فوتو: industriall-union.org
اقمولالىق ەرلان مەن ميراس توقسانباەۆتار ٷش بالانى ٶرتتەن قۇتقاردى. وقيعا بٸرجان سال اۋدانىنىڭ ٷلگٸ اۋىلىندا بولعان. ەكەلٸ-بالالى توقسانباەۆتار وتقا ورانعان ٷيدٸ كٶرٸپ, ويلانباستان كٶمەككە ۇمتىلعان. بۇل تۋرالى Ult.kz 24.kz-كە سٸلتەمە جاساپ حابارلايدى.
ەكەۋلەپ جٷرٸپ قويۋ تٷتٸننٸڭ ٸشٸنەن بالاردى تاۋىپ, ٷشەۋٸن دە سىرتقا الىپ شىقتى. ٷيدە بەس بالا بولعان. ولاردىڭ ٷلكەنٸ 13-تە بولسا, كەنجەسٸ بەس جاستا. اتا-اناسى جۇمىستا بولعان. تٸلسٸز جاۋ ەندٸ تۇتانا باستاعاندا ٷلكەن ەكٸ بالا شىعىپ ٷلگەرگەن. ال باۋىرلارىن قۇتقارۋعا قويۋ تٷتٸن مەن قىزىل جالىن كەدەرگٸ بولعان.
ەرلان توقسانباەۆ, اۋىل تۇرعىنى:
- بٸز بالالاردى وسى تەرەزەدەن الىپ شىقتىق. مەن ٸشكە كٸرگەن كەزدە بٸر بالا تەرەزەنٸڭ جاقتاۋىنا جاقىنداپتى. قالعان ەكەۋٸ سول بٶلمەنٸڭ بٸر بۇرىشىندا وتىر ەكەن. قازٸر مەنەن بەرٸ وتتىڭ ٸشٸنە قالاي قورىقپاي كٸردٸن دەپ سۇراپ جاتىر. بالالاردىڭ شىرىلداعان داۋىسىن ەستٸگەن كەزدە جانىپ جاتقان وتقا قالاي كٸرٸپ كەتكەنٸمدٸ ٶزٸم دە تٷسٸنبەي قالدىم. مەنٸڭ ورنىمدا بولعان كەز كەلگەن ادام وسىنداي قادامعا بارادى دەپ ويلايمىن.
ەرلان توقسانباەۆقا بالالاردى سىرتقا شىعارۋعا ۇلى كٶمەكتەسكەن. ميراس – بولاشاق قۇتقارۋشى. «سوندىقتان قاتتى قورقا قويمادىم»,- دەيدٸ. ٷيدٸڭ ٸشٸندە تٶرت گاز باللونى بولعان. ونىڭ ەكەۋٸن ەكەلٸ-بالالى توقسانباەۆتار شىعارىپ ٷلگەرگەن. قالعان بٸر باللوندى ٶرت سٶندٸرۋشٸلەر شىعارسا, بٸرەۋٸ سول جەردە جارىلعان.
ميراس توقسانباەۆ, ستۋدەنت:
- گاز باللوننىڭ جارىلعانىن بٸرٸنشٸ رەت كٶردٸم. اسا قاتتى قورقىنىش, ٷرەي سەزٸنبەدٸم. الايدا الداعى قىزمەتٸم ٷشٸن ٷلكەن تەجٸريبە بولدى. ەرينە, العىستان باسقا ايتار سٶزٸم جوق. ەڭ باستىسى بالالارىم امان. قازٸر ولاردىڭ جاعدايى قالىپتى. ازداپ قورقىپ قالعانى بولماسا.
قازٸر ٶرتتٸڭ شىعۋ سەبەبٸ انىقتالدى.
دەنيس شەلكوپلياسوۆ, بٸرجان سال اۋداندىق تج بٶلٸمٸنٸڭ باستىعى:
- ٶرتتٸڭ شىعۋىنا پەش جاعاتىن بٶلمەدە ورنالاسقان سۋ سورعىسىنىڭ سىمدارىنىڭ تۇيىقتالۋى سەبەپ بولعان. الدىمەن ەدەن جانعان. كەيٸن قىزىل جالىن قابىرعا ارقىلى تٶبەگە دەيٸن جەتكەن.
جۇمىلا كٶتەرگەن جٷك جەڭٸل. قازٸرگٸ ۋاقىتتا اۋىل تۇرعىندارعى تٸلسٸز جاۋدان زارداپ شەككەن جانۇياعا بارىنشا كٶمەكتەسٸپ جاتىر. تٸپتٸ اۋدان ورتالىعىنان پەتەر الىپ بەرۋ باستاماسى كٶتەرٸلدٸ. ال جاۋاپتىلار بەيبٸت كٷننٸڭ باتىرلارىن مەملەكەتتٸك ماراپاتقا ۇسىنۋ رەسٸمدەرٸن جٷرگٸزٸپ جاتىر.
