اقش-تىڭ الياسكا شتاتىندا بيۋللەتەندەردٸڭ باسىم بٶلٸگٸ سانالعاننان كەيٸن ول جاقتا قازٸرگٸ اق ٷي جەتەكشٸسٸ دونالد ترامپتىڭ العا شىققانى حابارلاندى.
امەريكادا پرەزيدەنت سايلاۋى ٶتكەننەن كەيٸن 8 كٷننەن سوڭ امەريكالىق باق وسىنداي قورىتىندى جاسادى. ترامپتىڭ الياسكادا جەڭەتٸنٸن ساراپشىلار وسىعان دەيٸن دە بولجاعان. امەريكاداعى ەڭ ٸرٸ ەرٸ حالىق تىعىزدىعى از شتاتتاعى جەڭٸسٸن قوسقاندا ترامپ سايلاۋشىلار القاسىنىڭ 217 داۋىسىنا يە بولادى. بٸراق قارسىلاسى, دەموكرات دجو بايدەننەن بەرٸبٸر ايتارلىقتاي ارتتا كەلەدٸ. قازٸر بايدەندە 279 داۋىس بار. ول پرەزيدەنت رەتٸندە سايلانۋ ٷشٸن قاجەت مەجەدەن (270 داۋىس) ٶتە العان.
باراك وباما ەكٸمشٸلٸگٸ تۇسىندا ۆيتسە-پرەزيدەنت بولعان بايدەن اريزونا مەن دجوردجييا شتاتتارىندا دا الدا كەلەدٸ. ول جاقتا داۋىس ساناۋ تولىق اياقتالعان جوق. دجوردجييا 14 مىڭ داۋىس ايىرماشىلىعى ٷشٸن بارلىق بيۋللەتەندەردٸ قايتادان قولمەن ساناپ شىعۋعا دايىندالىپ جاتىر. داۋىس ساناۋ تولىق بٸتپەگەن سولتٷستٸك كارولينادا ترامپ الدا كەلەدٸ.
كونگرەسس سايلاۋىنىڭ نەتيجەسٸ بويىنشا, الياسكادا سەناتور دەن سالليۆان جەڭٸسكە جەتٸپ, سونىڭ ارقاسىندا رەسپۋبليكاشىلدار سەناتتاعى 100 ورىننىڭ جارتىسىن يەلەنگەن. قازٸر دەموكراتتار سەناتتاعى 48 ورىنعا يە, بٸراق قالعان ەكٸ ورىنعا كٸمدەر وتىراتىنى بەلگٸسٸز, سەبەبٸ دجوردجييا شتاتىندا كانديداتتاردىڭ ەشقايسىسى 50 پايىزدان ارتىق داۋىس جيناي الماعان. وندا قاڭتار ايىندا سايلاۋدىڭ ەكٸنشٸ تۋرى ٶتەدٸ.
پرەزيدەنت سايلاۋىنىڭ رەسمي قورىتىندىسى ەلٸ شىقپاعانمەن امەريكا اقپارات قۇرالدارى بايدەن جەڭٸسكە جەتتٸ دەپ بولجاعان. كٶپتەگەن ەلەم باسشىلارى بايدەندٸ قۇتتىقتاپ تا ٷلگەردٸ.
ترامپ سايلاۋدا جەڭٸلگەنٸن مويىنداۋدان باس تارتتى. ونىڭ سايلاۋ شتابى جەنە بٸرقاتار رەسپۋبليكاشىلدار سايلاۋ نەتيجەسٸ اۋىتقىپ تۇرعان شتاتتاردا سوتقا ارىز تٷسٸرگەن. بٸراق سوتتاردىڭ باسىم بٶلٸگٸ ارىزدارىن كەرٸ قايتارعان. ولاردىڭ ايتۋىنشا, شتاب ٶكٸلدەرٸندە داۋىس ۇرلانعانى نەمەسە سايلاۋ نەتيجەسٸنٸڭ بۇرمالانعانى جايلى ايعاق جوق.
ال دجو بايدەن جەنە ونىڭ كومانداسى فەدەرالدىق ٷكٸمەتتٸ باقىلاۋعا الۋ دايىندىعىنا كٶشٸپ كەتتٸ.
