سيريياداعى رەسەي ەسكەريلەرٸ حالىقارالىق كواليتسييا كٷشتەرٸمەن قاقتىعىستى بولدىرماۋ تۋرالى حاتتاما ەرەجەسٸن بۇزدى, دەپ مەلٸمدەدٸ 20 اقپاندا "يسلام مەملەكەتٸ" تەرروريستٸك توبىمەن كٷرەس بويىنشا حالىقارالىق كواليتسييانىڭ ٶكٸلٸ مايكل كەگگينس. كواليتسييادا اقش جەتەكشٸ رٶل اتقارادى.
بەيسەنبٸ كٷنٸ سيرييا شىعىسىنداعى كامىشلى قالاسىندا رەسەيلٸك "تيگر-م" بروندى كٶلٸگٸ امەريكالىق M-ATV Oshkosh تەحنيكاسىن قۋىپ جەتپەك بولىپ, جولدان ٶتٸپ بارا جاتقان قاراپايىم سيرييا ازاماتىن قاعىپ كەتە جازداعان. وقيعا ورنىنان تٷسٸرٸلگەن ۆيدەو ينتەرنەتتە تاراپ كەتتٸ.
"رەسەيلٸك ساقشى قاقتىعىستى بولدىرماۋ تۋرالى ەرەجەگە باعىنعان جوق, ولار امەريكالىق ەسكەريلەر وپەراتسييا جٷرگٸزٸپ جاتقان اۋماقتان شىعارىلدى" دەدٸ كەگگينس Jerusalem Post باسىلىمىنا. ونىڭ ايتۋىنشا, رەسەيلٸك ەسكەريلەر ٷنەمٸ ەرەجە بۇزادى, دەگەنمەن تاراپتار اراسىندا بايلانىس كەسٸبي دەرەجەدە ٶتەدٸ.
اقش باستاعان حالىقارالىق كواليتسييا 2014 جىلى سيريياداعى راديكالدى توپتارمەن كٷرەس باستاعان. كواليتسييا سيرييانىڭ دەموكراتييالىق وپپوزيتسييا كٷشتەرٸن قولدايدى. رەسەي سيرييادا ەسكەري وپەراتسيياسىن 2015 جىلى كٷزدە باستاعان. ول پرەزيدەنت باشار اساد ەسكەرٸن قولداپ, بٸرنەشە جىلدان بەرٸ جالعاسىپ كەلە جاتقان ازاماتتىق سوعىستا اسادتىڭ باسىمدىققا يە بولۋىنا ىقپال ەتكەن. باتىس مەسكەۋدٸ ادام قۇقىعىن ٶرەسكەل بۇزدى دەپ ايىپتاعان.
