قازاقستاننىڭ ەڭبەك سٸڭٸرگەن قوعام جەنە ساياسي قايراتكەرٸ, اكادەميك قالىق ابدۋللاەۆ ٶمٸردەن وزدى, دەپ حابارلايدى "ۇلت اقپارات".
بۇل تۋرالى ساياساتتانۋشى ەربول ەدٸلوۆ Telegram-كانالىندا جازدى.
«1997-1999 جىلدار ارالىعىندا وڭتٷستٸك قازاقستان وبلىسىنىڭ ەكٸمٸ بولعان قالىق ابدۋللاەۆ 78 جاسىندا ٶمٸردەن وزدى. تۋعان-تۋىستارى مەن جاقىندارىنا قازاعا بايلانىستى قايعىرىپ كٶڭٸل ايتامىز. يماندى بولسىن!», - دەپ جازدى ول.
قالىق ابدۋللاەۆ 1942 جىلى 28 ماۋسىمدا وڭتٷستٸك قازاقستان وبلىسى, لەنگٸر اۋدانى, قاسقاسۋ اۋىلىندا دٷنيەگە كەلگەن. 1963 جىلى تاشكەنت پوليتەحنيكالىق ينستيتۋتىن ينجەنەر-ەلەكتريك ماماندىعى بويىنشا وقىعان.
1981 جىلى «قۇرمەت بەلگٸسٸ» وردەنٸمەن ماراپاتتالعان. قالىق ابدۋللاەۆ شىمكەنت قالالىق, وڭتٷستٸك قازاقستان وبلىستىق حالىق دەپۋتاتتارى كەڭەسٸنٸڭ, قازاق كسر جوعارعى كەڭەسٸنٸڭ دەپۋتاتى بولعان.
ەڭبەك جولىن «وڭتٷستٸكقازەنەرگونىڭ» اۋداندىق باسقارماسىنداعى ينجەنەر قىزمەتٸنەن باستاعان.
1969 جىلى رەسپۋبليكا ەنەرگەتيكا مينيسترلٸگٸنٸڭ اپپاراتىنا جاڭادان ۇيىمداستىرىلعان ديسپەتچەرلٸك بٸرلەستٸك باسقارماسىنا ەنەرگەتيكالىق تەرتٸپ قىزمەتٸنٸڭ باستىعى بولىپ جٸبەرٸلگەن. 1974 جىلى «وڭتٷستٸكقازەنەرگو» ايماقتىق باسقارماسىنا باس ينجەنەر, كەيٸن باسقارما باستىعى قىزمەتٸن اتقارعان.
1982 جىلى قازاق كسر ەنەرگەتيكا مينيسترٸنٸڭ بٸرٸنشٸ ورىنباسارى قىزمەتٸنە تاعايىندالدى.
1986-1992 جىلدار ارالىعىندا قازاق كسر مينيسترلەر كەڭەسٸ تٶراعاسىنىڭ ورىنباسارى, رەسپۋبليكا مەملەكەتتٸك جوسپارلاۋ كوميتەتٸنٸڭ تٶراعاسى, قازاق كسر مينيسترلەر كەڭەسٸ تٶراعاسىنىڭ بٸرٸنشٸ ورىنباسارى, رەسپۋبليكا مەملەكەتتٸك جوسپارلاۋ كوميتەتٸنٸڭ تٶراعاسى, پرەمەر-مينيستردٸڭ ورىنباسارى - قازاق كسر مەملەكەتتٸك ەكونوميكالىق كوميتەتٸنٸڭ تٶراعاسى قىزمەتتەرٸن اتقاردى.
وسى جىلدارى ول قر پرەمەر-مينيسترٸنٸڭ ورىنباسارى - شەتەلدٸك ينۆەستيتسييالار جٶنٸندەگٸ ۇلتتىق اگەنتتٸك تٶراعاسى لاۋازىمىندا قازاقستانعا شەتەلدەردەن ينۆەستيتسييالار تارتۋدىڭ العاشقى تەجٸريبەلەرٸنٸڭ نەگٸزٸن قالادى.
1992 جىلدان 1995 جىلعا دەيٸن قازاقستاندىق ٸسكەر ىنتىماقتاستىق ورتالىعى «اتاكەنت» اكتسيونەرلٸك قوعامى باسقارماسىنىڭ تٶراعاسى بولدى. 1995 جىلى قالىق ابدۋللاەۆتىڭ ٸسكەرلٸك مول تەجٸريبەسٸ ەسكەرٸلٸپ رەسپۋبليكا پرەزيدەنتٸنٸڭ ارنايى جارلىعىمەن قۇرىلعان تمد ەلدەرٸمەن ىنتىماقتاستىق جٶنٸندەگٸ مەملەكەتتٸك كوميتەتتٸڭ تٶراعاسى بولىپ تاعايىندالدى.
1996-1997 جىلدارى قر پرەزيدەنتٸنٸڭ كەڭەسشٸسٸ قىزمەتٸن اتقاردى.
1997-1999 جىلدارى وڭتٷستٸك قازاقستان وبلىسىنىڭ ەكٸمٸ, ال 2000 جىلدان بەرٸ ٶزٸ قۇرعان «اتاكەنت» اكتسيونەرلٸك قوعامى ديرەكتورلار كەڭەسٸنٸڭ تٶراعاسى بولىپ ەڭبەك ەتتٸ.
