قازاقستان مەن اقش كليماتتىڭ ٶزگەرۋٸمەن كٷرەس مەسەلەلەرٸن تالقىلادى. اتاپ ايتقاندا, اقش ارال تەڭٸزٸ پروبلەمالارىن شەشۋگە, قازاقستاننىڭ كٶمٸرتەكتٸ بەيتاراپتىققا جەتۋ باستاماسىنا, بٸرلەسكەن جوبالاردى جٷزەگە اسىرۋعا قولداۋ بٸلدٸرۋگە نيەتتٸ, دەپ حابارلايدى "ۇلت اقپارات".
بۇل تۋرالى قازاقستان رەسپۋبليكاسى پرەزيدەنتٸنٸڭ حالىقارالىق ەرٸپتەستٸك جٶنٸندەگٸ ارنايى ٶكٸلٸ ەرجان قازىحانوۆ پەن قر ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆتٸڭ اقش پرەزيدەنتٸنٸڭ كليمات جٶنٸندەگٸ ارنايى ٶكٸلٸ دجون كەرريمەن ٶتكەن ەكٸجاقتى ونلاين كەزدەسۋٸندە ايتىلدى.
قازاقستان ٶكٸلدەرٸ كٶمٸرتەكتٸ بەيتاراپتىققا جەتۋ بويىنشا قابىلدانىپ جاتقان شارالار, جاڭا ەكولوگييالىق كودەكستٸڭ نورمالارى جٶنٸندە اقپارات بەردٸ. سونىمەن قاتار دەستٷرلٸ ەنەرگەتيكالىق رەسۋرستاردىڭ مول ەكەنٸنە قاراماستان, قازاقستان پاريج كەلٸسٸمٸنٸڭ ماقساتتارىنا بەلسەندٸ ۇمتىلىپ جاتقانىن اتاپ ٶتتٸ.
بۇدان بٶلەك, «جاسىل» قارجىلاندىرۋ جوبالارى اياسىندا اقش-پەن ەرٸپتەستٸك اياسىن كەڭەيتۋگە قىزىعۋشىلىق تانىتىلدى.
دجون كەرري قازاقستاننىڭ كليماتتىڭ ٶزگەرۋٸ مەسەلەلەرٸ بويىنشا قىزمەتٸن جوعارى باعالاپ, پرەزيدەنت ق.ج. توقاەۆ ٶتكەن جىلى جەلتوقساندا كليماتتىق امبيتسييالار سامميتٸندە ايتقان ماقساتتار مەن مٸندەتتەردٸ اتاپ ٶتتٸ.
«حابتىڭ قىزمەتٸن ايماق ەلدەرٸنٸڭ «جاسىل ەكونوميكالىق» ٶسٸمدٸ قامتاماسىز ەتۋ جولىندا كٷش بٸرٸكتٸرۋٸنە, «جاسىل» تەحنولوگييالار ترانسفەرتٸنە, بٸلٸم الماسۋعا جەنە حالىقارالىق ينستيتۋتتار تاراپىنان قارجى تارتۋعا باعىتتاۋعا بولادى», - دەدٸ ۆەدومستۆو باسشىسى.
بۇل تۇرعىدا اقش پرەزيدەنتٸنٸڭ ارنايى ٶكٸلٸ سۋتەك ٶندٸرٸسٸنٸڭ دەستٷرلٸ ەنەرگييا كٶزدەرٸنە بالاما رەتٸندە كەلەشەگٸ زور باعىت ەكەنٸن اتاپ ٶتتٸ.
بۇدان بٶلەك, قازاقستان تاراپى وسى كٷزدە تٷركٸستان قالاسىندا C5+1-كە قاتىسۋشى ەلدەردٸڭ ەكولوگييا مينيسترلەرٸنٸڭ كەزدەسۋٸن ٶتكٸزۋ تۋرالى باستاما كٶتەردٸ. بۇل باستامانى اقش تاراپى قولداپ, ايماقتىق ديالوگ اياسىندا جۇمىس قارقىنىن ارتتىرۋدىڭ ماڭىزدىلىعىن اتاپ ٶتتٸ.
ەڭگٸمە بارىسىندا تاراپتار ارال تەڭٸزٸن قالپىنا كەلتٸرۋ تاقىرىبىن جەنە قازاقستان مەن ورتالىق ازيياداعى باسقا دا پروبلەمالاردى قوزعادى.
امەريكالىق ەرٸپتەستەرگە قازاقستاننىڭ ينۆەستيتسييالىق ەلەۋەتٸ تۋرالى ايتىلىپ, گەولوگييا, جاسىل ەنەرگەتيكا جەنە جاڭا تەحنولوگييالار سالاسىندا بٸرگە جٷزەگە اسىرۋعا بولاتىن بٸرقاتار جوبا ۇسىنىلدى.
ۇسىنىلعان باستامالار اقش تاراپىنان جاقسى قابىلداندى. كەزدەسۋ قورىتىندىسى بويىنشا تاراپتار اتالعان باعىتتا بٸرلەسكەن جۇمىستى جالعاستىرۋعا كەلٸستٸ.
