فوتو: Polisia.kz
اقمولالىق پوليتسەيلەر قۇنى 30 ملن تەڭگە بولاتىن جوعالعان 103 جىلقىنى يەلەرٸنە قايتارىپ بەردٸ, – دەپ حابارلايدى "ۇلت اقپارات" Polisia.kz پورتالىنا سٸلتەمە جاساپ.
ساندىقتاۋ اۋدانى, جىلاندى اۋىلىنىڭ بٸرنەشە تۇرعىنىنا تيەسٸلٸ جىلقى تابىنىنىڭ جوعالعانى تۋرالى ارىز پوليتسييا بٶلٸمٸنە 12 جەلتوقساندا تٷسكەن. يەلەرٸنٸڭ ايتۋىنشا, جايىلىمدا جٷرگەن 103 جىلقى 5 جەلتوقساندا جوعالىپ كەتكەن. اۋىل تۇرعىندارى ولاردى بٸر اپتا بويى ٶزدەرٸ ٸزدەپ, سودان كەيٸن عانا پوليتسييادان كٶمەك سۇراعان. اقمولالىقتار شىعىندى 30 ملن تەڭگەگە باعالادى.
"جەبٸرلەنۋشٸلەردٸڭ ٶتٸنٸشٸ تٸركەلدٸ. اسا ٸرٸ زالال ەسكەرٸلە وتىرىپ, بۇل دەرەككە قاتىستى قر قك-نٸڭ 188-بابى 4-بٶلٸگٸ (اسا ٸرٸ مٶلشەردە جاسالعان ۇرلىق) بويىنشا سوتقا دەيٸنگٸ تەرگەۋ باستالدى.
جوعالعان جىلقىلاردى ٸزدەۋ ٷشٸن پوليتسەيلەر جەدەل شارالار قابىلدادى, كريمينالدىق پوليتسييا قىزمەتكەرلەرٸ مەن جەرگٸلٸكتٸ پوليتسييا قىزمەتٸ بٶلٸمشەلەرٸنٸڭ اراسىنان ارنايى توپتار قۇرىلدى. ٸزدەۋ ٸس-شارالارىنا تج قىزمەتكەرلەرٸ مەن يەلەرٸنٸڭ ٶزدەرٸ قاتىستى. تٷرلٸ اۆتوموبيل تەحنيكاسى پايدالانىلدى, سونداي-اق پوليتسييا دەپارتامەنتٸنٸڭ درونىمەن دا ٸزدەۋ جٷرگٸزٸلدٸ.
بۇل كٷندەرٸ ٶڭٸر اۋماعىندا قاتتى اياز بولدى. اۋا-رايىنىڭ قولايسىزدىعىنا قاراماستان, توپتار تەۋلٸك بويى تەك ساندىقتاۋ اۋدانىنىڭ اۋماعىندا عانا ەمەس, وبلىستىڭ كٶرشٸ اۋداندارىندا دا ٸزدەۋ ٸس-شارالارىن جٷزەگە اسىردى.
سونداي-اق پوليتسەيلەر جەدەل ٸس-شارالار كەشەنٸن ٶتكٸزدٸ: مال باسى مەن ەت ٶنٸمدەرٸن ساتۋمەن اينالىساتىن ادامداردى تەكسەردٸ, ەت بازارلارى, ەت كومبيناتتارى جەنە باسقا دا ساۋدا ورىندارى نازاردان تىس قالمادى. اۆتوجولداردا قوسىمشا بلوكبەكەتتەر قويىلدى, پاترۋلدٸك پوليتسييا باتالونىنىڭ قىزمەتكەرلەرٸ مال مەن ەت ٶنٸمدەرٸن تاسىمالداۋمەن اينالىساتىن اۆتوكٶلٸكتەرگە تەكسەرۋ جٷرگٸزدٸ" - دەلٸنگەن حابارلامادا.
قابىلدانعان شارالاردىڭ نەتيجەسٸندە 14 جەلتوقساندا جىلقىلاردىڭ بارلىعى جوعالعان تۇستان 30 شاقىرىم جەردە تابىلىپ, يەلەرٸنە قايتارىلعان. بەلگٸلٸ بولعانداي, ۇرلىق فاكتٸسٸ راستالماعان, وسىعان بايلانىستى قىلمىستىق ٸستٸ تەرگەۋ توقتاتىلعان.
