اقش كونگرەسٸنٸڭ ٶكٸلدەر پالاتاسى رەسەيلٸك وپپوزيتسييالىق ساياساتكەر الەكسەي ناۆالنىيدىڭ ۋلانۋىنا بايلانىستى رەزوليۋتسييا قابىلدادى. زاڭ شىعارۋ ورگاندارى ۆاشينگتوندى "وپپوزيتسيونەرگە ۋ بەرۋ" وقيعاسىنا بايلانىستى رەسەيگە سانكتسييا سالۋعا شاقىردى.
كونگرەسس رەزوليۋتسيياسىنىڭ رەكومەنداتسييالىق سيپاتى بار.
18 قاراشادا رەسەي فەدەرالدىق قاۋٸپسٸزدٸك قىزمەتٸ (فسب) ناۆالنىيعا "حيمييالىق قارۋ قولدانۋ وقيعاسى" بويىنشا ٸس قوزعاۋدان باس تارتقان. ٸس قوزعاۋ تۋرالى ٶتٸنٸشتٸ ناۆالنىي قۇرعان جەمقورلىقپەن كٷرەس قورى تٷسٸرگەن. فسب وقيعانى ٶزگە قۇقىق قورعاۋ ورگانىنىڭ تەكسەرٸپ جاتقانىن العا تارتىپ, ٸس اشپاعان.
ۆەدومستۆونىڭ جاۋابىنا كٶڭٸلٸ تولماعان جەمقورلىقپەن كٷرەس قورىنىڭ زاڭگەرلەرٸ فسب "جالتارما جاۋاپ قايتاردى" دەپ سانايدى. ولار فسب-نىڭ ەرەكەتسٸزدٸگٸنە شاعىمدانىپ, سوتقا ارىز تٷسٸرگەن.
- 20 تامىزدا ناۆالنىي تومسكٸدەن مەسكەۋگە قاراي ۇشىپ بارا جاتقان جولدا جاعدايى كٷرت ناشارلاپ, ەسٸنەن تانىپ قالعان. بورت تٶتەنشە جاعدايدا ومبىعا قونىپ, ساياساتكەر جەرگٸلٸكتٸ اۋرۋحاناعا جەتكٸزٸلگەن. ەكٸ كٷننەن كەيٸن ونى بەرليندەگٸ اۋرۋحاناعا ەكەتتٸ. ساياساتكەر تەك 19 كٷن ٶتكەننەن كەيٸن عانا ەسٸن جيدى.
- گەرمانييا ساراپشىلارى ناۆالنىيدىڭ "نوۆيچوك" توبىنا كٸرەتٸن قاۋٸپتٸ زاتتان ۋلانعانىن ايتتى. مۇنى ەۋروپانىڭ ٶزگە دە تەۋەلسٸز زەرتحانالارى دا راستادى. ەو ەلدەرٸ مەسكەۋدٸ وقيعانى تەرگەۋگە شاقىردى. ولار سونىمەن بٸرگە ناۆالنىيعا شابۋىل جاساۋعا قاتىسى بولۋى مٷمكٸن رەسەي شەنەۋنٸكتەرٸنە سانكتسييا سالدى.
- ناۆالنىي ٶزٸنە ارنايى قىزمەت كرەمل نۇسقاۋىمەن ۋ بەردٸ دەپ سانايدى.
- ال رەسەي بيلٸگٸ وپپوزيتسيونەردٸڭ ۋلانۋىنا قاتىسى جوعىن ايتادى. كرەملدٸڭ باسپاسٶز حاتشىسى دميتريي پەسكوۆ جەنە رەسەيلٸك دەرٸگەرلەر ناۆالنىيدىڭ اعزاسىنان ۋ تابىلمادى دەپ مەلٸمدەگەن. مەسكەۋ وقيعانى زەرتتەۋ ٷشٸن گەرمانييامەن بٸرٸگٸپ, ەرەكەت ەتۋگە دايىن ەكەنٸن ايتقان. كرەمل حميلييالىق قارۋعا تىيىم سالۋ جٶنٸندەگٸ ۇيىمدى "نەمقۇرايلىعى" ٷشٸن دە ايىپتاعان.
