فوتو: russianskz.info
قازاقستانعا سانكتسييا سالىنادى دەگەن قاۋٸپ جوق. بۇل تۋرالى سىرتقى ٸستەر مينيسترٸنٸڭ ورىنباسارى الماس ايداروۆ مەلٸمدەدٸ, دەپ حابارلايدى Sputnik قازاقستان.
ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا جۋرناليستەر اقش قىرعىزستانعا سانكتسييا سالعالى جاتقانىن ەسكە سالىپ, قازاقستان دا وسىنداي پروبلەماعا تاپ بولماي ما دەپ سۇرادى.
ايداروۆ رەسەيگە قارسى العاش رەت سانكتسييا سالىنعالى بەرٸ قازاقستان بۇل پروتسەستٸ بەلسەندٸ باقىلاپ وتىرعانىن اتاپ ٶتتٸ.
"بٸز سانكتسييادان جالتارۋ ٷشٸن ارنايى ەرەكەتكە بارمايتىنىمىزدى ٷنەمٸ ايتىپ جٷرمٸز. بٸراق رەسەيمەن دەستٷرلٸ ەكونوميكالىق بايلانىسىمىزدى جالعاستىرىپ كەلەمٸز. بٸز ەشتەڭە جاسىرمايمىز. سول سەبەپتٸ قازٸر سوڭعى سانكتسييالار پاكەتٸندە بٸزدٸڭ كومپانييالارعا, قازاقستانعا قاتىستى قاۋٸپ كٶرٸپ تۇرعان جوقپىز", - دەدٸ سىرتقى ٸستەر مينيسترٸنٸڭ ورىنباسارى.
ول سٸم قازاقستانعا قاتىستى سانكتسييا ەنگٸزۋگە ەشقانداي العىشارت كٶرٸپ تۇرماعانىن ايتتى.
"سوڭعى پاكەتتە مۇنداي جوق. بٸز قازاقستان تەۋەكەل ايماعىنا كٸرمەۋٸ ٷشٸن الدىن الۋ جۇمىستارىن جٷرگٸزدٸك. بٸز بارىنشا اشىقپىز جەنە ىنتىماقتاسۋعا دايىنبىز", - دەدٸ ايداروۆ.
ول ٶتكەن جىلدان باستاپ قازاقستان رەسەيگە ەسكەري ماقساتتاعى تاۋارلاردى جەتكٸزۋگە مٷلدە تىيىم سالعانىن اتاپ ٶتتٸ. ال قوس ماقساتتاعى تاۋارلار بويىنشا سەرتيفيكاتتاۋ ەنگٸزٸلگەن, ياعني تاۋاردى شىعارۋ ٷشٸن ارنايى ليتسەنزييا قاجەت. بۇعان قوسا ەلەكتروندى شوت-فاكتۋرالار ارقىلى قازاقستان اۋماعى ارقىلى نەمەسە قازاقستاننان جەتكٸزٸلەتٸن بارلىق سانكتسييالىق تاۋار قاداعالانادى.
"ەگەر بٸز وسىنداي تەۋەكەلدەردٸ بايقاساق, ەشقانداي تاريحى جوق, بٸر كٷندٸك كومپانييالار انىقتالىپ جاتادى. ولاردى توقتاتۋ ٷشٸن شارالار قابىلدايمىز. سونىمەن قاتار مەملەكەتتٸك كٸرٸستەر كوميتەتٸنٸڭ بارلىق جٷيەسٸندە تەۋەكەلدەردٸ باسقارۋ جٷيەسٸ ەنگٸزٸلگەن. ول جاڭا سانكتسييالىق تالاپتارعا بايلانىستى جاڭا بٸلٸمدەرمەن تولىعادى. جٷيە بٸر كٷندٸك كومپانييالار مەن فيرمالاردى انىقتايدى, ولاردى توقتاتۋ جۇمىسى جٷرگٸزٸلەدٸ", - دەدٸ ايداروۆ.
