بٸز ٶزٸ بٸر حالىق بوپ ۇيىسىپ, باس قوسقان ۇلتپىز با, ەركٸن دە سانالى ازاماتتار باس قوسقان قوعامبىز با, ەلدە جايىلىپ جٷرگەن الا-قۇلا توبىرمىز با?! ەلدە وسى تەرريتورييادا ۋاقىتشا ٶمٸر سٷرٸپ جٷرگەن بٸرەۋلەرمٸز بە?! وسىنى ۇقپاي-اق قويدىم مەن.
جۇرتتىڭ بەرٸ جازىپ جاتىر, ٶزٸمنٸڭ دە كٶزٸم جەتتٸ. گيگيەنالىق ماسكالاردىڭ باعاسى ۇشىپ تۇر, قولعا جاعاتىن گەلدٸ جاقىندا اۋكتسيونعا شىعاراتىن شىعار, جەمٸس پەن كٶكٶنٸستٸڭ, ەت پەن ٶزگە ازىق-تٷلٸكتٸڭ قۇنى اسپانداپ كەتكەن. “بٸرەۋدٸڭ قوراسى ٶرتەنٸپ جاتىر ەكەن, بارىپ قويىمنىڭ باسىن ٷيتٸپ الايىن” دەگەننٸڭ كەرٸ. يممۋنيتەتتٸ كٶتەرە قالايىق دەپ قىمىز الۋعا بارساق, كەشە عانا 500 تەڭگە تۇرعان قىمىزدى بەتٸ بەزەرگەن ساتۋشىمىز شٸمٸرٸكپەستەن 1000 تەڭگە دەپ باقىرايىپ تۇر! كٶكەم-اۋ, سٷت بەرەتٸن بيە مەن كورونوۆيرۋستىڭ بٸر بٸرٸنە نە قاتىسى بار سوندا?!
اينالايىندار-وۋ, مىنانداي جاعدايدا ٶزگە ەل بولسا, بٸر بٸرٸنە كٶمەكتەسٸپ, سەپتەسٸپ, قامقور بولىپ جاتادى. بٸزدٸڭ نيەتكە نە بولعان?! ەرتەڭ, قۇداي بەتٸن ەرٸ قىلسىن, سوعىس بولا قالسا, بٸر بٸرٸمٸزدٸ اتىپ, قارىق بوپ قالارمىز مىنا تٷرٸمٸزبەن. كەشە تالاي ۇلتتى باۋىرىمىزعا باسقان ەل ەدٸك قوي, باۋىرمال, اعايىنشىل-تۋىسقانشىل حالىق ەدٸك قوي. قازٸر قانداي كٷيگە تٷسكەنبٸز?! ايتىپ ايتپاي نە كەرەك, مەملەكەتتٸك ورگاندار مىنا ۇشىپ تۇرعان باعالاردى باقىلاۋعا الماسا, ەرتەڭ دٷكەنگە اشتان بۇراتىلىپ بارىپ تۇرساڭ دا, ەشكٸم مٸز باقپايدى-اۋ. جٷرەكتەرٸمٸز قاتايىپ كەتٸپتٸ, سونى ايتايىن سٸزدەرگە!
اقبەرەن ەلگەزەكتٸڭ فەيسبۋكتاعى جازباسىنان
