قازاقستان پرەزيدەنتٸ قاسىم-جومارت توقاەۆ رجەۆ تٷبٸندەگٸ قاندى شايقاستا كٶز جۇمعان قاسىم كٶكەسٸ (ەكەسٸنٸڭ اعاسى) تۋرالى ايتىپ بەردٸ, دەپ حابارلايدى قازاقپارات.
«ەكەمنٸڭ ٷلكەن اعاسى رجەۆ شايقاسىندا قايتىس بولدى. ول جەردە ٶزدەرٸڭٸز بٸلەتٸندەي, ەكٸنشٸ دٷنيەجٷزلٸك سوعىستىڭ ەڭ قاندى شايقاستارىنىڭ بٸرٸ بولعان ەدٸ. مەنٸڭ اعام تۆەر وبلىسى رجەۆسكيي اۋدانى ترۋبينو اۋىلىنداعى مايدانگەرلەردٸڭ زيراتىندا جەرلەندٸ. الەكساندر تۆاردوۆسكييدٸڭ: «مەن رجەۆتٸڭ تٷبٸندە ٶلدٸم, باقىتتى بولۋدى سٸزدەرگە بۇيىرىپ, وتانعا ادال بولۋدى تاپسىردىم, ٶلٸلەر كەتسە دە, كەتكەن جوق كٷيٸنٸپ, بٸزدە بٸر ۇلى باقىت بار - وتان ٷشٸن قۇلادىق, ونى بٸز قۇتقارۋ ٷشٸن قيىلدىق» دەگەن ٶلەڭٸ ەستەرٸڭٸزدە بولار», - دەدٸ پرەزيدەنت «مير» ارناسىنا بەرگەن سۇحباتىندا.
مەملەكەت باسشىسى ەكەسٸن دە, كٶكەسٸ قاسىمدى دا وتباسى بولىپ ەسكە الاتىنىن, بەيبٸت ٶمٸر ٷشٸن مايداندا مەڭگٸ قالعان باتىرلاردىڭ بەرٸ ۇمىتىلمايتىنىن ايتىپ ٶتتٸ.
«مەنٸڭ ەسٸمٸم دە سول قاسىم كٶكەمنٸڭ قۇرمەتٸنە قويىلعان. مەنٸڭ ەكەم ورنى تولماس قازاسىنا قابىرعاسى قايىسىپ, ٷلكەن اعاسىنىڭ رۋحىنا قۇرمەت كٶرسەتتٸ. ەكەم ونى قاتتى ساعىندى, بارلىق حاتتار مەن فوتولاردى ساقتاپ, ٶمٸر بويى جەرلەنگەن جەرٸ تۋرالى كەز-كەلگەن اقپاراتتى تابۋعا تىرىستى. كەيدە ەكەم اعاسىنىڭ قايتا تٸرٸلٸپ كەلەتٸنٸنەن دە ٷمٸتتەنەتٸن سيياقتى كٶرٸنەتٸن ماعان», - دەپ قوستى مەملەكەت باسشىسى.
الايدا پرەزيدەنتتٸڭ ايتۋىنشا, رجەۆ تٷبٸندەگٸ شايقاسقا قاتىستى قۇجاتتار دا قۇپييا ساقتالعان.
«رەسەيدٸڭ قورعانىس مينيسترلٸگٸنٸڭ پودولسكٸدەگٸ مۇراعاتى 2000 جىلدىڭ ورتاسىندا اشىلعان كەزدە عانا بٸز ونىڭ جەرلەنگەن جەرٸن بٸلدٸك. مەن الماتىداعى ەكەمنٸڭ قابٸرٸنەن توپىراق الىپ, ترۋبينو اۋىلىنداعى قابٸرگە باردىم. ۇلىم مەنٸمەن بٸرگە بولدى. مٸنە, سول باۋىرلاستار قابٸرٸنە ەكەمنٸڭ قابٸرٸنەن ەكەلٸنگەن توپىراقتى سەپتٸم. سودان كەيٸن مەن اعامنىڭ قابٸرٸنەن توپىراقتى الماتىعا اپاردىم», - دەدٸ پرەزيدەنت.
