فوتو: AP Photo
اق ٷي گازاعا قاتىستى 20 تارماقتان تۇراتىن رەتتەۋ جوسپارىن جارييالادى. ول حالىقارالىق قاتىسۋمەن ۋاقىتشا سىرتقى باسقارۋدى ەنگٸزۋدٸ كٶزدەيدٸ.
"پرەزيدەنت دونالد ترامپتىڭ گازاداعى قاقتىعىستى اياقتاۋعا ارنالعان تولىق جوسپارى" مىناداي شارالاردى قامتيدى:
🔸 قاقتىعىستى دەرەۋ توقتاتۋ, يزرايل ەسكەرٸن ەكەتۋ جەنە سوعىس ەرەكەتتەرٸن توقتاتا تۇرۋ – كەپٸلگە الىنعانداردى بوساتۋ شارتىمەن.
🔸 جوسپارعا سەيكەس, گازا راديكاليزمنەن ارىلعان, تەرروردان تازا جەنە كٶرشٸلەرٸنە قاۋٸپ تٶندٸرمەيتٸن ايماققا اينالۋى كەرەك.
🔸 ەگەر ەكٸ تاراپ ۇسىنىسپەن كەلٸسسە, سوعىس بٸردەن توقتاتىلادى. يزرايل ەسكەرٸ كەپٸلگە الىنعانداردى بوساتۋعا دايىندىق ٷشٸن كەلٸسٸلگەن شەپكە شەگٸنەدٸ. وسى ۋاقىت ٸشٸندە بارلىق ەسكەري وپەراتسييا, سونىڭ ٸشٸندە ەۋە جەنە ارتيللەرييالىق سوققىلار, توقتاتىلادى. مايدان شەبٸ تولىق ەسكەر شىعارىلعانعا دەيٸن توقتايدى.
🔸 يزرايل كەلٸسٸمدٸ جارييا تٷردە قابىلداعاننان كەيٸن 72 ساعات ٸشٸندە بارلىق كەپٸلگە الىنعاندار – تٸرٸلەرٸ دە, قازا تاپقاندارى دا – قايتارىلۋى كەرەك.
🔸 حاماس مٷشەلەرٸ كەپٸلگە الىنعان يزرايلدٸكتەردٸ بوساتقاننان سوڭ امنيستييا الادى. ال گازانى تاستاپ كەتكٸسٸ كەلگەندەرگە قابىلداۋشى ەلدەرگە قاۋٸپسٸز ٶتۋ جولى بەرٸلەدٸ.
🔸 بارلىق كەپٸل بوساتىلعاننان كەيٸن يزرايل ٶمٸر بويىنا سوتتالعان 250 تۇتقىندى جەنە 2023 جىلعى 7 قازاننان كەيٸن ۇستالعان 1700 گازالىقتى بوساتادى. ەربٸر بوساتىلعان يزرايلدٸك كەپٸل ٷشٸن يزرايل گازا تۇرعىندارىنىڭ 15 مەيٸتٸن قايتارادى.
🔸 كەلٸسٸم قابىلدانعان سوڭ گازاداعى ينفراقۇرىلىمدى قالپىنا كەلتٸرۋدٸ قوسا العاندا, تولىق كٶلەمدە گۋمانيتارلىق كٶمەك جەتكٸزٸلەدٸ.
🔸 اقش-تىڭ بۇل ۇسىنىسى گازانى يزرايلدٸڭ وككۋپاتسييالاۋىن دا, اننەكسييالاۋىن دا قاراستىرمايدى.
🔸 ازاماتتاردى كٷشتەپ كٶشٸرۋ جوسپاردا جوق: ولار اۋماقتى ەركٸن تاستاپ كەتٸپ, ورالا الادى.
🔸 حاماس پەن ٶزگە توپتار گازانى باسقارۋعا تٸكەلەي دە, جاناما دا قاتىسا المايدى. بارلىق ەسكەري جەنە تەرروريستٸك ينفراقۇرىلىم – تۋننەلدەر مەن قارۋ-جاراق ٶندٸرٸسٸ نىساندارى – جويىلادى.
🔸 اقش اراب جەنە حالىقارالىق سەرٸكتەستەرمەن بٸرلەسە وتىرىپ, گازادا دەرەۋ ورنالاستىرىلاتىن ۋاقىتشا حالىقارالىق تۇراقتاندىرۋ كٷشتەرٸن قۇرادى.
🔸 يزرايل ەسكەرٸن شىعارۋ دەميليتاريزاتسييا شارتتارى مەن مەرزٸمدەرٸنە ساي جٷزەگە اسادى. ولاردى تساحال, حالىقارالىق تۇراقتاندىرۋ كٷشتەرٸ, كەپٸلگەرلەر مەن اقش كەلٸسٸپ بەلگٸلەيدٸ.
🔸 گازانى قالپىنا كەلتٸرۋ مەن ەنەرگەتيكالىق جابدىقتاۋ ٷشٸن ەكونوميكالىق دامۋ جوسپارى ەزٸرلەنەدٸ. سەكتور ۋاقىتشا تەحنوكراتييالىق, ساياسي ەمەس پالەستينالىق كوميتەت ارقىلى باسقارىلادى. ونىڭ جۇمىسىن "بەيبٸتشٸلٸك كەڭەسٸ" قاداعالايدى, ال كەڭەستٸ ترامپتىڭ ٶزٸ باسقارادى.
🔸 جوسپار اياسىندا سەكتوردا ەرەكشە ەكونوميكالىق ايماق قۇرىلادى. مۇندا قاتىسۋشى ەلدەر ٷشٸن جەڭٸلدٸك جاعدايلارى ەنگٸزٸلەدٸ.
يزرايل ٷكٸمەتٸنٸڭ باسشىسى بينيامين نەتانياحۋ اق ٷيدٸڭ بەيبٸت جوسپارلارىن قولدايتىنىن مەلٸمدەدٸ.
ونىڭ ايتۋىنشا, بۇل جوسپار يزرايلدٸڭ ماقساتتارىنا تولىق سەيكەس كەلەدٸ: حاماس قارۋسىزداندىرىلىپ, گازا دەميليتاريزاتسييالانادى, ال سەكتوردى ازاماتتىق ەكٸمشٸلٸك باسقاراتىن بولادى.
"ەگەر حاماس بۇل جوسپاردى قابىلداماسا, يزرايل جۇمىستى ٶزٸ اياقتايدى", — دەپ اتاپ ٶتتٸ نەتانياحۋ.
ايتا كەتەيٸك, قازاقستان ترامپتىڭ گازا سەكتورىنداعى بەيبٸتشٸلٸك جوسپارىن قولدادى.
