ايتىسكەر اقىن سالتانات ٶتەلباەۆا مەن ونىڭ جۇبايى مىرزابەك قاسىموۆتىڭ قازا تاپقان جول اپاتى تۋرالى تىڭ دەرەك شىقتى, دەپ حابارلايدى ult.kz.
قايعىلى وقيعا 16 ماۋسىم كٷنٸ تاڭعى ساعات 07:00 شاماسىندا اقمولا وبلىسىنداعى استانا – اتباسار – جاقسى اۆتوجولىنىڭ 231-شاقىرىمىندا بولعان.
پوليتسييا مەلٸمەتٸنشە, تاسجولدا Chevrolet Tracker جەڭٸل كٶلٸگٸ مەن كاماز جٷك كٶلٸگٸ بەتپە-بەت سوقتىعىسقان. اپات سالدارىنان جەڭٸل كٶلٸكتٸڭ جٷرگٸزۋشٸسٸ مەن جولاۋشىسى وقيعا ورنىندا كٶز جۇمدى. كەيٸن ولاردىڭ سالتانات ٶتەلباەۆا مەن ونىڭ جۇبايى ەكەنٸ بەلگٸلٸ بولدى.
سونداي-اق جول اپاتىنان تاعى ەكٸ ادام تٷرلٸ دەنە جاراقاتىن الىپ, مەديتسينالىق كٶمەككە جٷگٸنگەن.
الدىن الا مەلٸمەت بويىنشا, قوستانايدا تٸركەلگەن كاماز استانا باعىتىنا كارەر جۇمىستارىنا ارنالعان شامامەن 20 توننا جارىلعىش زات تاسىمالداپ بارا جاتقان. جٷرگٸزۋشٸنٸڭ قاۋٸپتٸ جٷك تاسىمالداۋعا رۇقساتى بولعان, ال كٶلٸكتە كٷزەتشٸ دە بولعان.
تەرگەۋدٸڭ الدىن الا بولجامىنا سەيكەس, Chevrolet Tracker قارسى قوزعالىس جولاعىنا شىعىپ كەتكەن. قۇقىق قورعاۋ ورگاندارى جەڭٸل كٶلٸك جٷرگٸزۋشٸسٸنٸڭ رٶلدە قالعىپ كەتۋٸ مٷمكٸن دەگەن نۇسقانى دا تەكسەرٸپ جاتىر.
اپاتتان كەيٸن جارىلىس نەمەسە ٶرت بولماعان. وقيعا ورنىندا تٶتەنشە جاعدايلار قىزمەتتەرٸ جۇمىس ٸستەپ, اۋماق قورشاۋعا الىندى. قازٸر جول-كٶلٸك وقيعاسىنا بايلانىستى سوتقا دەيٸنگٸ تەرگەۋ جٷرگٸزٸلٸپ جاتىر.
