قر پرەزيدەنتٸنٸڭ كٶمەكشٸسٸ – قر پرەزيدەنتٸ ەكٸمشٸلٸگٸنٸڭ ٶتٸنٸشتەردٸ قاراۋدى باقىلاۋ بٶلٸمٸنٸڭ مەڭگەرۋشٸسٸ ايدا بالاەۆا مەن بٸلٸم جەنە عىلىم مينيسترٸ اسحات ايماعامبەتوۆ اقمولا وبلىسىنىڭ تسەلينوگراد اۋدانى قاجىمۇقان اۋىلىنداعى №4 مەكتەپكە باردى, دەپ حابارلايدى قازاقپارات.
بۇعان دەيٸن اۋىل تۇرعىنى, جۋرناليست, قوعام بەلسەندٸسٸ ازامات كەڭەسۇلى Facebook-تە 150 بالاعا ارنالعان مەكتەپتە 600 بالانىڭ بٸلٸم الىپ جاتقانىن ايتىپ, شاعىمدانعان بولاتىن.
«مەكتەپ ٸشٸنٸڭ قانشالىقتى تار ەكەنٸن ٶزٸڭٸز وسى تسيفرلىق ايىرماشىلىقتان بايقاپ وتىرعان شىعارسىز. جاڭا وقۋ جىلىندا بالا سانى تاعى دا ارتا تٷسپەك. بٸرنەشە جٷز بالا ونسىز دا قالا مەكتەپتەرٸنە قاتىناپ وقيدى. مەكتەپ 9 سىنىپتىق. 10, 11-گە كٶشكەن بالالارىمىز تاعى قالا جاعالاپ جٷرەدٸ. جاۋىن-شاشىن, قار, بوران, داۋىلدى كٷندەرٸ بالالارىن قالاعا وقۋعا جٸبەرگەن اتا-انالار جاندارىن شٷبەرەككە تٷيٸپ وتىرادى. بۇل قاشانعى جالعاسا بەرمەك?!», - دەپ جازدى ول.
ٶز سٶزٸندە جۋرناليست پرەزيدەنتتٸڭ «ٷش اۋىسىمدىق» مەكتەپتەردٸ جويۋ تۋرالى تاپسىرما بەرگەنٸن, اۋىلداعى جاڭا مەكتەپ قۇرىلىسىنىڭ تۇرالاپ قالعانىن اتاپ ٶتتٸ.
«قازٸر اۋىلدا رەسمي 600-دەي بالا مەكتەپكە بارىپ جٷرگەنٸنە قاراماستان مەملەكەت بىلتىر 300 ورىندىق مەكتەپ قۇرىلىسىن باستادى. حوش! جوقتان جاقسى دەپ حالىق وعان دا كٶندٸ. بٸراق, ونىڭ ٶزٸ ساعىزشا سوزىلىپ, قۇرىلىس جەرتٶلەنٸڭ تٶڭٸرەگٸنەن ەرٸ اسا الماي جٷر. بەرٸنە كٸنەلٸ - قارجىلاندىرۋ. مەكتەپ قۇرىلىسى قر ٷكٸمەتٸنەن (بعم) قارجىلاندىرىلعاندىقتان وبلىس ەكٸمشٸلٸگٸ دە قاۋقارسىزدىق تانىتىپ وتىر. جوسپار بويىنشا مەكتەپ بيىل جەلتوقسان ايىندا پايدالانۋعا بەرٸلۋٸ تيٸس. بٸراق, مەردٸگەر كومپانييا قارجى تولىق جەتپەيدٸ دەپ اسىعار ەمەس. سوندىقتان سٸزدەن مەكتەپ قۇرىلىسىنا قاجەت قاراجاتتى بيىل تولىق بەرۋگە ىقپال ەتۋٸڭٸزدٸ سۇرايمىز. بٸزدٸڭ بالالاردى وسىناۋ قيىندىقتان دەرەۋ قۇتقارۋعا كٶمەكتەسۋٸڭٸزدٸ سۇرايمىز, ەرٸ تالاپ ەتەمٸز! ەگەر بٸزدٸڭ سٶزٸمٸزدٸڭ شىن ەكەنٸنە كٷمەندانساڭىز كٷش اتاسى - قاجىمۇقان اۋىلىنداعى مەكتەپتٸڭ قازٸرگٸ جاعدايىن كٶزٸڭٸزبەن كٶرۋگە شاقىرامىز!», - دەدٸ ا. كەڭەسۇلى.
ٶز جازباسىندا جۋرناليست بٸلٸم جەنە عىلىم مينيسترٸ اسحات ايماعامبەتوۆتى, ونىڭ كەڭەسشٸسٸ ەربولات مۇحامەدجاندى, اقمولا وبلىسىنىڭ ەكٸمٸ ەرمەك مارجىقباەۆتى جەنە قر پرەزيدەنتٸنٸڭ كٶمەكشٸسٸ ايدا بالاەۆانى بەلگٸلەدٸ.
كەلەسٸ كٷنٸ ايدا بالاەۆا مەن اسحات ايماعامبەتوۆ قاجىمۇقان اۋىلىنا ارنايى بارىپ, جاڭا مەكتەپ قۇرىلىسىن تەكسەردٸ.
«سٶزدەن ٸسكە! قر پرەزيدەنتتٸڭ جاڭا كٶمەكشٸسٸ ايدا بالاەۆا حالىقتىڭ ارىز-شاعىمىن اندا-مىندا جولداۋدى دوعارىپ, مەسەلەنٸڭ ناقتى شەشٸلۋٸن قاداعالايتىنىن مەلٸمدەپ ەدٸ. بٷگٸن ايدا عالىمقىزى ەلٸمٸزدٸڭ باس ۇستازىن ٸلەستٸرە قاجىمۇقان اۋىلىنداعى مەكتەپ قۇرىلىسىنا قاتىستى قالىپتاسقان احۋالدى كٶزبەن كٶردٸ. كٶرٸپ قانا قويماي, مەسەلەگە نٷكتە قويىپ كەتتٸ. قۇرىلىسقا قاجەت قاراجات بيىل تولىق بٶلٸنەتٸن بولدى. بۇل ەلٸمٸزدە حالىقپەن كەرٸ بايلانىستىڭ باستالعانىن اڭعارتادى», - دەپ جازدى ازامات كەڭەسۇلى پاراقشاسىندا.
ٶز سٶزٸندە اۋىل تۇرعىنى حالىقتىڭ ٶتٸنٸشٸمەن ەكٸ لاۋازىمدى تۇلعانىڭ اۋىلعا ارنايى كەلۋٸنٸڭ باسقا شەندٸلەر ٷشٸن زور ساباق بولعانىن اتاپ ٶتتٸ.
«سٶيتٸپ, كٶمەكشٸ مەن مينيستر بٸر قاداممەن مىڭ ادامنىڭ تاعدىرىن بٸر سەتتە شەشٸپ كەتتٸ. بۇل – ٷلكەن ٶزگەرٸستٸڭ باسى. جەنە پرەزيدەنت كٶمەكشٸسٸ ازاماتتاردىڭ ارىز-شاعىم, ٶتٸنٸشتەرٸن ۇساق-ٷلكەن دەپ قاراماي, بارلىعىنا مەن بەرەتٸنٸن ايتىپ وتىر. كەرەك دەسە بارلىق اۋىل-ايماققا بارۋعا دايىن. قىسقاسى, بيلٸك ٶكٸلدەرٸ دە, ٷكٸمەت تە ٸس جٷزٸندە جاڭا قوعامعا قادام باستى. بٸز دە قالىس قالمايىق! ەل جاناشىرلارى ارتا بەرسٸن!», - دەيدٸ ا. كەڭەسۇلى.
ەسكە سالا كەتسەك, مەملەكەت باسشىسىنىڭ جارلىعىمەن ايدا بالاەۆا قازاقستان رەسپۋبليكاسى پرەزيدەنتٸنٸڭ كٶمەكشٸسٸ – قازاقستان رەسپۋبليكاسى پرەزيدەنتٸ ەكٸمشٸلٸگٸنٸڭ ٶتٸنٸشتەردٸ قاراۋدى باقىلاۋ بٶلٸمٸنٸڭ مەڭگەرۋشٸسٸ بولىپ تاعايىندالدى.
