فوتو: ۆيدەودان الىنعان كادر
تسەلينوگراد اۋدانىنىڭ جاڭاەسٸل اۋىلىندا جالپى بٸلٸم بەرەتٸن مەكتەپ ديرەكتورىنىڭ تەربيە ٸسٸ جٶنٸندەگٸ ورىنباسارى تەمەكٸ شەككەن وقۋشىمەن دٶرەككٸ سٶيلەستٸ, سول ٷشٸن ونى پەداگوگيكالىق ەدەپ جٶنٸندەگٸ كەڭەس جۇمىسىنان شىعاردى, دەپ حابارلايدى Kazinform اگەنتتٸگٸ.
مۇعالٸمنٸڭ مەكتەپ وقۋشىسىنا قاتىستى دٶرەكٸ قىلىعى تۋرالى بەينەجازبا ەلەۋمەتتٸك جەلٸدە جارييالاندى. جەلٸ قولدانۋشىلارى مۇعالٸمنٸڭ ەرەكەتٸن سىنعا الدى.
اقمولا وبلىستىق بٸلٸم باسقارماسى باسپاسٶز قىزمەتٸنٸڭ مەلٸمەتٸنشە, وسى دەرەك بويىنشا قىزمەتتٸك تەرگەۋ جٷرگٸزٸلگەن. بەلگٸلٸ بولعانداي, ەكٸنشٸ ساباقتان كەيٸنگٸ ٷزٸلٸس كەزٸندە 7,9,10 سىنىپ وقۋشىلارى سپورتزالعا ۆولەيبول ويناۋعا بارعان. الايدا, دەنە شىنىقتىرۋ پەنٸنٸڭ مۇعالٸمٸ ا.يۋتينا وقۋشىلاردىڭ ۆولەيبول ويناعانىن ەمەس, 7-سىنىپ وقۋشىسى د.كيمنٸڭ تەمەكٸ شەگٸپ تۇرعانىن كٶرگەن. وسى كەزدە مۇعالٸم بٸردەن مەكتەپ ديرەكتورىنىڭ تەربيە جٶنٸندەگٸ ورىنباسارى ب.مەكەبايدى شاقىرعان, ول وقۋشىمەن ەڭگٸمەلەسكەن.
ەڭگٸمە بارىسىندا وقۋشى سپورتزالدا تەمەكٸ شەگەتٸنٸن مويىنداعان. وقۋشىنىڭ بۇل جاۋابى مەكتەپ ديرەكتورى ورىنباسارىنىڭ اشۋىنا تيٸپ, ول ەموتسيياعا ەرٸك بەرگەن.
«بٸلٸم بٶلٸمٸنٸڭ جۇمىس توبى جاڭاەسٸل اۋىلىنداعى بالالارمەن, اتا-انالارمەن جەنە مەكتەپتٸڭ پەداگوگيكالىق ۇجىمىمەن ەڭگٸمەلەستٸ. وسى دەرەك بويىنشا جٷرگٸزٸلگەن تالقىلاۋدان كەيٸن كەمەلەتكە تولماعان بالانىڭ زاڭدى ٶكٸلٸ د.كيمنەن پەداگوگ ب.مەكەبايعا شاعىمدان باس تارتۋ تۋرالى ٶتٸنٸش كەلٸپ تٷستٸ. دەگەنمەن, بۇل جاعداي جاڭاەسٸل اۋىلى مەكتەبٸنٸڭ پەداگوگيكالىق ەدەپ جٶنٸندەگٸ كەڭەسٸنٸڭ وتىرىسىندا قارالدى, وندا قر ەڭبەك كودەكسٸنٸڭ 52-بابىنىڭ 14-تارماعىنا سەيكەس ب.مەكەبايدى جۇمىستان شىعارۋ تۋرالى شەشٸم قابىلداندى», - دەدٸ ۆەدومستۆودان.
اقمولا وبلىسى پد باسپاسٶز قىزمەتٸ ەلەۋمەتتٸك جەلٸدە جەلدەي ەسكەن بەينەجازبانى پوليتسييا زەرتتەگەنٸن اتاپ ٶتتٸ.
«كەلەڭسٸز جاعداي شىنىمەن جاڭاەسٸل اۋىلىنداعى ورتا مەكتەپتە بولعانى راستالدى. مۇعالٸمنٸڭ زاڭسىز ەرەكەتتەرٸ دەرەگٸ بويىنشا ماتەريال تسەلينوگراد اۋداندىق پوليتسييا بٶلٸمٸنٸڭ اقپاراتتى ەسەپكە الۋ كٸتابىندا تٸركەلدٸ. تەكسەرٸس جٷرگٸزٸلۋدە, سونىڭ قورىتىندىسى بويىنشا ناقتى شەشٸم قابىلدانادى, - دەپ تٷسٸندٸردٸ Kazinform تٸلشٸسٸنٸڭ ساۋالىنا جاۋاپ بەرگەن پد باسپاسٶز قىزمەتٸ.
