اقوردانىڭ باسپاسٶز قىزمەتٸ استانا كلۋبىنىڭ ٷشٸنشٸ وتىرىسى تۋرالى ارنايى رەپورتاجدى جارييالادى, دەپ حابارلايدى قازاقپارات.
ەسكە سالا كەتەيٸك, 13 قاراشادا ەلوردادا قازاقستان پرەزيدەنتٸ نۇرسۇلتان نازارباەۆتىڭ قاتىسۋىمەن استانا كلۋبىنىڭ ٷشٸنشٸ وتىرىسى ٶتكەن بولاتىن.
استانا كلۋبىنىڭ ٷشٸنشٸ وتىرىسىنىڭ باستى تاقىرىبى - «ٷلكەن ەۋرازييا» ترانسفورماتسيياسى: الداعى ونجىلدىقتا ەۋرازييالىق كەڭٸستٸكتٸ قالىپتاستىراتىن گەوساياسي, ايماقتىق, ەكونوميكالىق جەنە تەحنولوگييالىق ترەندتەر. استانا كلۋبىنىڭ وتىرىستارى «Chatham house» ەرەجەسٸ بويىنشا ٶتكٸزٸلەدٸ.
بيىلعى جىلى ونىڭ بەلدٸ ساياساتكەرلەر مەن ساراپشىلاردان تۇراتىن قاتىسۋشىلارى جاھاندىق ٷردٸستەر مەن ەۋرازيياعا ىقپال ەتٸپ جاتقان ەڭ ٶزەكتٸ مەسەلەلەر بويىنشا تالقىلاۋلار ٶتكٸزدٸ. استانا كلۋبى قر تۇڭعىش پرەزيدەنتٸ - ەلباسى قورىنىڭ جەتەكشٸ حالىقارالىق عىلىمي ورتالىقتار قىتاي قازٸرگٸ زامانعى حالىقارالىق قاتىناستار اكادەميياسى, گەرمانييا سىرتقى ساياسات كەڭەسٸ, رەسەي حالىقارالىق ٸستەر كەڭەسٸ جەنە حالىقارالىق بەيبٸتشٸلٸك ٷشٸن كارنەگي قورىمەن بٸرلەسٸپ قۇرعان حالىقارالىق پٸكٸرتالاس الاڭى سانالادى.
استانا كلۋبىنىڭ بٸرٸنشٸ وتىرىسى 2015 جىلعى قاراشادا ەلەمنٸڭ 15 ەلٸنەن كەلگەن 47 ساراپشىنىڭ قاتىسۋىمەن ٶتكەن ەدٸ. ونىڭ بارىسىندا ەۋرازييا گەوەكونوميكاسىنىڭ نەگٸزگٸ اسپەكتٸلەرٸ, عالامدىق جەنە ٶڭٸرلٸك ويىنشىلاردىڭ مٷددەلەرٸ, ەكونوميكالىق قاۋٸپ-قاتەرلەر مەن مٷمكٸندٸكتەر مەسەلەلەرٸ تالقىلانعان بولاتىن. ال 2016 جىلدىڭ 14 قاراشاسىندا ٶتكەن ەكٸنشٸ وتىرىسقا ەلەمنٸڭ 50-دەن استام ساراپشىسى, ساياسي جەنە قوعام قايراتكەرلەرٸ, 21 ەلدٸڭ عالىمدارى, سونىمەن بٸرگە جەتەكشٸ قازاقستاندىق ساراپشىلار قاتىستى.
