اقان ساتاەۆتىڭ ۇلتتىق تۋىندىسى

كينوٶنەرٸنٸڭ جاناشىرلارى ەردايىم شەكەن ايمانوۆ اتىنداعى «قازاقفيلم» كينوستۋديياسىندا بولىپ جاتقان جاڭالىقتارعا نازار اۋدارىپ وتىراتىندارى بەلگٸلٸ. سونداعى نەگٸزگٸ ماقسات – ۇلتتىق سانا-سەزٸمدٸ تەبٸرەنتە الاتىن, تاريحقا اينالعان ۇلت ٶمٸرٸنٸڭ قيلى كەزەڭدەرٸن شىنايىلىقپەن سۋرەتتەيتٸن, تٸپتٸ, بٷگٸنگٸ ٶسٸپ كەلە جاتقان جاس ۇرپاقتىڭ رۋحاني كەدەسٸنە جارايتىن جاقسى فيلمدەردٸڭ پايدا بولۋىنا دەگەن قىزىعۋشىلىق. بۇل بٷگٸنگٸ اقپارات تاسقىندارىنىڭ اراسىنان ٶزٸنٸڭ دارا جولىن باعدارلاپ جٷرگەن قازاق جانى ٷشٸن زور قاجەتتٸلٸك. كٶڭٸلدەگٸدەي جيٸ بولماسا دا, اندا-سانداعا جالتاقتايتىنىمىز راس. جاسالىنىپ جاتقان فيلمدەر تۋرالى دەرەكتەر كٶپ ايتىلمايتىنى ٶز الدىنا, اراسىندا ماقتان تۇتارلىق جاڭالىقتاردىڭ ٶزدەرٸ تاسادا قالىپ قويىپ جاتادى. جۋىردا «رەسەي فەدەراتسيياسىندا پايدا بولعان جاڭا كينوفەستيۆالدا «ەۋرازييالىق كٶپٸردٸڭ» باس جٷلدەسٸ قازاق فيلمٸنە بەرٸلٸپتٸ» دەگەن جاڭالىق ٶنەرسٷيەر قاۋىمدى ەلەڭ ەتكٸزدٸ.

كينونىڭ تٸلٸمەن ايتقاندا, تانىمال رەجيسسەر اقان ساتاەۆتىڭ پوستپروداكشنى ۇزاعىراق بولعان «اناعا اپارار جول» اتتى فيلمٸ وسى فەستيۆالدىڭ باستى تاڭداۋىنا اينالۋى مەن فيلمنٸڭ ەلٸمٸزدٸڭ ەكراندارىنا شىعۋى قاتار كەلدٸ. قىرىمدا تەك قانا فيلمنٸڭ عانا مەرتەبەسٸ ەمەس, سول انانىڭ رٶلٸن ويناعان قازاقستاننىڭ مەملەكەتتٸك ق.قۋانىشباەۆ اتىنداعى اكادەمييالىق دراما تەاترىنىڭ اكتريساسى, قازاقستاننىڭ ەڭبەك سٸڭٸرگەن قايراتكەرٸ التىناي نٶگەربەك ەۋرازييا كەڭٸستٸگٸنٸڭ ٷزدٸك اكتريساسى اتاندى. مٸنە, اقپاراتتىق سارىنمەن ايتىلىپ وتىرعان زور قۋانىشتى حاباردىڭ مەنٸ وسى. بۇل – قازاق كينوٶنەرٸنٸڭ كٶپتەن كٶرمەگەن جەڭٸسٸ! كەڭەس وداعى كەزٸندە بٷكٸلوداقتىق كينوفەستيۆالدار بولاتىن, جىل سايىن بٸر وداقتاس رەسپۋبليكانىڭ استاناسى قابىلدايتىن ول بايقاۋدى. العاشقى ٷش فەستيۆال (1958-موسكۆا, 1959-كيەۆ, 1960-مينسك) قاتارىنان ٶتتٸ دە, 1964 جىلدان بۇل فەستيۆال كەزەكپەن ٶتەتٸن بولدى, سول العاشقى لەنينگراد قالاسىندا ٶتكەن 1-شٸ كەزەكتٸ بٷكٸلوداقتىق كينوفەستيۆالدا قازاقستاننىڭ حالىق ەرتٸسٸ ەمينا ٶمٸرزاقوۆا شەكەن ايمانوۆتىڭ «انا تۋرالى اڭىز» فيلمٸندە ويناعان رٶلٸنە «ەڭ ٷزدٸك ەيەل رٶلٸ ٷشٸن» جٷلدەسٸن العاش رەت جەڭٸپ العان ەدٸ. مٸنە, 52 جىلدان كەيٸن ەكٸنشٸ رەت وسىنداي حالىقارالىق بايقاۋلاردا قازاق اناسىنىڭ رٶلٸ ٷشٸن جەڭٸپ الىنعان جٷلدە! ال باس جٷلدە تٸپتٸ دە العاش رەت دەسەك بولادى!

ۇلتتىق فيلم دەگەنٸمٸز نە? تيمۋر جاقسىلىقوۆ جازعان ستسەناريي بويىنشا تٷسٸرٸلگەن فيلم ارقىلى اقان ساتاەۆ وسى سۇراققا جاۋاپ ٸزدەگەن سيياقتى. حح عاسىردا باسىنان ٶتكٸزگەن تاۋقىمەتٸ جاعىنان قازاقتىڭ الدىنا شىعا الاتىن حالىق كەمدە-كەم شىعار! 2 ساعات 08 مينٶت بويى وسى قاسٸرەتتەر كٶرٸنٸستەرٸ ەكراندا تٸزبەكتەلدٸ. ۇجىمداستىرۋ, اشارشىلىق, بوسۋ, تۋعان جەر مەن انانىڭ تابيعي مەيٸرٸنەن ايرىلىپ, بالالار ٷيٸندە جەتٸمشٸلٸكتٸڭ اششى دەمٸن تاتىپ, لاقاپ تەكپەن ٶمٸر سٷرۋدٸڭ زارداپتارىنا قان جۇتىپ شىداپ, جانكەشتٸ سوعىستا تاسقىنداپ اققان ادام قانىن كەشۋگە مەجبٷر بولۋ, جەڭٸسپەن كەلگەن باقىتتى ٶمٸر قۇقىنان ەدٸلەتسٸزدٸك پەن جاۋىزدىقتىڭ ايىرۋىن كٶرٸپ, ەرلٸكپەن, باتىرلىقپەن العان ماراپاتتارىنىڭ اياقاستى بولۋىن باستان كەشسە دە سىنباعان, بەتٸ قايتپاعان, رۋحى تولىق, جانى قايسار ٸليياس پەن جارى مۇقاننىڭ وققا ۇشقانىن كٶرۋ, جالعىز ۇلى ٸليياستان ايرىلىپ, ونىڭ حابار-وشارسىز ٶمٸرٸ مەن قازاق دالاسى مەن قوعامىندا بولعان قايعى-قاسٸرەتتٸڭ, نەۋبەت, زۇلىمدىقتىڭ تٷر-تٷرٸن قايمىقپاي تٸك تۇرىپ قارسى الا بٸلگەن, ەر مەزەتتە ۇلىن ەستەن شىعارماي, سونى كٶرۋدٸ ارمان قىلعان, بالاسىنىڭ قۇشاعىنداعى ەل بولاشاعىنىڭ كٷشٸن سەزەتٸن كەزدٸڭ كەلەتٸنٸنە سەنگەن قايراتتى انا مەرييامنىڭ كٷيبەڭ تٸرشٸلٸگٸ كٶرەرمەن كٶكەيٸن جاۋلاپ الادى. ەكٸ ٶمٸر: بٸرٸ جات جەردەگٸ ٸليياستىڭ, ەكٸنشٸسٸ ٶز ەلٸندەگٸ مەرييام انانىڭ باستان كەشكەن حيكايالارى. حالقىمىزدىڭ كٶز جاسىن سارقىلتقان تاۋقىمەتتەر.

قوس مۇڭلىق – ٷمٸت پەن مەرييام اپايعا پەتەر بەرەدٸ. بۇل جاي دا انا مۇڭىنا توسقاۋىل بولا المايدى. – ٷيرەنە المايمىن, مٷمكٸن, مەنٸ اۋىلعا اپارىپ تاستارسىڭ, ٸليياس كەلسە اۋىلعا كەلەدٸ عوي… – وندا مەن دە بٸرگە قايتامىن, اۋىلدا دا جۇمىس تابىلار. سٶيتٸپ, اۋىلعا كٶشەدٸ ەكەۋٸ. اۋىلدا مەرييام ٶزٸنە ورىن تاۋىپ الادى, ول اۋىل سىرتىنداعى جولدى قارسى الاتىن جالعىز بەيتەرەك اعاشتىڭ تٷبٸندە تاڭنىڭ اتىسىنان كٷننٸڭ باتىسىنا دەيٸن وتىرادى. بالالار ٷمٸتكە اپانىڭ سول جەردە وتىرعانىن ايتىپ تۇراتىن بولادى. ٷيدە مەرييام اپا اياتتاردى وقىپ, قۇدايدان جالعىزىنىڭ كەلۋٸن سۇرايدى. ٷمٸتتٸڭ كٶزٸ قۇرعامايدى – جىلاۋمەن ول دا ٸليياستىڭ كەلۋٸن تٸلەيدٸ. جۇمىسىندا دا بەرەكە جوق. اپاسىنا شەي اپارۋمەن بولادى. كٷندە ايتىپ جٷرگەن سٶزدەر بۇل جەردە دە ايتىلادى: — جاس ٶمٸرٸڭدٸ ٶتكٸزٸپ الدىڭ عوي, جانىم. –اپا, وسى جەردە وتىرماي-اق قويساڭ قايتەدٸ? – جالعىزىمدى بٸر كٶرسەم ەكٸ دٷنيەدە دە ارمانىم جوق! انانىڭ ٶكسٸپ سۇراعان تٸلەۋٸن بەردٸ قۇداي! اعاشتى جاناپ ٶتەتٸن ەكٸ ٸزدٸ جولمەن كەلە جاتقان ەر ادامنىڭ جٷرٸسٸنە كەيٸپكەرلەردٸڭ دە, كٶرەرمەننٸڭ دە كٶڭٸلٸ اۋادى! مەرييام اپا سولىپ قالعان گٷلگە جان بٸتكەندەي باياۋ قوزعالىسپەن وتىرعان ورنىنان تۇرىپ, جولاۋشىعا قارسى بەت الادى. اۋىلعا قايتىپ بارا جاتقان ٷمٸت تە ارتىنا قاراپ ٸليياستى كٶرەدٸ. انا مەن بالانىڭ كەزدەسۋ ساحناسى جان قوزعالىسىنىڭ تەبٸرەنٸسكە تولى تولقۋ سەتتەرٸنە ساي ەسەرلٸ كٷي تۋعىزاتىنىن ايتا كەتۋ كەرەك. الدىمەن ەكەۋٸ, ولارعا ٷمٸت قوسىلىپ – (جوعارىدان تٷسٸرٸلگەن كٶرٸنٸس) ٷشەۋٸ بٸر بٷتٸن جانداي بولىپ كٶرٸنەدٸ… يە, ٷشەۋٸ – بٸر بٷتٸن!!!

… – مٸنە, بالالار, اپامىزدىڭ باستان كەشٸرگەنٸ, كەيٸن نەمەرەلەرٸن ٶسٸرٸپ, باقىتتى ٶمٸر سٷردٸ. بەرٸ شىدامدىلىقتىڭ ارقاسىندا… – دەپ اياقتادى مەكتەپ ساباعىن مۇعالٸم.

بارلىق انالاردىڭ قۇرمەتٸنە ارنالادى دەگەن سٶزدەرمەن فيلمنٸڭ قىزمەتتٸك تيترلارى باستالادى. بۇدان بٸز فيلم جاساۋعا قاتىسقان شىعارماشىلىق توپتىڭ قۇرامىمەن تانىسامىز. وسى توپتىڭ بارلىعى دەرلٸك «اناعا اپارار جول» فيلمٸنە «ەۋرازييالىق كٶپٸر» حالىقارالىق كينوفەستيۆالٸنٸڭ باس جٷلدەسٸن جەڭٸپ الۋىنا اتسالىسقان كينوٶنەرٸنٸڭ ماماندارى. بەرٸن وسى تابىستى ەڭبەكتەرٸمەن قۇتتىقتايمىز! ەڭ زور تابىس — ول فيلمنٸڭ قازاقستاندىق كٶرەرمەننٸڭ ىستىق ىقىلاسىنا بٶلەنۋٸ! ەلييا نازارباەۆا, اقان ساتاەۆ پەن تيمۋر جاقسىلىقوۆ باستاعان شىعارماشىلىق توپ 1922 جىلى باستالعان وقيعالاردى قىرىق جىلدان استام ۋاقىتقا دەيٸن اسقان شەبەرلٸكپەن بٷگٸنگٸ كٷنگە جەتكٸزٸپ بەردٸ. ەڭ الدىمەن ولار ەر ۋاقىتتىڭ ساياسي-ەلەۋمەتتٸك ەرەكشەلٸگٸن, رۋحاني-ەتنوگرافييالىق, تابيعي-گەوگرافييالىق, تۇرمىستىق-ەكونوميكالىق ٶزگەرٸستەرٸن, ٶمٸر سٷرۋگە تالپىنعان ادامداردىڭ ٶز باقىتى ٷشٸن قانداي قاجىرلىلىق پەن كٷش-قايرات كٶرسەتە بٸلۋ كەرەكتٸگٸن, تٸپتٸ قانداي قييانات, ەدٸلەتسٸزدٸك پەن ادامي قاسيەتتەردٸڭ اياقاستى بولۋىمەن قاشان كٷرەسۋ, قاشان شىدامدىلىق كٶرسەتە بٸلۋ كەرەكتٸگٸن شىنايى تٷردە جەتكٸزە بٸلگەن. سوندىقتان, كٶرگەن وقيعالار تٸزبەگٸندە ٶمٸر شىندىعىنىڭ يسٸ مٷڭكٸپ تۇرعانى قۋانتادى. «ەۋرازييالىق كٶپٸر» تالاي ەلەكتەن ٶتكٸزٸپ بارىپ باس جٷلدەسٸن قازاق فيلمٸنە تارتۋ ەتكەنٸ دە فيلمنٸڭ بٷگٸنگٸ كٶرەرمەن تالابىنا ساي تٸلمەن جاسالعاندىعى مەن ونىڭ شىنايلىعىندا. 2 ساعات ٸشٸندە جارتى عاسىرعا جۋىق ۋاقىت بويى ەۋرازييا كەڭٸستٸگٸنٸڭ بۇرىش-بۇرىشىنا كٶز تاستاپ, كەڭەس دەۋٸرٸندەگٸ ٶمٸردٸڭ اق پەن قاراسىن, اششىسى مەن تۇششىسىن سەزٸنۋ مٷمكٸندٸگٸنە يە بولعان بٷگٸنگٸ جاستار بۇل فيلمنٸڭ بەلسەندٸ كٶرەرمەنٸ بولارى انىق. ٸليياس بٷگٸن 94 جاسقا كەلگەن بولار ەدٸ. بۇل جاستاعى قارييالار ورتامىزدا ەلٸ دە بار, سولاردىڭ كٶپشٸلٸگٸ ٸليياس كيگەن كەبٸننٸڭ تارلىعىن تٷسٸنەتٸندەر, جانى اشىپ, كٶزٸنە جاس الاتىندار. مٸنە, بۇل فيلمنٸڭ قوعامىمىزدىڭ بارلىق مٷشەلەرٸنٸڭ تالابىنا ساي جاسالىنعاندىعى. بۇل ٶتە سيرەك تۋىندايتىن نەتيجە.

مەرييام اپا قازاقستاننىڭ ەڭبەك سٸڭٸرگەن قايراتكەرٸ التىناي نٶگەربەكتٸڭ ويناۋىندا انا دەگەن سٶزدٸڭ پارقىن بٸلەتٸن قازاق ٷشٸن ناعىز «بالامنىڭ اياعىنا قادالعان شٶگٸر مەنٸڭ ماڭدايىما قادالسىن» دەيتٸن انا بەينەسٸنە سايما-ساي كەلەتٸن نەزٸك جاندى, رۋحى مىقتى, قايسار جان (اۋىل ستاروستاسىنىڭ بەتٸنە باسقان ايىپتارى). مەرييام اپا فيلمنٸڭ باستى كەيٸپكەرٸ, سولاي قاراستىرىلعان, سول سەبەپتەن ول قازاق اناسىنىڭ جيناقتالعان باتىر بەينەسٸ, سول سەبەپتەن ول ەرقايسىسىمىزعا انامىزدى ەسكە الدىرادى, ساعىنىش سەزٸمٸن تۋدىرادى. ال سول انانىڭ شىنايى بەينەسٸن جاساۋ, ەرينە جاس اكتريسا ٷشٸن ٷلكەن شەبەرلٸكتٸ تالاپ ەتتٸ, كادر ٸشٸندە ورامالدى كەمپٸرلەرشە بايلاۋ, جٷرٸس-تۇرىسىنا كەرٸلٸكتٸڭ بەلگٸلەرٸن ەنگٸزۋ, قولىنىڭ دٸرٸل قاعۋى سيياقتى پلاندار ويىننىڭ ماقساتىنا سەندٸرەدٸ, كٶزٸنە ۇيالاعان مۇڭ, اش ادامدارعا كٶرسەتٸلگەن مەيٸرٸمدٸلٸك – ت.س.س. رٶلدٸڭ سالماعىن ارتتىرىپ, ونىڭ تەرەڭدٸگٸن كٶرسەتەدٸ. وسىنىڭ بەرٸ رٶلدٸڭ دەرەجەسٸن حالىقارالىق فەستيۆالدىڭ جٷلدەسٸنە ساي ەتكٸزە بٸلدٸ! ەڭ ٷزدٸك ەيەل رٶلٸن ورىنداعانى ٷشٸن دەگەن جٷلدە, جاي عانا اتاپ ٶتۋ ەمەس, ول اتالىم سالماعى بويىنشا ەڭ باعالىلار قاتارىنا كٸرەتٸن ماراپات! راس, بۇل – ٶتە ەلەۋلٸ جەڭٸس! باس گازەتٸمٸز ارقىلى ماداق ايتۋعا تۇرارلىق!

ٸليياس – ەدٸل احمەتوۆتٸڭ, ٷمٸت ارۋجان جازىلبەكوۆانىڭ ورىنداۋىندا مەرييام اپانىڭ رٶلٸنە كٶپ رەڭك قوسادى, جوعارىلاۋ جولىندا جاقسى سٷيەمەلدەيدٸ, ٶز اتقارعان رٶلدەرٸنە دەل تابىلعان اكتەرلەر دەسەك – ول شىندىق. كەسكٸندەمەلٸك پورترەتتەرٸ دە, ويناۋ شەبەرلٸكتەرٸ دە جوعارى دەڭگەيدەگٸ جۇلدىزدار! بولات ەبدٸلمانوۆ, بەرٸك ايتجانوۆ, ازامات ساتىبالدى, اقكەنجە ەلٸمجان, ەرلان كەرٸباەۆ, ەركەبۇلان دايىروۆ, جالپى بٷكٸل اكتەرلٸك انسامبل شاحمات الاڭىنا ورىن-ورنىنا قويىلعان فيگۋرالار سيياقتى اتقارادى رٶلدەرٸن. فيلمنٸڭ زور جەتٸستٸكتەرٸنٸڭ بٸرٸ وسىندا. بارلىق اكتەرلەر ورتاق ماقساتتى بٸلەدٸ, سوعان ٷلەس قوسادى. اسىلبەك بورانباەۆتىڭ جايىروۆىنىڭ اتقاراتىن جٷگٸ قانداي! ايتا بەرسەك…

…فيلمنٸڭ اۆتورلارى بولىپ سانالاتىن كومپوزيتورلار (ەلٸم زايروۆ, رومان ۆيشنەۆسكيي) مەن قويۋشى-سۋرەتشٸلەر (نەزيرا بايبەكوۆا, لاريسا رەشەتوۆا) جۇمىستارىنا قويىلعان تالاپتار اسا جوعارى بولماعان سيياقتى, سەبەبٸ, فيلم تىنىسىنىڭ ەڭ بٸر اسقاقتايتىن ساحنادا مەرييام اپا مەن ٸليياستىڭ (ەرينە, ٷمٸتتٸڭ دە) كەزدەسۋٸ مۋزىكالىق قولداۋدىڭ كەڭٸستٸكتە شارىقتاي الماي قالعانى, مەرييام اپانىڭ «كەرٸلٸك گريمٸنٸڭ» كەرٸلٸك ماسكا دەڭگەيٸنە عانا جەتە العاندىعى قىنجىلتپاي قويمايدى, بٷكٸل فيلم بويى سٷيسٸنٸپ وتىرعان اكتريسانىڭ ميميكالارى ەڭ بٸر شەشۋشٸ ساحنادا قيمىلسىز «ٷندەمەي» قالدى! وسىنىڭ كەسٸرٸنەن, تٸپتٸ, فيلمنٸڭ وڭتايلى سەتتەرٸنٸڭ ٶزدەرٸن ۇمىتتىرۋعا جول اشاتىن سيياقتى. سول تەرٸزدٸ فيلمدە تەرەڭ وي ەلەگٸنەن ٶتپەگەن بٸر دراماتۋرگييالىق كەمشٸلٸك – ەر جەردە وقيعا دامۋى تىعىرىققا تٸرەلەتٸن قاۋٸپ پايدا بولا باستاعاندا ساپاسىز ديكتورلىق مەتٸن ارالاسىپ شاراسىزدىق تانىتادى. فيلمنٸڭ ەڭ سوڭىنداعى مۇعالٸمنٸڭ ساباعى دا – وسى قاتارعا قوسىلاتىن ٶكٸنٸشتٸ جاي.

دەسەك تە, «ۇلتتىق كينو» دەگەنٸمٸز نە?» – دەگەن سۇراق قويىپ, سونىڭ جاۋابىن اقان ساتاەۆتان سۇراپ وتىرعاندايمىز. سەبەبٸ, «اناعا اپارار جول» فيلمٸ ارقىلى اقان باۋىرىمىز (ەرينە, اقان دەگەندە بٷكٸل فيلم جاساۋعا قاتىسقان شىعارماشىل توپتى ايتامىز) حح عاسىردىڭ نەگٸزگٸ قايشىلىقتارىن, ولاردى قازاق اناسى (مەرييام) مەن قازاق بالاسىنىڭ (ٸليياس) باستان كەشكەن زارداپتارىن قازاق حالقى تاعدىرىنىڭ تاريحى ەتٸپ ۇسىندى. ەرينە, بۇل «اناعا اپارار جولدىڭ» ناعىز ۇلتتىق فيلم ەكەنٸنٸڭ دەلەلٸ. فيلم شىققاننان بەرٸ عالامتور جەلٸلەرٸندە ەرتٷرلٸ پٸكٸرلەر پايدا بولدى, ولاردىڭ اراسىندا سىن ارقالاعاندارى دا جوق ەمەس. بٸز ولارعا قازاقشا «بٸتكەن ٸسكە سىنشى كٶپ» دەي الامىز. بٸتكەن ٸس – تٷسٸرٸلگەن فيلم, قىرۋار قيىندىقتاردىڭ باسىن يدٸرگەن تٷسٸرۋ توبى تازا كٶڭٸلٸمەن, شىن پەيٸلمەن قىزمەت ەتكەنٸن بايقاي الامىز. تيمۋر جاقسىلىقوۆ پەن اقان ساتاەۆتىڭ وسىنشا وقيعالاردىڭ بٸر فيلمنٸڭ ٸشٸندە شەبەرلٸكپەن دامىپ, شىنايىلىقپەن ٶربۋ شەشٸمدەرٸنە جەتكٸزە العاندارى تاڭىرقاتادى. ٶمٸردە بولمايتىن وقيعا جوق شىعار, ال سول اقيقاتتى فيلمنٸڭ باستى كەيٸپكەرلەرٸنە اۋىر جٷك ەتٸپ, ماقساتتى قادامداردان سٷرٸنبەي ٶتۋ ٷيلەسٸمدٸلٸكتەرٸن دراماتۋرگييالىق زاڭدىلىقتارعا باعىندىرىپ, شەشٸمدەرٸن كٶرەرمەن تالابىنىڭ قىزىعۋشىلىق دەڭگەيٸن جوعارى ۇستاپ, گەرويلاردىڭ باستان كەشكەنٸن قازاق تاعدىرى ەتە العاندارى قۋانتادى. قازاق كينوٶنەرٸنٸڭ مايتالمانى, قىرعىز باۋىرىمىز قويۋشى-وپەراتور حاسان قىدىرەليەۆ ٷشٸن بۇل فيلمنٸڭ قۇرامىندا مەنسٸز قادرلار جوق, ٶز جۇمىسىن اسقان تىڭعىلىقتىلىقپەن اتقاراتىن حاس شەبەر بٷكٸل تٸزبەكتەلگەن وقيعالاردىڭ بەينەكٶرٸنٸستەرٸن ٶزٸنٸڭ قىراعى كٶز تالعامىنا, ۋاقىتى مەن كەڭٸستٸگٸنە, شيەلەنٸستٸك سەتتەرٸنە ساي تٷس-بوياۋلارمەن سۋرەتتەي بٸلگەن.

انا دەگەن ٶتە قاراپايىم جەنە ەڭ تەرەڭ ۇعىمنىڭ سىرىن ٶمٸر سٷرۋدٸڭ قانشالىقتى كٷردەلٸ ٷردٸس ەكەنٸ ارقىلى جەتكٸزۋدٸ كٶرەرمەننٸڭ اقىل-وي جٷيەسٸمەن ەمەس, جٷرەك سىزداۋى ارقىلى سەزدٸرە العانى بۇل شىعارمانىڭ ەسەرٸن كٶپكە دەيٸن ۇمىتتىرماس! قازاق كٶرەرمەنٸ كينوتەاتردان تولعانىپ, ٶز اناسىن ەسكە الىپ شىعارى انىق! سەبەبٸ, ول ۇلتتىڭ جانىن تەبٸرەنتەتٸن تاريحي وقيعالارمەن قاۋىشتى.

سلامبەك تەۋەكەل,

كينورەجيسسەر, قازاقستاننىڭ ەڭبەك سٸڭٸرگەن قايراتكەرٸ