1 اقپاننان بەرٸ 5 ادام كوروناۆيرۋسقا قارسى ۆاكتسينادان باس تارتتى. بۇل تۋرالى ورتالىق كوممۋنيكاتسييالار قىزمەتٸندە نۇر-سۇلتان قالاسىنىڭ قوعامدىق دەنساۋلىق ساقتاۋ باسقارماسىنىڭ باسشىسى تيمۋر مۇراتوۆ مەلٸم ەتتٸ, دەپ حابارلايدى "ۇلت اقپارات".
«اقپان ايىندا 2030 دوزا ۆاكتسينا سالىنادى دەپ جوسپارلاپ وتىرمىز. قازٸرگٸ ۋاقاتتا 719 ادام ۆاكتسيناسىن (1-8 اقپان ارالىعىندا) الىپ ٷلگەردٸ. قالعانى وسى ايدىڭ ٸشٸندە ەكپە سالدىرادى. سوعان قوسا, بۇل ۆاكتسينانىڭ ەكٸنشٸ كومپونەنتٸن دە وسى ايدىڭ سوڭىنان باستاپ جاسايتىن بولامىز», - دەدٸ ت. مۇراتوۆ ورتالىق كوممۋنيكاتسييالار قىزمەتٸندە.
سونىمەن قاتار ول ۆاكتسينا العان ادامداردىڭ اراسىندا ايتارلىقتاي كەرٸ رەاكتسييا بولماعانىن جەتكٸزدٸ.
«ۆاكتسينا سالعان ورىننىڭ اۋىرۋى جەنە كەشكە تامان ادامنىڭ سەل ەلسٸرەۋٸن كەرٸ رەاكتسييا دەپ ايتۋعا بولمايدى. ۆاكتسينا العان ادام ٷشٸن ول قالىپتى جاعداي. مەن ٶزٸم ۆاكتسينا الدىم, بٸرٸنشٸ كٷننٸڭ كەشٸندە سونداي كٶڭٸل-كٷيدە بولدىم. ەكٸنشٸ كٷنٸ بۇل كٷي ٶزدٸگٸنەن كەتٸپ قالدى», دەپ تٷسٸندٸردٸ باسقارما باسشىسى.
ت. مۇراتوۆ ۆاكتسينادان ٶز ەركٸمەن باس تارتقان مەديتسينا قىزمەتكەرلەرٸ تۋرالى ايتتى.
«ۆاكتسينا سالدىرۋدان باس تارتقان ازاماتتار بار دەپ ايتىپ وتىرمىز. ولاردىڭ ٸشٸندە مەديتسينا قىزمەتكەرلەرٸنە ەكپە سالدىرىپ جاتىرمىز. ٶزدەرٸڭٸز كٶرٸپ وتىرعانداي, جوسپار بويىنشا مىڭنان اسا ادامعا جاساۋ كەرەك ەدٸ (1-8 اقپان ارالىعىندا ۆاكتسييانالاۋعا 916 ادام), سونىڭ ٸشٸندە 719-ىنا جاساپ ٷلگەردٸك. ٶز ەركٸمەن باس تارتقاندار 5 ادام عانا. ولار ٶزٸنٸڭ ويىمەن, تٷسٸنٸگٸمەن ەزٸرشە ۆاكتسينا المايمىز دەپ شەشتٸ. قالعان ۆاكتسينا سالدىرماعان ادامدارعا توقتالساق, ولارعا مەديتسينالىق قارسى كٶرسەتٸلٸمٸ بويىنشا قويىلمادى», - دەدٸ ول.
بۇدان بۇرىن حابارلانعانداي, ەلوردانىڭ قوعامدىق دەنساۋلىق ساقتاۋ باسقارماسىنىڭ قويماسىندا كۆي-عا قارسى ۆاكتسينانىڭ 1 531 دوزاسى بار.
