بٸر كٶزٸم جەتكەنٸ - جامان ادام بولمايدى ەكەن. نادان ادام عانا بولادى. ادامنىڭ جامان بولمايتىنى - ونىڭ اۆتورىنىڭ مٸنسٸزدٸگٸنەن. نادان بولاتىنى - عۇمىر اتتى ساپارعا شىققاندا اۆتور بەرگەن بارلىق جاقسى قاسيەتتەرٸن نادان اشا الماي كەتەتٸندٸكتەن. نەمەسە سول جاقسى قاسيەتتەرٸن تۇنشىقتىرا بەرگەندٸكتەن. ٶمٸردٸ نادان كٶزبەن كٶرەتٸندٸكتەن. بەرٸن ٶزٸندەي, ٶزٸنٸڭ تانىم-تٷسٸنٸگٸنە سالىپ قارايتىندىقتان, قاتە قابىلدايتىندىقتان. ٶزٸنٸڭ قاراڭعى ٷڭگٸردەي ەلەمٸنە كٸرٸپ الىپ, سونىڭ قاۋٸپسٸزدٸگٸن, مىزعىماستىعىن, ٶزگەرمەس قالپىن قامتاماسسىز ەتۋگە بارىن سالاتىندىقتان, ونى قورعايتىندىعىنان, سىرتتان ەش جاڭالىق كٸرگٸزبەيتٸندٸكتەن.
ناداندىقتىڭ جاۋى - بٸلٸمدٸ ادام. ٶيتكەنٸ نادان ادامعا بٸلٸمدٸ ادام قۋ سەكٸلدٸ, پىسىق سەكٸلدٸ كٶرٸنەدٸ. بٸراق تاعى بٸر پەلە بار: بٸلٸمدٸنٸڭ بەرٸن ادام دەۋگە كەلمەيدٸ. بٸلٸمدٸنٸڭ ٸشٸندە دە ٶركەنيەتتٸ ناداندار جەتٸپ ارتىلادى. ال, ونداي بٸلٸمدٸ ناداندار جىرتقىش اڭنان دا قاۋٸپتٸ. ول بٸلٸممەن قارۋلانعان نادان. ەلەممەن سوعىساتىن قارۋى ٶز زامانىنا لايىق. ونى جەڭۋ ٶتە قيىن. سوندىقتان ونداي بٸلٸمدٸ نادانداردىڭ دەۋرەنٸ ۇزاق جٷرٸپ تۇرادى.
سوندا نادان ەمەس ادام كٸم دەيسٸز عوي. ول ٸلٸمدٸ ادام. اللا بەرگەن ەلميساقتىق, يللەھي تازا قاسيەتتەرٸن بويىنان ەرتە سەزٸپ-بٸلٸپ, ٶزٸن ەبدەن زەرتتەپ, سول ارقىلى قورشاعان ورتانى تانىپ, تابيعات-تٸرشٸلٸكتٸ جاراتقان اۆتوردىڭ كٶركەم شەبەرلٸگٸنە اۋىزى اڭتارىلا تاڭقالىپ كٶرگەن ادام. وسى بٸر سۇلۋلىقتىڭ اۆتورىنا ەۋەلٸ قۇرمەت سەزٸمٸ, سوسىن ماحابباتى ويانعان ادام. ماحاببات ارقىلى جاراتىلىستى زەرتتەۋگە, تانۋعا ۇمتىلعان ادام. دٷنيەاۋي بٸلٸمدٸ تولىقتىرىپ, عىلىمنىڭ جاڭا بەلەستەرٸن باعىندىراتىن ادام. ەلٸنٸڭ ٶركەندەۋٸنە, جەرٸنٸڭ گٷلدەنۋٸنە ٶز سانالى عۇمىرىن ارناۋعا بەيٸل ادام. سەبەبٸ ول ٶز وتانىنا قىزمەت ەتۋگە پارىزدار ەكەنٸن ۇعىنعان ادام.
كٶركەم اۆتوردان قورىققاننان (نادان ويانا باستاعاندا قورقادى) ەمەس, سٷيٸپ, قۇرمەتتەگەندٸكتەن دۇرىس ٶمٸر سٷرۋگە ۇمتىلعان, كٷنە جاساۋعا ابسوليۋتتەن ۇيالعان ادام. ۇياتى بار ادام. ارلى ادام. ٶمٸر سٷرۋ ەتيكاسىن (قييانات جاساماۋ, ٶتٸرٸك ايتپاۋ, الداماۋ, جان دٷنيياسىن تازا ۇستاۋ ت.ب.) تولىق مەڭگەرگەن ادام. ول ادام. ول پەندەدەن جوعارى. ەۋليەدەن تٶمەن بولسا دا, دۇرىس ادام. ٷلگٸلٸ ادام. ولار تەگٸندە قازاقتا كٶپ بولۋى كەرەك.
ونداي ادامدار وتباسىنداعى تەربيەدەن قالىپتاسادى. بالاباقشا, مەكتەپ, كوللەدج, ۋنيۆەرسيتەت بەرمەيدٸ ونداي بٸلٸمدٸ. اتا-اناسى عانا ٶزٸنٸڭ سٷيٸكتٸ بالاسىنا بەرە الادى ونداي تەربيەنٸ. سەبەبٸ, وعان جاقسىلىق تٸلەيدٸ, ادام بولسا ەكەن دەيدٸ. جاماندىققا قيماعان سوڭ, بارىن بەرەدٸ.
دەمەك اتا-انا بٸرٸنشٸ بوپ ٶز بويىنداعى ناداندىقپەن كٷرەسۋگە بەل شەشە كٸرٸسۋ كەرەك. سوندا بٸز اينالدىرعان 2-3 بۋىن الماسقاندا ٸزگٸلٸككە جاقىن قوعام قالىپتاستىرا الامىز. قازاقتى ۇلت رەتٸندە ساقتاپ قالاتىن وسى. سەبەبٸ ناداندىقتىڭ باراتىن جەرٸ - قۇلدىق.
ٸلٸمدٸ قايدان الامىز دەگەندەر اينالاداعى ۇلى كٸتاپ - تٸرشٸلٸككە جٷرەك كٶزٸمەن, كٶڭٸل جانارىمەن قاراسىن. اينالادا اۆتوردىڭ قولتاڭباسى شۋاق شاشا مەنمۇندالاپ تۇر.
ەڭ تٷزۋ اينا - وسى. بەتٸڭدٸ تىرجيتپاي كٷلٸمسٸرەپ قاراساڭ, دٷنييا شٸركٸن دە ساعان كٷلٸمدەپ قارايدى. ٶيتكەنٸ ول دا, سٸز سەكٸلدٸ اۆتوردىڭ مەيٸرٸمٸنەن جاراتىلعان. ال, مەيٸرٸمدٸلٸك پەن نەزٸك پلاستيكا كەز كەلگەن قاتتى دٷنيەنٸ يلەي الادى. وسىنى ۇعىندىڭ با, ودان كەيٸن سەنٸڭ الدىندا ەشقانداي كەدەرگٸ جوق دەپ ەسەپتەي بەر, قاتەلەسپەيسٸڭ...
اقبەرەن ەلگەزەك
.jpg)