اقبٶكەن جايلى مەلٸمەتتەر تۇياقتى جانۋارلاردىڭ دٷنيەجٷزٸلٸك كٶشٸ-قون اتلاسىنا ەنگٸزٸلەدٸ, دەپ حابارلايدى "ۇلت اقپارات" قازاقستان بيوالۋانتٷرلٸلٸكتٸ ساقتاۋ قاۋىمداستىعىنا سٸلتەمە جاساپ.
«تۇياقتى جانۋارلاردىڭ كٶشٸ-قونى جٶنٸندەگٸ ەلەمدٸك باستاما (GIUM) شەڭبەرٸندە حالىقارالىق عىلىمي كوماندا ەزٸرلەگەن بونن كونۆەنتسيياسىنىڭ (CMS) سەرٸكتەستٸگٸمەن جاسالعان جابايى تۇياقتىلاردىڭ كٶشٸ-قون جولدارى تۋرالى دەرەكتەر دٷنيەجٷزٸلٸك اتلاسقا كٸرەدٸ. بۇل زەرتتەۋ دەستٷرلٸ كٶشٸ-قون باعىتتارىنىڭ بٶلٸنۋ قاۋپٸ تٶنەتٸن جابايى تۇياقتىلاردىڭ, ونىڭ ٸشٸندە اقبٶكەننٸڭ ماۋسىمدىق قوزعالىسىنىڭ العاشقى تٷبەگەيلٸ كارتاسىن ۇسىنادى», دەلٸنگەن حابارلامادا.
سوڭعى ون جىلدا جابايى تۇياقتىلاردىڭ كٶشٸپ-قونۋ قارقىنى تٶمەندەپ كەلە جاتىر. ولاردىڭ عاسىرلار بويى قالىپتاسقان كٶشٸ-قون جولدارى ادام قولىمەن جاسالعان كەدەرگٸلەرگە, اتاپ ايتقاندا كٷرەجولدار مەن كٷردەلٸ جول ايرىقتارى بٶلٸپ, جانۋارلار ٷشٸن كٶپتەگەن قيىنشىلىق تۋعىزدى.
تابيعات قورعاۋشىلارى استانادان ەلدٸڭ باتىس ايماعىنا دەيٸن ٶتەتٸن 2 مىڭ شاقىرىم «ورتالىق-باتىس» كٶلٸك دەلٸزٸ اقبٶكەننٸڭ بەتپاقدالا پوپۋلياتسيياسىنىڭ ارەالىن بٶلۋٸ مٷمكٸن دەپ قاۋٸپتەنەدٸ.
سپۋتنيك باقىلاۋ دەرەكتەرٸ كٶرسەتكەندەي, اقبٶكەندەر جوسپارلانعان سٷرلەۋٸمەن ٷنەمٸ قونىس اۋدارادى. ەگەر قازٸرگٸ تاڭدا قابىلدانعان باعىت بويىنشا جول سالىناتىن بولسا, اقبٶكەندەر ازىق قورى جەتكٸلٸكسٸز جەرلەردە قالۋعا مەجبٷر بولادى.
«جابايى تۇياقتىلاردىڭ قوزعالىستارىن كارتاعا تٷسٸرۋ ولاردىڭ قونىس اۋدارۋىنىڭ تابيعي جولدارىن ساقتاۋ ٷشٸن قانداي ەرەكەتتەر قاجەت ەكەنٸن تٷسٸنۋگە كٶمەكتەسەدٸ. سوندىقتان, تۇياقتى جانۋارلاردىڭ كٶشٸپ-قونۋ اتلاسىن قۇراستىرۋ, ەلەمدەگٸ بيوەرتٷرلٸلٸكتٸ ساقتاۋدى جاقسارتۋ جولىنداعى جاڭا مەجە بولىپ تابىلادى. زەرتتەۋشٸلەر جانۋارلاردىڭ كٶشٸپ-قونۋىن كارتاعا تٷسٸرۋ جۇمىستارى ەلەمنٸڭ كٶپتەگەن ەلدەرٸندەگٸ ينجەنەرلەر مەن ٶكٸلەتتٸ ورگاندارعا ٸرٸ كٶلٸك جولدارى مەن دەلٸزدەرٸن سالۋعا بايلانىستى جوبالارىن قايتا قاراستىرۋعا كٶمەكتەسەدٸ دەپ ٷمٸتتەنەدٸ», دەلٸنگەن حابارلامادا.
اتلاستى جاساعاندا قازاقستان بيوالۋانتٷرلٸلٸكتٸ ساقتاۋ قاۋىمداستىعى قىزمەتكەرلەرٸ جيناعان دەرەكتەر دە پايدالىنادى.
قاۋىمداسمتىق «التىن دالا» تابيعاتتى قورعاۋ باستاماسى شەڭبەرٸندە, ون جىلدان استام ۋاقىت بويى ۇلتتىق جەنە شەتەلدٸك ەرٸپتەستەردٸڭ قولداۋىمەن, مەملەكەتتٸڭ ەرەكشە قورعاۋىنا يە اقبٶكەننٸڭ قازاقستانداعى كٶشٸپ-قونۋ جولدارىن زەرتتەۋ بويىنشا اۋقىمدى جۇمىستارىن جٷرگٸزٸپ كەلەدٸ.
