يندۋسترييا جەنە ينفراقۇرىلىمدىق دامۋ مينيسترٸ رومان سكليار ەكٸمدٸك كەزەگٸندە تۇرعاندارعا باسپانا بەرۋ تۋرالى ايتتى, دەپ حابارلايدى Sputnik قازاقستان.
"بيىل كەزەكتە تۇرعان ادامدارعا 6 مىڭ پەتەر بەرۋ جوسپارلانىپ وتىر. 1 شٸلدەگە دەيٸن 924 پەتەر تاپسىرىلدى. كٶپبالالى وتباسىلار ٷشٸن جالعا بەرٸلەتٸن تۇرعىن ٷيلەردٸڭ قۇرىلىسىنا جەنە وسى ماقساتتا دايىن ٷيلەردٸ ساتىپ الۋعا 50 ميلليارد تەڭگە قاراستىرىلعان", - دەدٸ سكليار ٷكٸمەت وتىرىسىندا.
مينيستردٸڭ ايتۋىنشا, بارلىق قارجىلاندىرۋ كٶزٸنٸڭ ەسەبٸنەن كٶپبالالى وتباسىلارعا 7 482 ارەندالىق پەتەردٸ تاراتۋ جوسپارلانىپ وتىر.
"مامىر ايىنان باستاپ 1 619 كٶپبالالى وتباسىعا تۇرعىن ٷيلەر بەرٸلدٸ. نۇر-سۇلتان, الماتى مەن شىمكەنت قالالارىندا جۇمىس جاسايتىن جاستاردى باسپانامەن قامتاماسىز ەتۋ ٷشٸن جىلىنا 1 000 جالدامالى پەتەر سالۋ جوسپارى بار. مەملەكەت باسشىسىنىڭ تاپسىرماسىنا سەيكەس, وسى ساناتتاعى تۇرعىن ٷيلەردٸ سالۋعا جەنە ساتىپ الۋعا قارجىلاندىرۋ كٶلەمٸ جىلىنا 21,6 ميلليارد تەڭگەگە ۇلعايتىلادى. وسىنىڭ ارقاسىندا ٷش جىلدا جاستار ٷشٸن 3 000 پەتەر سالىنادى", - دەپ اتاپ كٶرسەتتٸ سكليار.
ايتا كەتسەك, جۋىردا تۇرمىسى تٶمەن كٶپبالالى وتباسىلاردى ساتىپ الۋ قۇقىعىنسىز ارەندالىق ٷيمەن قامتۋعا مٷمكٸندٸك بەرەتٸن زاڭ قابىلداندى. وعان سەيكەس كٶپبالالى وتباسىلار ٶزدەرٸ جەكە پەتەر ساتىپ العانشا, مەملەكەت بەرگەن ٷيدە قالاعان ۋاقىتقا دەيٸن تۇرا الادى.
