بٷگٸن «قازاق رەسپۋبليكاسىنىڭ 100 جىلدىعى جەنە ونىڭ قۇرىلۋىنا «الاش» قايراتكەرلەرٸنٸڭ قوسقان ٷلەسٸ» تاقىرىبىندا ونلاين كونفەرەنتسييا ٶتتٸ. عالىمدار جيىندى ۇيىمداستىرعان «اق جول» دەموكراتييالىق پارتيياسىنا العىس ايتتى, دەپ حابارلايدى قازاقپارات.
«بٸز اتا-بابالارىمىزدىڭ ٶتكەن جولىن ۇلىقتاۋعا تيٸسپٸز. «قازاق رەسپۋبليكاسىنىڭ 100 جىلدىعىن ەرەكشە اتاپ ٶتٸپ جاتقان «اق جول» دەموكراتييالىق پارتيياسىنىڭ بارلىق مٷشەسٸنە كٶپ العىس بٸلدٸرەمٸز. ەڭ باستىسى – ەلٸمٸزدٸڭ تاريحىن ناسيحاتتاۋعا «اق جول» دەموكراتييالىق پارتيياسىنىڭ قوسىپ جٷرگەن ٷلەسٸ زور ەكەنٸن بەرٸمٸز بٸلەمٸز. عالىمدار جينالعان جەردە جاقسى ۇسىنىستار ايتىلادى, بٸز دە ٶز پٸكٸرٸمٸزدٸ قوسايىق», - دەيدٸ تاريح عىلىمدارىنىڭ دوكتورى, پروفەسسور اققالي احمەت.
ونىڭ ايتۋىنشا, قازاق رەسپۋبليكاسى قۇرىلعان كەزدە قازاق ەلٸ ٶتە كٷردەلٸ كەزەڭدٸ باسىنان كەشٸرٸپ جاتتى.
«بٸز ەلٸ كٷنگە دەيٸن الاش زييالىلارىنىڭ ەڭبەگٸن ەلەپ, دۇرىس دەرٸپتەي الماي كەلەمٸز. ەر وبلىس ٶز تۇلعالارىن عانا تانۋمەن اينالىسىپ جاتقانداي. شىن مەنٸندە ەليحان بٶكەيحانوۆ بولسىن, حالەل دوسمۇحامەدوۆ, ۋەليحان تاناشەۆ, مۇستافا كٶكەباەۆ بولسىن – وسىلاردىڭ بەرٸنٸڭ اتى اتىراۋدان التايعا دەيٸنگٸ قازاق ەلٸنٸڭ كٶشەلەرٸنە, مەكتەپتەرٸنە, ۋنيۆەرسيتەتتەرٸنە, قالا بەردٸ اۋىل كٶشەلەرٸنە بەرٸلۋٸ تيٸس. ٶكٸنٸشكە قاراي, كەي تۇرعالار ەسكەرۋسٸز قالىپ جاتىر», - دەيدٸ پروفەسسور.
