قاسىم-جومارت توقاەۆ ٸندەتتٸڭ كەڭ تارالۋىنا بايلانىستى تۇرعىنداردان ارىز-شاعىم كٶپ تٷسٸپ جاتقانىن جەتكٸزدٸ, – دەپ حابارلايدى «ۇلت اقپارات».
بۇل تۋرالى پرەزيدەنتتٸڭ باسپاسٶز حاتشىسى بەرٸك ۋەلي فەيسبۋك پاراقشاسىندا جازدى.
«coronavirus2020.kz سايتىنا قىرىق مىڭعا جۋىق سۇراق كەلٸپ تٷستٸ. قازٸرگٸ تاڭدا ونىڭ ٷشتەن بٸرٸنە عانا جاۋاپ بەرٸلدٸ. مۇنداي قارىم-قاتىناستىڭ نەتيجەسٸندە تەرٸس ەرٸ جالعان اقپاراتتار ٶرشٸپ تۇر. بۇل بٸزدٸڭ جۇمىسىمىزدى ودان سايىن قيىنداتۋدا.
اقپاراتتىق جۇمىستارعا قاتىستى تەسٸلدٸ تٷبەگەيلٸ ٶزگەرتۋ كەرەك.
تەلەارنالاردان, تٸكەلەي ەفير ارقىلى دەرٸگەرلەردەن كەڭەس الىپ, سۇراقتارىنا جاۋاپ الاتىن كٷندەلٸكتٸ باعدارلامالاردى ۇيىمداستىرۋعا نەگە بولمايدى?
ازاماتتارعا ەمدەۋدٸڭ پروتوكولىن, الگوريتمٸن جەتكٸزۋ كەرەك. دەرٸ-دەرمەكتەر, ونى پايدالانۋ جٶنٸندە تٷسٸنٸكتەمە بەرۋ قاجەت, – دەدٸ پرەزيدەنت.
