فوتو: Kazinform
ەكٸمدەرگە اۆتوتۇراقتاردى ۇيىمداستىرۋ جەنە ولاردىڭ ساناتتارىن ايقىنداۋ قاعيدالارىن بەكٸتۋ قۇزىرەتٸ بەرٸلمەك. بۇل جايىندا مەجٸلٸس دەپۋتاتتارىنىڭ ساۋالىنا پرەمەر-مينيستردٸڭ بٸرٸنشٸ ورىنباسارى رومان سكلياردىڭ جاۋابىندا ايتىلعان, دەپ حابارلايدى «ۇلت اقپارات» Kazinform-عا سٸلتەمە جاساپ.
«قازٸرگٸ ۋاقىتتا اۆتوتۇراقتاردى (اۆتوموبيل قوياتىن ورىنداردى) ۇيىمداستىرۋ تەرتٸبٸ الماتى جەنە استانا قالاسى اۋماعىندا عانا ەكٸمدەردٸڭ قاۋلىلارىمەن بەكٸتٸلگەن. قاعيدالارعا وراي اۆتوتۇراقتاردى (اۆتوموبيل قوياتىن ورىنداردى) ۇيىمداستىرۋ جەنە پايدالانۋ قۇرىلىس نورمالارىنىڭ, ٶرت قاۋٸپسٸزدٸگٸ سالاسىنداعى تەحنيكالىق رەگلامەنتتەردٸڭ, سانيتارييالىق جەنە ەكولوگييالىق نورمالاردىڭ تالاپتارىنا سەيكەس, سونداي-اق جەر ۋچاسكەسٸنٸڭ نىسانالى ماقساتىن ساقتاي وتىرىپ جٷزەگە اسىرىلادى. استانا قالاسى ەكٸمدٸگٸنٸڭ اقپاراتىنا سەيكەس, اقىلى كوممۋنالدىق اۆتوتۇراقتار قالانىڭ ورتالىق اۋداندارىندا, حالىق تىعىز شوعىرلانعان نٷكتەلەرٸ كٶلٸك توراپتارىندا, ساۋدا ويىن-ساۋىق ورتالىقتارىندا, ەكٸمشٸلٸك كەشەندەردە جەنە تاعى دا باسقا جەرلەردە ورنالاسقان», — دەدٸ بٸرٸنشٸ ۆيتسە-پرەمەر جاۋابىندا.
ونىڭ اتاپ ٶتۋٸنشە, ەلوردانىڭ شەكارالاس اۋداندارىندا جەنە ەلەۋمەتتٸك ماڭىزى بار وبەكتٸلەردە (اۋرۋحانا, ەمحانا, مەكتەپ, بالاباقشا جەنە ت. ب.) جەنە تۇرعىن ٷيلەردٸڭ اۋلالارىندا اقىلى كوممۋنالدىق اۆتوتۇراقتار جوق. اقىلى كوممۋنالدىق اۆتوتۇراقتارعا ٸرگەلەس ورنالاسقان ٷيلەردٸڭ تۇرعىندارىنا تەگٸن تۇراق قۇقىعىن بەرەتٸن رەزيدەنتتٸك ابونەمەنتتەر بەرٸلەدٸ.
«الماتى قالاسى ەكٸمدٸگٸنٸڭ اقپاراتىنا سەيكەس اقىلى كوممۋنالدىق اۆتوتۇراقتار قالانىڭ تاريحي ٸسكەرلٸك ورتالىعىندا, سونداي-اق كٶرٸكتٸ جەرلەرگە جاقىن اۋماقتا ورنالاسقان. سونىمەن قاتار شىمكەنت قالاسىندا جەنە باسقا وبلىستاردا اۆتوتۇراق (اۆتوموبيل قوياتىن ورىنداردى) ۇيىمداستىرۋ تەرتٸبٸن رەتتەيتٸن نورماتيۆتٸك-قۇقىقتىق اكت جوق. وسىعان وراي, قازٸرگٸ ۋاقىتتا مەجٸلٸستە قارالىپ جاتقان استانانىڭ جەنە رەسپۋبليكالىق قالالاردىڭ دامۋى مەسەلەلەرٸ بويىنشا زاڭ جوباسى اياسىندا وبلىس, رەسپۋبليكالىق ماڭىزى بار قالالاردىڭ ەكٸمدەرٸن اۆتوتۇراقتاردى (اۆتوموبيل قوياتىن ورىنداردى, پاركينگتەردٸ) ۇيىمداستىرۋ جەنە ولاردىڭ ساناتتارىن ايقىنداۋ قاعيدالارىن بەكٸتۋ قۇزىرەتٸن بەرۋ بٶلٸگٸندە زاڭنامالىق تٷزەتۋلەر ەنگٸزۋ كٶزدەلگەن», — دەدٸ رومان سكليار.
بۇعان دەيٸن «جول قوزعالىسىنداعى قۇقىق بۇزۋشىلىقتار اۆتوماتتى تٷردە انىقتالاتىن بۇزۋشىلىقتار تٸزبەسٸنەن الىنا ما» دەگەن ساۋالعا جاۋاپ العان ەدٸك.
