قازاقستاندى "ساناسى البينوستار" ٶزگەرتەدٸ
قازاقستاندا ەرەكشە ويلاۋعا بولمايدى. ەرەكشە ويلاۋ كٶپ جاعدايدا ۇناي بەرمەيدٸ. ەسٸرەسە بيلٸككە. "اق قارعالاردى" بيلٸك ۇزاققا ۇشىرمايدى. ٶيتكەنٸ قوعام تەك قانا قاراپايىم قارعالاردان تۇرعاندا باسقارۋعا يكەمدٸ ھەم ىڭعايلى. ال "اقتار" وعان ٶزگەرٸس ەنگٸزۋٸ مٷمكٸن باستى قاۋٸپ. سوندىقتان اقتاردى بيلٸكتەن, قوعامنان الىستاۋ ۇستاۋ كەرەك دەگەن جازىلماعان زاڭدىلىق بار. جالپى ادامزات ەرەكشەلەردٸ ۇناتا بەرمەيدٸ عوي.
مىسالى, قۇداي ۇمىت قالدىرعان افريكادا كٸل قارالار كٷن كٶشەدە. كٸل قارانىڭ اراسىندا بٸرەن-ساران "اقتار" بار. اق نەسٸلدٸلەر ەمەس, البينوستار. تەك قانا تٷسٸ ەرەكشە بولعانى ٷشٸن افريكادا البينوستارعا ناعىز اڭشىلىق ۇيىمداستىرىلادى. ولاردى ٶلتٸرۋ - كٷنە ەمەس. حالىقتى سولاي سەندٸرگەن. كەرٸسٸنشە البينوستى اجال قۇشتىرعان جان تەز بايىپ كەتەدٸ-مٸس. سول سەبەپتٸ دە قاراپايىم قارالار "ەرەكشە اقتاردى" كٶشەدە ٶلتٸرەدٸ, ٷيٸنە شابۋىل جاسايدى, تٸپتٸ كٶمٸلگەن قابٸرٸن قازىپ, سٷيەگٸنەن تۇمار جاسايدى. البينوستىڭ قانى قاسيەتتٸ دەپ, قۇرباندىققا شالادى. ال اياعى مەن قولىنان بايلىق شاقىرادى دەپ, سىيىناتىن قۇرالدار قاشايدى. اقىماقتىق, ناداندىق, جاۋىزدىق. بٸراق حالىق سوعان شىن سەنەدٸ. ەرەكشەلەردٸ ەرەكشەلٸگٸ ٷشٸن قۋدالايدى.
قازاقستاندا دا وسىعان ۇقساس. ەشكٸمدٸ ٶلتٸرٸپ جاتقان جوق, بٸراق ەرەكشە ويلىلاردى ۇناتا بەرمەيدٸ. مىسالى, كسرو قالىپتاستىرىپ كەتكەن تاريحقا جاڭا كٶزقاراسپەن قاراۋدىڭ ورنىنا رەسەيدٸڭ ايتۋىمەن جازىلعان تاريح بار. ونى ٶزگەرتكٸسٸ كەلگەن "ەرەكشە ويلىلاردى" قوعام سىناي باستايدى. عاسىرلار بويى قالىپتاسقان دەستٷردٸڭ وزىعىن قالدىرىپ, توزىعىن جويۋعا نيەتتەنگەن "دەستٷردٸ رەفورمالاۋ, تويدى مودەرنيزاتسييالاۋ" يدەياسىن ۇسىنعان ەرەكشەلەردٸ قوعام مەن حالىق جەردەن الىپ جەرگە سالادى. دٸنگە, سالتقا, دەستٷرگە سىن ايتىپ, كەمشٸلٸگٸن كٶرسەتكٸسٸ كەلگەن ەرەكشەلەردٸ ايىپتايدى. ونداي ايىپتاۋلار بيلٸككە تيٸمدٸ دە. سەبەبٸ ەلەمگە ٶزگەرٸستٸ "ەرەكشەلەر" ەكەلگەن, ەر جەتٸستٸكتٸڭ ارتىندا ٶز سالاسىنداعى "اق قارعالار" تۇر.
دەمەك, بيلٸك ولاردان قورقادى, سول سەبەپتٸ دە قوعامنىڭ ولاردى ايىپتاۋىن قۇپ كٶرەدٸ. وتقا ماي قۇيادى. دەي-تۇرا مەن بٸزدٸڭ قوعامدى "سانالىق تۇرعىدان البينوستار" ٶزگەرتەرٸنە سەنەمٸن. ەرەكشە ەمەستەر كٶپ, ولار ەرەكشە ەمەس ەسكٸ جٷيەنٸڭ قالا بەرۋٸن قالايدى. الايدا ەرەكشەلەر كٶبەيۋدە. سوندىقتان مەن ٶزگەرٸستەردٸ كٷتەمٸن... ٷمٸتتەنەمٸن...
اسحات قاسەنعاليدٸڭ فەيسبۋكتاعى جازباسىنان
