Aqmola óńirindegi týrizmniń tartymdy tetikteri qarastyrylýda

Búgingi tańda Aqmola óńirinde týrizmdi damytýǵa erekshe kóńil bólinýde. Úkimet tarapynan Shýche-Býrabai kýrort­ty aimaǵyn damytýdyń úshin­shi kezeńine arnalǵan jos­par qabyldanýy máseleniń al­ǵa jyljýyna erekshe ekpin bere­di. Bul jóninde arnaiy brifing ótkizgen Aqmola oblysy ákimi­niń týrizm máseleleri jónin­degi keńesshisi Marat Iǵa­liev jáne oblystyq týrizm basqarmasynyń basshysy Shy­narbek Batyrhanov málim etti.

Jalpy, osy kezge deiin jan jaqty zerdelenip qabyldanǵan «Four Seasons» jobasy óńirge týrister­di tartýda óziniń nátije­sin bere bastaǵan. Joba aiasyn­­da jazǵy mezgilde dás­­túrli halyqaralyq «Býrabai-2017» jelkendi rega­ty da ótkizildi. Oǵan Qazaq­stannyń ǵana emes, sonymen qatar Resei­diń Ekaterinbýrg, Omby q­ala­lary men ózge de óńir­leriniń sportshylary qa­tysty. Tamyz aiynda oblys ákimdigi qoldaýymen Olimpiada chempiony, ataqty veloshabandoz A.Vinokýrovtyń qatysýymen ótken qaiy­rymdylyq velojarysy da Býrabai kýrortty aima­ǵyna erekshe nazar aýdaratyny belgili.

Sharany ótkizý nátijesinde 150 million teńge jinalsa, bul qarjy múmkindigi shekteýli balalarǵa qyzmet kórsetý ortalyǵyna meditsinalyq qural-jabdyqtar satyp alýǵa baǵyttaldy. Sondai-aq sońǵy jyldary Býrabai kýrortty aimaǵy sheteldik meimandardy da qyzyq­t­y­ra bas­tapty. Ásirese, atqa minip, serýendeýdi unatatyndar qatary kóbeiip keledi eken. Olardyń arasynda Resei, Túrkiia, Braziliia jáne óz­ge de elderdiń azamattary kóp­tep kezdesedi.

Taza aýa aiasynda serýen qurýshylar mototsikldermen de saiahattap júretindigin brifing ótkizýshiler erekshe atady. Tarqatyp aitqanda, «Elikti Park» taý shańǵysy bazasynda baikerlerdiń sleti ótip, oǵan Qazaqstan­nan ózge Resei, Ýkraina, Bela­rýs jáne Baltyq jaǵa­laýy elderinen de kelip qaty­syp­ty. Mańyzdy oqiǵa­lar­dyń biri retinde Memleket basshysynyń qatysýymen ashylǵan golf-klýbynyń jumys istei bastaýy da qal­taly týristerdiń kelýine ózin­dik úlesin qosatyn bolady. Osyndai ońdy is-sharalar arqyly týrizm salasyndaǵy biznesti qoldaýǵa jaǵdai jasalýda.

Qysqy týrizmge daiyndyq qazirden qolǵa alynyp, is-sharalar jospary túzildi. Ásirese «Qysqy ertegi» jobasyn iske asyrý arqyly demalýshylar­dyń kóńil kóterýine erekshe mańyz berilip otyr. Halyq­aralyq konkýrs arqyly qysqy qalashyqtyń salynýyna úzdik sýretshiler, dizainerler, músinshiler men ózge de shyǵarmashy­lyq ókilderi tartylady dep kú­tilýde. Ertegi qalashyǵy 3 ai qatarynan meimandardy qabyldamaq. Sonymen qatar «Ákem, anam, men – sporttyq otbasymyz» atty festival uiymdastyrylyp, «Santa Klaýsta qonaqta bolǵanda» atty balalar baǵdar­la­ma­lary kópshilik nazaryna usynylady.

Aqmola oblystyq týrizm basqarmasynyń basshysy Sh.Batyrhanovtyń ai­týynsha, mundai jobalar­dy júzege asyrý arqyly qazaq­standyq jáne sheteldik týristerge Býrabai kýrort­­ty aimaǵy tartymdy bola túse­di. Nátijesinde qyzmet kórse­tý kólemi ósip, salyq túsimi ulǵaiyp, týristik salanyń damýyna ózindik úles qosady. Taǵy bir belgili bolǵany, qazirgi kezde Kókshetaý qa­lasy­nyń áýe­jaiy men resei­lik Omby, Túmen, Eka­te­rin­býrg, Cheliabi jáne Sýr­gýt qa­­la­­­­larymen tikelei áýe qaty­­na­syn ornatý týraly ke­lis­­­sózder jalǵasýda. Aq­mo­­la oblysy ákiminiń týrizm máseleleri boiynsha ke­­ńes­­shisi M.Iǵaliev qosym­sha reisterdiń ashylýy­men re­­sei­lik týristerdiń Aqmo­la ob­l­ysyna kóptep kelýi­ne jaǵ­dai jasalatynyn jetkizdi.    

Asqar TURAPBAIULY