رەسەي فەدەراتسيياسىنىڭ قۇرامىنداعى التاي ٶلكەسٸندە بولعان ەرەكشە وقيعا جۇرتتى تاڭعالدىردى. جەرگٸلٸكتٸ دەنساۋلىق ساقتاۋ مينيسترلٸگٸنٸڭ باسشىسى ەسكەري قىزمەتكەردٸڭ ايۋمەن بەتپە-بەت كەلٸپ, دەل سول سەتتە وعان نايزاعاي تٷسكەنٸنە قاراماستان امان قالعانىن ايتتى, دەپ حابارلايدى ult.kz.
شەنەۋنٸكتٸڭ سٶزٸنشە, ەسكەري اتپەن كەلە جاتىپ, سوڭىنان ايۋ قۋىپ كەلە جاتقانىن بايقايدى. ول الدىمەن اتىن بايلاپ, جىرتقىشقا قارسى تۇرۋعا توقتاعان. الايدا دەل وسى سەتتە وعان نايزاعاي تٷسەدٸ.
وقيعادان كەيٸن ەسكەري سال بولىپ, دەنەسٸنٸڭ تەك بٸر قولى عانا قوزعالعان. سوعان قاراماستان, ول ٷستٸندەگٸ اتتى ٶزٸنەن ىسىرىپ تاستاپ, قولىنداعى مىلتىقپەن اسپانعا وق اتىپ, قارۋىن قايتا وقتاي وتىرىپ, ايۋدى ٷركٸتٸپ جٸبەرەدٸ. كەيٸن قاۋٸپسٸز جەرگە دەيٸن ەڭبەكتەپ جەتكەن.
ەڭ تاڭعالارلىعى – مينيستردٸڭ ايتۋىنشا, ەسكەري جٷرەگٸ توقتاپ قالعان سايىن ٶزٸنە ٶزٸ جٷرەككە جاناما ماسساج جاساپ وتىرعان. سونىڭ ارقاسىندا ول تٸرٸ قالىپ, اجالدان امان شىققان.
الايدا بۇل وقيعاعا قاتىستى تەۋەلسٸز مەديتسينالىق راستاۋ نەمەسە رەسمي قورىتىندى جارييالانعان جوق. سوندىقتان ەزٸرگە ايتىلعان مەلٸمەتتەر التاي ٶلكەسٸنٸڭ دەنساۋلىق ساقتاۋ مينيسترلٸگٸ باسشىسىنىڭ سٶزٸنە نەگٸزدەلٸپ وتىر.
