بٷگٸنگٸ تاڭدا اقمولا ٶڭٸرٸندە تۋريزمدٸ دامىتۋعا ەرەكشە كٶڭٸل بٶلٸنۋدە. ٷكٸمەت تاراپىنان شۋچە-بۋراباي كۋرورتتى ايماعىن دامىتۋدىڭ ٷشٸنشٸ كەزەڭٸنە ارنالعان جوسپار قابىلدانۋى مەسەلەنٸڭ العا جىلجۋىنا ەرەكشە ەكپٸن بەرەدٸ. بۇل جٶنٸندە ارنايى بريفينگ ٶتكٸزگەن اقمولا وبلىسى ەكٸمٸنٸڭ تۋريزم مەسەلەلەرٸ جٶنٸندەگٸ كەڭەسشٸسٸ مارات يعاليەۆ جەنە وبلىستىق تۋريزم باسقارماسىنىڭ باسشىسى شىناربەك باتىرحانوۆ مەلٸم ەتتٸ.
جالپى, وسى كەزگە دەيٸن جان جاقتى زەردەلەنٸپ قابىلدانعان «Four Seasons» جوباسى ٶڭٸرگە تۋريستەردٸ تارتۋدا ٶزٸنٸڭ نەتيجەسٸن بەرە باستاعان. جوبا اياسىندا جازعى مەزگٸلدە دەستٷرلٸ حالىقارالىق «بۋراباي-2017» جەلكەندٸ رەگاتى دا ٶتكٸزٸلدٸ. وعان قازاقستاننىڭ عانا ەمەس, سونىمەن قاتار رەسەيدٸڭ ەكاتەرينبۋرگ, ومبى قالالارى مەن ٶزگە دە ٶڭٸرلەرٸنٸڭ سپورتشىلارى قاتىستى. تامىز ايىندا وبلىس ەكٸمدٸگٸ قولداۋىمەن وليمپيادا چەمپيونى, اتاقتى ۆەلوشاباندوز ا.ۆينوكۋروۆتىڭ قاتىسۋىمەن ٶتكەن قايىرىمدىلىق ۆەلوجارىسى دا بۋراباي كۋرورتتى ايماعىنا ەرەكشە نازار اۋداراتىنى بەلگٸلٸ.
شارانى ٶتكٸزۋ نەتيجەسٸندە 150 ميلليون تەڭگە جينالسا, بۇل قارجى مٷمكٸندٸگٸ شەكتەۋلٸ بالالارعا قىزمەت كٶرسەتۋ ورتالىعىنا مەديتسينالىق قۇرال-جابدىقتار ساتىپ الۋعا باعىتتالدى. سونداي-اق سوڭعى جىلدارى بۋراباي كۋرورتتى ايماعى شەتەلدٸك مەيمانداردى دا قىزىقتىرا باستاپتى. ەسٸرەسە, اتقا مٸنٸپ, سەرۋەندەۋدٸ ۇناتاتىندار قاتارى كٶبەيٸپ كەلەدٸ ەكەن. ولاردىڭ اراسىندا رەسەي, تٷركييا, برازيلييا جەنە ٶزگە دە ەلدەردٸڭ ازاماتتارى كٶپتەپ كەزدەسەدٸ.
تازا اۋا اياسىندا سەرۋەن قۇرۋشىلار موتوتسيكلدەرمەن دە ساياحاتتاپ جٷرەتٸندٸگٸن بريفينگ ٶتكٸزۋشٸلەر ەرەكشە اتادى. تارقاتىپ ايتقاندا, «Elikti Park» تاۋ شاڭعىسى بازاسىندا بايكەرلەردٸڭ سلەتٸ ٶتٸپ, وعان قازاقستاننان ٶزگە رەسەي, ۋكراينا, بەلارۋس جەنە بالتىق جاعالاۋى ەلدەرٸنەن دە كەلٸپ قاتىسىپتى. ماڭىزدى وقيعالاردىڭ بٸرٸ رەتٸندە مەملەكەت باسشىسىنىڭ قاتىسۋىمەن اشىلعان گولف-كلۋبىنىڭ جۇمىس ٸستەي باستاۋى دا قالتالى تۋريستەردٸڭ كەلۋٸنە ٶزٸندٸك ٷلەسٸن قوساتىن بولادى. وسىنداي وڭدى ٸس-شارالار ارقىلى تۋريزم سالاسىنداعى بيزنەستٸ قولداۋعا جاعداي جاسالۋدا.
قىسقى تۋريزمگە دايىندىق قازٸردەن قولعا الىنىپ, ٸس-شارالار جوسپارى تٷزٸلدٸ. ەسٸرەسە «قىسقى ەرتەگٸ» جوباسىن ٸسكە اسىرۋ ارقىلى دەمالۋشىلاردىڭ كٶڭٸل كٶتەرۋٸنە ەرەكشە ماڭىز بەرٸلٸپ وتىر. حالىقارالىق كونكۋرس ارقىلى قىسقى قالاشىقتىڭ سالىنۋىنا ٷزدٸك سۋرەتشٸلەر, ديزاينەرلەر, مٷسٸنشٸلەر مەن ٶزگە دە شىعارماشىلىق ٶكٸلدەرٸ تارتىلادى دەپ كٷتٸلۋدە. ەرتەگٸ قالاشىعى 3 اي قاتارىنان مەيمانداردى قابىلداماق. سونىمەن قاتار «ەكەم, انام, مەن – سپورتتىق وتباسىمىز» اتتى فەستيۆال ۇيىمداستىرىلىپ, «سانتا كلاۋستا قوناقتا بولعاندا» اتتى بالالار باعدارلامالارى كٶپشٸلٸك نازارىنا ۇسىنىلادى.
اقمولا وبلىستىق تۋريزم باسقارماسىنىڭ باسشىسى ش.باتىرحانوۆتىڭ ايتۋىنشا, مۇنداي جوبالاردى جٷزەگە اسىرۋ ارقىلى قازاقستاندىق جەنە شەتەلدٸك تۋريستەرگە بۋراباي كۋرورتتى ايماعى تارتىمدى بولا تٷسەدٸ. نەتيجەسٸندە قىزمەت كٶرسەتۋ كٶلەمٸ ٶسٸپ, سالىق تٷسٸمٸ ۇلعايىپ, تۋريستٸك سالانىڭ دامۋىنا ٶزٸندٸك ٷلەس قوسادى. تاعى بٸر بەلگٸلٸ بولعانى, قازٸرگٸ كەزدە كٶكشەتاۋ قالاسىنىڭ ەۋەجايى مەن رەسەيلٸك ومبى, تٷمەن, ەكاتەرينبۋرگ, چەليابٸ جەنە سۋرگۋت قالالارىمەن تٸكەلەي ەۋە قاتىناسىن ورناتۋ تۋرالى كەلٸسسٶزدەر جالعاسۋدا. اقمولا وبلىسى ەكٸمٸنٸڭ تۋريزم مەسەلەلەرٸ بويىنشا كەڭەسشٸسٸ م.يعاليەۆ قوسىمشا رەيستەردٸڭ اشىلۋىمەن رەسەيلٸك تۋريستەردٸڭ اقمولا وبلىسىنا كٶپتەپ كەلۋٸنە جاعداي جاسالاتىنىن جەتكٸزدٸ.
اسقار تۇراپبايۇلى
