سوڭعى ۋاقىتتا سانا تۋرالى كٶپ ويلانىپ جٷرمٸز. ناقتىراق ايتساق, بٷگٸنگٸ سانامىزدىڭ دەڭگەيٸ مەن بولاشاقتا ونىڭ قانداي بولماعى كەرەگٸ جٶنٸندە. ياعني سانامىزدىڭ ٶزگەرٸسٸ تۋرالى. ال, بٷگٸنگٸ سانامىزعا ٶزگەرٸس كەرەك-اق. بٸرەۋدٸ تاڭقالدىرىپ, ماقتانۋ ٷشٸن ەمەس, ٶزٸمٸز ٷشٸن, ەرتەڭٸمٸز ٷشٸن.
قايبٸر جازبامىزدا 60-شى جىلدارداعى اقش-تاعى ٶمٸردٸ سۋرەتتەگەن فيلم تۋرالى پٸكٸرٸمٸزبەن بٶلٸسكەنبٸز. ولاردىڭ وسىدان ەلۋ جىلدان استام ۋاقىتتاعى دامۋى مەن قالىپتاسقان قوعامدىق قارىم-قاتىناس مەدەنيەتٸ, بۇل سٶز جاراسسا: ەلەۋمەتتٸك-ەكونوميكالىق ينفراقۇرىلىمى جٶنٸندە ايتتىق. قىزىعا ايتتىق, ٶزٸمٸزگە ٶلشەپ كيٸپ كٶرگەندەي, قييالداي تولعاندىق. ەلۋ جىل بۇرىنعى ەركٸن امەريكا مەن ەلۋ جىل بۇرىنعى بودان قازاقستاندى سالىستىرساڭىز, جىلاعىڭىز كەلەدٸ. نامىستان جارىلارداي قىزاراسىز, سوسىن قورلاناسىز. امەريكاندىق ادام مەن بٸزدٸڭ قازاقتىڭ جاراتقاننان العان ستارتتىق مٷمكٸندٸكتەرٸ بٸردەي بولعانمەن, بٷگٸنگە جەتكەن فينيشتٸك جەتٸستٸكتەرٸ ەرقالاي. بۇنىڭ بەرٸ اقشاعا, اۋا-رايىنا, ٸش اۋرۋى مەن تٸس اۋرۋىنا بايلانىستى ەمەس. بەرٸ ساناعا بايلانىستى. قۇدايعا ادامنىڭ بارلىق قابٸلەتٸن ساناعا بايلاپ قويعانى تەگٸن بولماسا كەرەك. مىسالى, مەنٸڭ بٸر بايقاعانىم: بٸزدٸڭ xالىق ەرتەڭمەن ەمەس, بٷگٸنمەن عانا, ودان سوراقىسى - كەشەگٸمەن ٶمٸر سٷرۋگە داعدىلانعان سەكٸلدٸ. ەرتەڭدٸ ارمانداعاننان گٶرٸ بٸزدە ٶتكەن زاماندارعا ساعىنىش باسىم سيياقتى. ەرتەڭدٸ ويلاعاننان گٶرٸ بٷگٸنگٸ اس-سۋىن, جاتار-جابارىن ويلايدى. بۇل ەرينە كٶپ جاعدايدا ادامدى تەجەيدٸ, قالا بەردٸ ارتقا تارتا بەرەدٸ. ەرتەڭگە عاشىق بولۋ, سوعان ۇمتىلۋ, سول الىس-جاقىن بولاشاقتا باي-قۋاتتى ادام بولۋ, ايبىندى, گٷلدەنگەن مەملەكەتتٸڭ تۇرعىنى بولۋدى قييالداۋ كەرەك سىقىلدى بٸزگە. تٸپتٸ, دامۋ پروتسەسسٸنٸڭ ٸشٸندە جٷرگەنٸڭٸزدٸ بٸر ۋاق سەزٸنٸپ كٶرسەكشٸ! سانادا بٸر قىزىق ٶزگەرٸستەر باستالادى. سٸز وسى زاماننىڭ, شامامەن ەلٸ 40-50 جىلداعى دەۋٸردٸڭ ادامى ەكەنٸڭٸزدٸ ۇعىنساڭىز, بۇل سٸزگە بٸر تەتتٸ قۋانىش سىيلاماق. تٷيسٸگٸڭٸز دە, مىيىڭىز دا اينالادا بولىپ جاتقان ٶمٸردٸڭ سانسىز قۇبىلىستارىن بايقاي باستايدى. ودان بٶلەك, ەلٸ دٷنيياعا كەلمەگەن قۇبىلىستار مەن تەxنولوگييالاردى بولجاۋعا قاۋقارلىمىن با دەپ قالاسىز. وعان تاڭقالماڭىز, بۇل ساناڭىزدىڭ ەدەتتەگٸ قابٸلەتٸ, تەك سٸز ونى مٷمكٸن دەپ بٸلمەگەنسٸز hەم وعان سەنبەگەنسٸز. بٸر كٷنٸ سٸز ٶز زامانىڭىزدى جان-جٷرەگٸڭٸزبەن قابىلداۋدى ٷيرەنە باستايسىز. سوسىن سول زاماندى نەعۇرلىم تٷزەتۋگە, نيگيليستٸك دٷنيەتانىمىڭىزدى جاسامپازدىق مەنتاليتەتكە اۋىستىرعىڭىز كەلەدٸ. بٸر نەرسەدەن قالىپ بارا جاتقانداي القىناسىز, بۇل جارىق دٷنيەنٸڭ راxاتىن كٶرۋگە ٷلگٸرمەيتٸندەي كٷي كەشەسٸز. قورىقپاڭىز, بۇل دەم-تۇزىڭىزدىڭ تاۋسىلىپ بارا جاتقاندىعىنان xابار بەرمەيدٸ. سونى ۇعىنعان سەتتە مىيڭىزدا ٶزگەرٸستٸڭ, دامۋدىڭ مودۋلدارى سىزىلا باستايدى, تٷيسٸگٸڭٸز ەلدە جەردە قالىپ قويعان ارماندارىڭىزدان سيقىرلى موزايكا توقي باستايدى. ول ارماندارىڭىزدىڭ ورىندالۋ ستسەنارييلەرٸ مەن مەxانيزمدەرٸن مىيىڭىز بونۋس رەتٸندە كەڭٸستٸككە جايىپ سالادى. تەك قيمىلداپ قالۋ لەزٸم.
حابارلاسپاي كەتكەندەر اياق استىنان قوڭىراۋ شالىپ, كەرەك كٸتابىڭ دٷكەندەگٸ سٶرەدە جارقىراي كٶرٸنەدٸ, استىڭ يٸسٸ مەن دەمٸن تولىققاندى سەزٸنە باستاعانىڭىزدى سەزەسٸز. اعزاڭىز تازارۋدى, دەنە بٸتٸمٸڭٸز سپورتتى, جان-سارايىڭىز ٸلٸم مەن جاڭا بٸلٸمدەردٸ اڭساپ, اپىراي, ٶمٸرٸمدٸ نەمەنەگە قور قىپ جٷرمٸن دەپ ٶڭٸڭٸزدە كەنەت سەلك ەتٸپ وياناسىز. سەلدەن سوڭ, ارام جولمەن تاپقان اقشانىڭ بەرەكەسٸز بولاتىنىن, باستىققا جاقسى كٶرٸنگەننەن گٶرٸ جاراتقانعا جاعىمدى بولعانىم جٶن دەگەن ويلار بۇلتتاي كٶشەدٸ مىيىڭىزدا. جەمقورلىق - دەرت ەمەس, جەمقورلىق تاپا-تال تٷستە ادام توناعانعا بەرگٸسٸز قاراپايىم عانا قىلمىس, ال, ەدٸلەتسٸزدٸك, زاڭسىزدىق, سيياقتى قۇقىقبۇزۋشىلىق بۇل كٶشەدە ەلدٸڭ كٶزٸنشە ادام ساباعانمەن بٸردەي تٶزۋگە كەلمەيتٸن ماسقارا دەيسٸز. ٸشٸڭٸزدٸ بٸر تىلسىم نۇر ارالاپ, كٶزٸڭٸز جارق ەتٸپ, جانارىڭىز شاراداي جانادى. بۇل ٶزٸ نە بوپ كەتتٸ دەپ, ماڭدايىڭىزدان شىپ-شىپ تەر شىعىپ, بٸر شارۋاڭىزدى تىندىرۋعا ايدارىڭىزدان جەل ەسٸپ, ۇشىپ بارا جاتاسىز. لايىم سولاي بولسىن دەپ تٸلەيمٸز. سوسىن شە?! سوسىن بۇل جەر-انانىڭ تٶسٸندە ورنالاسقان عاجاپ, مۇعجيزالى اتامەكەنٸڭٸزدە بەرٸ كەرەمەت بولۋ كەرەك دەپ ەسەپتەيسٸز. بۇل سٸزدٸڭ ٶزگەرمەيتٸن ٷكٸمٸڭٸز بولماق! سول ٷشٸن ەڭبەك ەتكٸڭٸز كەلەدٸ. قالاي ەكەنٸن بٸلمەيسٸز بە?! ساسپاڭىز, ٶزگەرگەن ساناڭىز ٶزٸ كٶرسەتەدٸ جولدى. تەك سانانى ٶزگەرتەتٸن جولعا ٶزٸڭٸز العاشقى قادامدى جاساڭىز. تۋرا قازٸر.
سٸزگە دەگەن سەنٸممەن,
#اقبەرەنەلگەزەك
