ارشالى اۋدانىندا ۇلتتىق ۇلاننىڭ ەسكەري قىزمەتشٸلەرٸ مەن قىلمىستىق-اتقارۋ جٷيەسٸ دەپارتامەنتٸنٸڭ قىزمەتكەرلەرٸ قاج مەكەمەسٸنە تىيىم سالىنعان زاتتى جەتكٸزۋ ەرەكەتٸن انىقتادى, دەپ حابارلايدى ult.kz.
مەكەمە اۋماعىنا كٸرمەك بولعان «گازەل» اۆتوكٶلٸگٸن تەكسەرۋ كەزٸندە «ايزا» اتتى قىزمەتتٸك يت ارتقى كٶرٸنٸس ايناسىنىڭ وڭ جاق تۇسىنان كٷمەندٸ زاتتى سەزگەن.
تەرەڭدەتٸلگەن تەكسەرۋ بارىسىندا اينا قۋىسىنىڭ ٸشٸنەن جاسىرىلعان وراما تابىلدى. ونىڭ ٸشٸندە جاسىل تٷستٸ, ٶزٸنە تەن يٸسٸ بار زات بولعان. تەركٸلەنگەن زاتتىڭ ناقتى قۇرامى انىقتالىپ جاتىر.
تەكسەرۋ توبىنىڭ قۇرامىندا ەفرەيتور تيمۋر قوجابەكوۆ پەن كينولوگ-مامان, كٸشٸ سەرجانت بەرەكە دٶنەنباي بولعان.
قازٸر اتالعان فاكتٸ بويىنشا تەكسەرۋ جٷرگٸزٸلٸپ, وقيعانىڭ مەن-جايى مەن قۇقىق بۇزۋشىلىققا قاتىسى بار تۇلعالار انىقتالۋدا. جاعداي قۇزىرلى ورگانداردىڭ باقىلاۋىندا.
