"كرەمل ەرەكەتٸنەن رەسەي دە, ۋكراينا ازاماتتارى دا زارداپ شەگٸپ وتىر" دەدٸ اقش مەملەكەتتٸك حاتشىسىنىڭ ەۋروپا جەنە ەۋرازييامەن قارىم-قاتىناس جٶنٸندەگٸ كٶمەكشٸسٸ مٸندەتٸن اتقارۋشى فيليپ ريكەر. ول بۇل پٸكٸرٸن ازات ەۋروپا/ازاتتىق راديوسىنا بەرگەن سۇحباتىندا ايتتى.
ريكەر سۇحباتتا رەسەيدٸ "ۋكراينا شىعىسىندا سوعىس ٶرتٸن تۇتاتتى" دەپ كٸنەلاپ, ونىڭ ۋكرايناداعى "باسقىنشىلىق ەرەكەتٸن" سىنادى. مەملەكەتتٸك حاتشىنىڭ كٶمەكشٸسٸ ۋكراينا شىعىسىنداعى دونباستى "رەسەيدٸڭ زيياندى ىقپالىنا ۇشىراعان" ايماقتار قاتارىنا قوستى. ريكەر قارۋلى قاقتىعىس كەزٸندە ايماقتا مىڭداعان ادام ٶلگەنٸن ەسكە سالدى.
"ولار [كرەمل] مينسكٸ پروتسەسٸ اياسىندا قاقتىعىستى توقتاتۋ امالىن تابامىز دەگەن, بۇل مٸندەتتٸ ورىندامادى. قاشان ورىندار ەكەن دەپ كٷتٸپ جٷرمٸز" دەدٸ ديپلومات.
ول "رەسەي ازاماتتارى دا, ۋكراينا ازاماتتارى دا رەسەي بيلٸگٸنٸڭ ەرەكەتتەرٸنەن زييان شەگٸپ وتىر" دەپ ەسەپتەيدٸ. "وسى سيياقتى قاۋٸپتٸ قيمىلدارىنا كۋە بولعىمىز كەلمەيدٸ" دەدٸ فيليپ ريكەر.
ۋكراينا شىعىسىنداعى سوعىستىڭ جالعاسىپ جاتقانىنا بەس جىل بولدى. كيەۆ پەن باتىس رەسەيدٸ سەپاراتيستەرگە دەم بەردٸ دەپ ايىپتايدى. مەسكەۋ قاقتىعىسقا تٸكەلەي ارالاسىپ جاتقانىن جوققا شىعارادى.
