قازاقستاندىق Air Astana كومپانيياسى ۇشاعىنىڭ پورتۋگالييادا اپاتتى جاعدايدا قونۋىنا بولجام بويىنشا بۇعان دەيٸن جاسالعان جوسپارلى جٶندەۋ جۇمىستارى سەبەپ بولۋى مٷمكٸن. بۇل تۋرالى كومپانييا پرەزيدەنتٸ پيتەر فوستەر قاراشانىڭ 12-سٸ كٷنٸ الماتىدا ٶتكٸزگەن باسپاسٶز مەسليحاتىندا مەلٸمدەدٸ. قازٸر پورتۋگالييا بيلٸگٸ ۇشاقتىڭ اپاتتى جاعدايدا قونۋىنا بايلانىستى تەرگەۋ باستادى.
Air Astana كومپانيياسىنىڭ Embraer 190 ۇشاعى 11 قاراشا كٷنٸ ليسسابوننىڭ اۆياتسييالىق-تەحنيكالىق ورتالىعىندا جٶندەۋدەن ٶتكەن سوڭ الماتىعا ۇشىپ شىعىپ, ۇزاماي دابىل بەلگٸسٸن بەرگەن. ەكيپاج بۇدان سوڭ ۇشاقتى بەجا قالاسىنداعى ەسكەري ەۋەجايعا قوندىرۋعا مەجبٷر بولعان.
كومپانييا باسشىلىعىنىڭ سٶزٸنشە, ەۋەلدە پريبورلار ۇشاق ەۋەدە جانتاياتىن كەزدە ونى تەپە-تەڭدٸكتە ۇستاۋ قيىن ەكەنٸن كٶرسەتكەن. وسىنىڭ سالدارىنان ۇشاقتى اۋا-رايى قولايسىز كەزدە باسقارۋ قيىن بولىپ, ەكيپاج قونۋعا شەشٸم قابىلداعان. ۇشاقتا ٷش ۇشقىش پەن ٷش ينجەنەر بولعان.
ۇشاق تەرگەۋ اياقتالىپ, تٶتەنشە وقيعا سەبەبٸ انىقتالىپ, دۇرىستالعانشا پورتۋگالييادا بولماق. كومپانييا پورتۋگاليياعا ەكٸ ينجەنەرٸ مەن ەكٸ ۇشقىشىن جٸبەرگەن.
كومپانييا باسشىلىعى 2013 جىلى شىعارىلعان بۇل ۇشاقتى كەلەشەكتە بۇدان ارى پايدالانۋ جوسپارى بارىن ايتادى. ۇشاق بۇعان دەيٸن ورتالىق ازييا اۋماعى مەن رەسەيمەن شەكارالاس قالالارعا جەنە كاۆكازعا ۇشقان.
