اقش مەملەكەتتٸك دەپارتامەنتٸ 25 اقپاندا نۇر-سۇلتانداعى تەرگەۋ يزولياتورىندا جۇمباق جاعدايدا كٶز جۇمعان بەلسەندٸ دۋلات اعادٸلدٸڭ ٶلٸمٸنە "قاتتى الاڭداپ وتىرعانىن" مەلٸمدەدٸ. بۇل تۋرالى ازاتتىق اگەنتتٸگٸ حابارلادى.
"بٸز [اعادٸلدٸڭ ٶلٸمٸ] تولىق ەرٸ مۇقييات زەرتتەلەدٸ دەپ ويلايمىز جەنە پرەزيدەنت قاسىم-جومارت توقاەۆتىڭ ساياسي بوستاندىقتى كەڭٸتۋ بويىنشا بەرگەن ۋەدەسٸن تولىق جٷزەگە اسىرۋعا شاقىرامىز" دەدٸ اقش مەملەكەتتٸك حاتشىسىنىڭ وڭتٷستٸك جەنە ورتالىق ازييا ٸستەرٸ بويىنشا كٶمەكشٸسٸنٸڭ ورىنباسارى ەليس ۋەللس Twitter-دە.
اقش مەملەكەتتٸك دەپارتامەنتٸنٸڭ ٶكٸلٸ دۋلات اعادٸلدٸڭ وتباسى مەن تۋىستارىنا كٶڭٸل ايتتى.
نۇر-سۇلتان پوليتسييا دەپارتامەنتٸنٸڭ الدىن الا دەرەگٸ بويىنشا, بەلسەندٸ اعادٸل «جٷرەك تالماسىنان» كٶز جۇمعان. بەلسەندٸلەر مەن اعادٸلدٸڭ تانىستارى ونىڭ جٷرەگٸ اۋىرماعانىن ايتادى. ولار وقيعاعا سىرتقى كٷشتەردٸڭ قاتىسى بار دەيدٸ.
دۋلات اعادٸل 2019 جىلى اقپاندا ەل استاناسىندا ۋاقىتشا باسپانادا شىققان ٶرت سالدارىنان ەلەۋمەتتٸك جاعدايى تٶمەن وتباسىنىڭ كەمەلەتكە تولماعان بەس بالاسى مەرت بولعان سوڭ, قازاقستاننىڭ ەر ايماعىندا ٷكٸمەتتەن ەلەۋمەتتٸك قولداۋعا مۇقتاج جاندارعا جەردەم جاساۋدى تالاپ ەتكەن نارازىلىقتار كٶبەيگەن تۇستا بەلسەندٸلٸگٸمەن كٶزگە تٷسكەن ەدٸ. ول بيلٸكتەن ساياسي تۇتقىنداردى بوساتۋدى, ازاپتاۋدى توقتاتۋدى, ازاماتتاردىڭ بەيبٸت شەرۋ ٶتكٸزۋ بوستاندىعىن قامتاماسىز ەتۋدٸ جەنە ەدٸل سايلاۋدى تالاپ ەتٸپ, نارازىلىق اكتسييالارىنا قاتىستى.
ەل ٶڭٸرلەرٸن ارالاپ, ٶزٸ قاتىسقان تٷرلٸ نارازىلىق شارالارىنان Facebook ەلەۋمەتتٸك جەلٸسٸ ارقىلى تٸكەلەي ەفير جٷرگٸزگەن دۋلات اعادٸل "بولعان جايتتى بۇرمالاماي ەرٸ جەدەل جەتكٸزەتٸن بەلسەندٸ بلوگەر رەتٸندە دە تانىلدى" دەيدٸ جاقتاستارى.
ول بٸرنەشە رەت ەكٸمشٸلٸك جازاعا تارتىلىپ, 2019 جىلدىڭ تامىز ايىنان بەرٸ 60 كٷن ەكٸمشٸلٸك قاماۋدا بولعان. وعان "پوليتسييا قىزمەتكەرٸنە باعىنبادى", "سوتقا قۇرمەتسٸزدٸك كٶرسەتتٸ", "زاڭسىز ميتينگٸگە قاتىستى" دەگەن ايىپتار تاعىلدى. ول تاعىلعان ايىپتاردى جوققا شىعاردى.
