگٸمەلەسٸپ, ناۆالنىيمەن بايلانىستى وقيعالاردى دا تالقىلاعان. لاۆروۆ اقش مەملەكەتتٸك حاتشىسىن رەسەي زاڭدارىن قۇرمەتتەۋگە شاقىرعان. بۇعان قوسا, سٸم مەسكەۋدٸڭ ۆاشينگتونمەن قاتىناستى قالىپقا كەلتٸرۋگە ەزٸر ەكەنٸن جەتكٸزگەن.
- بۇعان دەيٸن بٸر توپ دەموكرات جەنە رەسپۋبليكاشىل سەناتور اقش كونگرەسٸنە "رەسەيدٸ قاستىق ەرەكەتٸ ٷشٸن جاۋاپقا تارتۋ تۋرالى" زاڭ جوباسىن ۇسىنعان. وندا ناۆالنىيدى ۋلاۋعا جەنە "نوۆيچوك" ۋىن جاساعاندارعا قاتىسى بار رەسمي تۇلعالارعا سانكتسييا سالۋ جاعى قاراستىرىلعان.
- رەسەي بيلٸگٸ ناۆالنىيدىڭ ۋلانۋىنا قاتىسى جوعىن ايتادى.
