"Kreml áreketinen Resei de, Ýkraina azamattary da zardap shegip otyr" dedi AQSh memlekettik hatshysynyń Eýropa jáne Eýraziiamen qarym-qatynas jónindegi kómekshisi mindetin atqarýshy Filip Riker. Ol bul pikirin Azat Eýropa/Azattyq radiosyna bergen suhbatynda aitty.
Riker suhbatta Reseidi "Ýkraina shyǵysynda soǵys órtin tutatty" dep kinálap, onyń Ýkrainadaǵy "basqynshylyq áreketin" synady. Memlekettik hatshynyń kómekshisi Ýkraina shyǵysyndaǵy Donbasty "Reseidiń ziiandy yqpalyna ushyraǵan" aimaqtar qataryna qosty. Riker qarýly qaqtyǵys kezinde aimaqta myńdaǵan adam ólgenin eske saldy.
"Olar [Kreml] Minski protsesi aiasynda qaqtyǵysty toqtatý amalyn tabamyz degen, bul mindetti oryndamady. Qashan oryndar eken dep kútip júrmiz" dedi diplomat.
Ol "Resei azamattary da, Ýkraina azamattary da Resei biliginiń áreketterinen ziian shegip otyr" dep esepteidi. "Osy siiaqty qaýipti qimyldaryna kýá bolǵymyz kelmeidi" dedi Filip Riker.
Ýkraina shyǵysyndaǵy soǵystyń jalǵasyp jatqanyna bes jyl boldy. Kiev pen Batys Reseidi separatisterge dem berdi dep aiyptaidy. Máskeý qaqtyǵysqa tikelei aralasyp jatqanyn joqqa shyǵarady.
