بٷگٸن تاڭعى ساعات 05:19-دا اقمولا وبلىسى اتباسار اۋدانى حرياششەۆكا اۋىلىندا جەكە تۇرعىن ٷيدە 100 شارشى مەتر الاڭدا ٶرت بولدى, دەپ حابارلايدى "ۇلت اقپارات" وبلىستىق تجد باسپاسٶز قىزمەتٸنە سٸلتەمە جاساپ.
«ٷيدە 1979 جەنە 1981 جىلعى اتا-انا مەن ولاردىڭ 2004, 2005, 2007, 2008 جىلى تۋعان ۇلدارى مەن 2012 جىلى تۋعان قىزىنان, جەتٸ ادامنان, تۇراتىن كٶپبالالى وتباسى تۇرعان. اتباسارداعى №4 مامانداندىرىلعان ٶرت سٶندٸرۋ ستانتسيياسىنا دەيٸنگٸ قاشىقتىق 25 شاقىرىم. ٶرت سٶندٸرۋ بٶلٸمشەلەرٸ كەلگەنگە دەيٸن, وتاعاسى 2004 جەنە 2012 جىلى تۋىلعان ەكٸ بالانى جەنە ونىڭ ەيەلٸن امان قۇتقارىپ قالعان», - دەپ اتاپ ٶتتٸ باسپاسٶز قىزمەتٸ.
تجد مەلٸمەتٸ بويىنشا ٶرت سالدارىنان ٷيدٸڭ تٶبە جابىندىسى قۇلاعان.
«ساعات 06: 40-تا ٶرت اۋىزدىقتالىپ, ساعات 08:25-تە سٶندٸرٸلدٸ. ٶرت شىققان ورىننان ٷش بالانىڭ دەنەسٸ تابىلدى», - دەپ حابارلادى تجد.
ٶرتتٸ سٶندٸرۋگە تجد-نىڭ12 قىزمەتكەرٸ مەن 2 تەحنيكاسى, ەرٸكتٸ ٶرت سٶندٸرۋ قۇرالىمدارى -3 تەحنيكا جەنە ٷش ادام جۇمىلدىرىلدى.
وقيعا ورنىندا اۋداندىق پوليتسييا بٶلٸمٸنٸڭ جەدەل-تەرگەۋ توبىنىڭ كەزەكشٸسٸ جۇمىس ٸستەيدٸ.
«وتاعاسىنىڭ ايتۋىنشا, تاڭەرتەڭگٸ ساعات بەس شاماسىندا ۇلى ونى وياتىپ, ۆەراندا ٶرتەنٸپ جاتقانىن ايتقان. ەر ادام ٷيدٸڭ تەرەزەسٸن سىندىرىپ, ەيەلٸ مەن ەكٸ بالاسىن شىعارىپ العان. ٶرت تەز تاراعان, ٶيتكەنٸ ٷي تەز تۇتاناتىن ماتەريالداردان سالىنعان. ٷش بالانى قۇتقارۋ مٷمكٸن بولمادى. ٶرتتٸڭ سەبەبٸ انىقتالۋدا, كٶكشەتاۋ قالاسىنان ٶرت سىناماسى زەرتحاناسىنا جٸبەرٸلدٸ», - دەدٸ اقمولا تجد باسشىسىنىڭ مٸندەتٸن اتقارۋشى قانات دوسپاەۆ.
