اقش كوروناۆيرۋسقا قارسى امەريكالىق ۆاكتسينانى "قارالاۋدى كٶزدەيتٸن" رەسەيلٸك كامپانييانى سىنادى. ۆاشينگتون "قولدا بار قۇرالدارمەن" اتالعان كامپانيياعا تويتارىس بەرۋگە ۋەدە بەردٸ.
"كٷن سايىن ادامدار ٶمٸرٸن قۇتقارىپ جاتقان ۆاكتسينا تۋرالى جالعان اقپارات تاراتقان رەسەيدٸڭ ەسكٸ ايلا-امالدارعا جٷگٸنٸپ جاتقانى بەسەنەدەن بەلگٸلٸ جەنە سول ارقىلى ادامداردىڭ ٶمٸرٸنە قاۋٸپ تٶندٸرٸپ جاتىر" دەدٸ اقش مەملەكەتتٸك دەپارتامەنتٸنٸڭ رەسمي ٶكٸلٸ نەد پرايس 8 ناۋرىزدا جۋرناليستەرگە.
بٸر كٷن بۇرىن امەريكالىق Wall Street Journal باسىلىمى مەملەكەتتٸك دەپارتامەنتكە قارايتىن عالامدىق ٶزارا قيمىل ورتالىعىنىڭ قورىتىندىسىن جارييالاعان. وندا "قارالاۋ" كامپانيياسىنا قاتىسقان تٶرت ونلاين-پلاتفورمانىڭ ارتىندا رەسەي بارلاۋ قىزمەتٸ تۇرعانى جازىلعان. WSJ جازۋىنشا, سايتتار امەريكالىق Pfizer ۆاكتسيناسىنىڭ قاۋپٸ جايلى ماقالالار جارييالاپ, رەسەيلٸك "سپۋتنيك V" ۆاكتسيناسىنىڭ ٶندٸرٸسٸنە سەرپٸن بەرۋگە تىرىسقان. اتالعان پلاتفورمالار امەريكالىق ۆاكتسينا جايلى تەرٸس پٸكٸر بٸلدٸرگەن حالىقارالىق جاڭالىقتاردى جيٸ جارييالاپ, پرەپاراتتىڭ قاۋٸپسٸزدٸگٸ مەن تيٸمسٸزدٸگٸ جايلى اقپارات بەرمەگەن.
نەد پرايستىڭ سٶزٸنە قاراعاندا, سايتتاردا اقش ازىق-تٷلٸك جەنە دەرٸ-دەرمەك ساپاسىن سانيتارلىق باقىلاۋ جٶنٸندەگٸ باسقارما ماقۇلداعان ەكٸ ۆاكتسينا تۋرالى جالعان اقپارات بار.
اق ٷي باسپاسٶز حاتشىسى دجەن پساكي بريفينگ كەزٸندە اقش "قولدا بار قۇرالدارمەن قارالاۋ كامپانيياسىنا تويتارىس بەرەدٸ" دەپ مەلٸمدەدٸ.
