ەكٸمدەردٸڭ حالىقپەن كەزدەسۋٸندە دايىن سۇراقتاردىڭ قويىلۋىنا جول بەرۋگە بولمايدى. بۇل تۋرالى قر ۇلتتىق ەكونوميكا ۆيتسە-مينيسترٸ باۋىرجان وماربەكوۆ ايتتى, دەپ حابارلايدى قازاقپارات.
«الدىن الا دايىندالعان ادامداردىڭ ەكٸمدەرگە سۇراق قويۋىنا ەشقانداي دا جول بەرۋگە بولمايدى. اۋديتورييانى قادالاعان كەزدە ەكٸمدٸككە جاقىن, ەكٸمدٸكتٸڭ سٶزٸن سٶيلەيتٸن ادامداردى ەمەس «كەلەمٸن», «قاتىسامىن» دەگەن بەلسەندٸ ادامداردىڭ كەزدەسۋگە كەلٸپ قاتىسۋىنا بولادى. كەز كەلگەن ەسەپتٸ بولسىن, تۇراقتى بولسىن كەزدەسۋگە كەلٸپ قاتىسامىن دەگەن ادامعا ەشكٸم شەكتەۋ قويا المايدى. ٶكٸنٸشكە وراي بەيرەسمي شەكتەۋلەردٸڭ بولعانى راس. بٸراق, الداعى ۋاقىتتا جەرگٸلٸكتٸ اتقارۋشى بيلٸكپەن بۇل مەسەلەنٸ شەشەمٸز. ونى ۇلتتىق ەكونوميكا مينيسترلٸگٸ عانا ەمەس پرەزيدەنت ەكٸمشٸلٸگٸ دە جٸتٸ قاداعالاپ وتىرادى», - دەدٸ ۆيتسە-مينيستر «حابار-24» تەلەارناسىنداعى «سۇحبات» باعدارلاماسىندا.
ونىڭ اتاپ ٶتۋٸنشە, جەرگٸلٸكتٸ جەرلەردە مۇنداي شەكتەۋلەر بولعان جاعدايدا زاڭ اياسىندا تيٸستٸ ٸس-شارا قابىلدانادى.
سونىمەن قاتار ول ەكٸمدەردٸڭ ازاماتتاردى جەكە قابىلداۋ كٷندەرٸن ۇلعايتۋ مەسەلەسٸ دە قارالعانىن ايتتى.
«ەكٸمنٸڭ كەزدەسۋٸ ٶتكەننەن كەيٸن ول ازاماتتاردى جەكە قابىلداۋى تيٸس. جەكە قابىلداۋعا كٸم قاتىسا الادى? سول جيىنعا كەلگەن كەزدە ساۋال جولداۋعا ۋاقىتى جەتپەگەن, قويعان سۇراعىنا تيٸستٸ جاۋاپ الا الماعان ادامدار جەكە قابىلداۋعا كٸرە الادى. ول جەردە تەك ەكٸم عانا ەمەس, جەرگٸلٸك اتقارۋشى بيلٸكتٸڭ ٶكٸلدەرٸ, پروكۋراتۋرا, ٸشكٸ ٸستەر ورگاندارىنىڭ قىزمەتكەرلەرٸ, مەسليحات دەپۋتاتتارى, قوعامدىق كەڭەس مٷشەلەرٸ, زييالى قاۋىم ٶكٸلدەرٸ كٶتەرٸلگەن مەسەلەنٸ دەر ۋاقىتى شەشۋگە تىرىسادى», - دەدٸ باۋىرجان وماربەكوۆ.
