فوتو: Optimism.kz
قازاقستان رەسپۋبليكاسىنىڭ مەدەنيەت جەنە اقپارات مينيسترٸ ايدا بالاەۆا ەلٸمٸزدٸڭ بارلىق مەدەنيەت جەنە ٶنەر سالاسى قىزمەتكەرلەرٸن كەسٸبي مەرەكەسٸمەن شىن جٷرەكتەن قۇتتىقتادى, دەپ حابارلايدى Ult.kz.
مينيستر ٶزٸنٸڭ قۇتتىقتاۋىندا قازاقستاننىڭ مەدەنيەت سالاسىندا اتقارىلىپ جاتقان ٸستەر مەن جەتٸستٸكتەردٸ, سونداي-اق الداعى جوسپارلاردى اتاپ ٶتتٸ.
«قازاقستاندا 7 600 مەدەنيەت مەكەمەسٸ جۇمىس ٸستەيدٸ. بۇل قاتارعا 3 890 كٸتاپحانا, 57 تەاتر, 231 ارحيۆ, 275 مۋزەي, 2 994 مەدەني-دەمالىس ورتالىعى, 113 كينوتەاتر, 36 كونتسەرتتٸك ۇيىم جەنە 4 تسيرك كٸرەدٸ. سالادا 58 مىڭنان استام مامان قىزمەت اتقارادى. مەدەنيەت – بۇل ەلدٸڭ رۋحاني جەنە تاريحي مۇراسىن ساقتاۋدىڭ, ونى حالىقارالىق دەڭگەيدە تانىستىرۋدىڭ ماڭىزدى قۇرالى», – دەدٸ مينيستر.
مەدەني مۇرانىڭ حالىقارالىق دەڭگەيدە تانىلۋى
مينيستردٸڭ ايتۋىنشا, Qazaq Culture اقپاراتتىق پلاتفورماسىنىڭ ٸسكە قوسىلۋى – مەدەنيەت سالاسىنداعى ەڭ ماڭىزدى باستامالاردىڭ بٸرٸ. بۇل پلاتفورما قازاقستاننىڭ مەدەنيەتٸ مەن ۇلتتىق بولمىسىن سەگٸز تٸلدە تانىستىرادى, ونىڭ ٸشٸندە قازاق جەنە تٷرٸك تٸلدەرٸمەن قاتار, بۇۇ-نىڭ رەسمي التى تٸلٸ قامتىلعان.
سونىمەن قاتار, 2024 جىلى توعىز رەسپۋبليكالىق ۇيىمعا «ۇلتتىق» مەرتەبە بەرٸلۋٸ ولاردىڭ قىزمەتكەرلەرٸنٸڭ ەڭبەكاقىسىن 1,75 ەسەگە ارتتىرۋعا مٷمكٸندٸك جاسادى. قازاقستان حالىقارالىق مەدەني جوبالارعا بەلسەندٸ قاتىسىپ كەلەدٸ. مىسالى, 60-شى ۆەنەتسييا بيەننالەسٸندە قازاقستان پاۆيلونى اشىلىپ, وندا وتاندىق سۋرەتشٸلەردٸڭ تۋىندىلارى قويىلدى. فرانتسيياداعى گيمە مۋزەيٸندە «قازاقستان: ۇلى دالا جاۋھارلارى» اتتى كٶرمە ٶتتٸ, ال قىتايدا «التىن ادام جەنە ۇلى دالا» كٶرمەسٸ ۇيىمداستىرىلدى.
حالىقارالىق مەدەني بايلانىستاردى نىعايتۋ
قازاقستاننىڭ مەدەنيەت كٷندەرٸ شەتەلدە بەلسەندٸ تٷردە ٶتكٸزٸلۋدە. 2024 جىلى تەجٸكستان مەن تٷرٸكمەنستاندا قازاقستاننىڭ مەدەنيەت كٷندەرٸ ٶتسە, اشحابادتا قۇرمانعازى مەن ابايعا ارنالعان ەسكەرتكٸشتەر ورناتىلدى. سونداي-اق, قازاقستاندا تٷرٸكمەنستان, ەزەربايجان, ارمەنييا جەنە ساحا رەسپۋبليكاسىنىڭ مەدەنيەت كٷندەرٸ ٶتكٸزٸلدٸ.
ەلٸمٸزدٸڭ جاس تالانتتارىنىڭ جەتٸستٸكتەرٸ
مينيستر اتاپ ٶتكەندەي, ەلٸمٸزدٸڭ جاس ٶنەرپازدارى دا ۇلتتىق يميدجدٸ نىعايتۋعا زور ٷلەس قوسۋدا. 255 قازاقستاندىق ٶنەرپاز 17 مەملەكەتتە ٶتكەن حالىقارالىق بايقاۋلاردا جەڭٸمپاز اتاندى. «قازاقكونتسەرت» بٸرلەستٸگٸ جانىنان مەملەكەتتٸك كلاسسيكالىق گيتاريستەر كۆينتەتٸ مەن «بٸرلٸك» انسامبلٸ قۇرىلدى.
تاريحي-مەدەني مۇرانى ساقتاۋ
تاريحي-مەدەني مۇرانى ساقتاۋ مەن ناسيحاتتاۋ جۇمىستارى جالعاسۋدا. 2024 جىلى «بەتاشار» دەستٷرٸ يۋنەسكو-نىڭ ماتەريالدىق ەمەس مەدەني مۇرالار تٸزٸمٸنە ەندٸ. سونىمەن قاتار, قازاقستان يۋنەسكو-عا «جٸبەك جولى: فەرعانا – سىردارييا دەلٸزٸ» جەنە «ماڭعىستاۋدىڭ جەراستى مەشٸتتەرٸ» جوبالارى بويىنشا نوميناتسييالىق دوسەلەر تاپسىردى.
كينو جەنە تەاتر سالاسىنىڭ جەتٸستٸكتەرٸ
2024 جىلى مەملەكەت قولداۋىمەن 16 ۇلتتىق فيلم تٷسٸرٸلدٸ, ونىڭ ٸشٸندە 7 فيلم حالىقارالىق دەڭگەيدە 34 ماراپاتقا يە بولدى. تەاترلاردا 300-دەن استام جاڭا قويىلىم ساحنالاندى. الداعى ۋاقىتتا كينوپروكات سالاسىنا ارنالعان «E-كينو» اقپاراتتىق جٷيەسٸ ەنگٸزٸلمەك.
بولاشاققا جوسپارلار
2025 جىلى ەلٸمٸزدە ۇلى وتان سوعىسىنداعى جەڭٸستٸڭ 80 جىلدىعىنا ارنالعان 2000-نان استام ٸس-شارا, ابايدىڭ 180 جىلدىعى مەن قازاقستان كونستيتۋتسيياسىنىڭ 30 جىلدىعىنا وراي تٷرلٸ مەدەني جوبالار جٷزەگە اسىرىلماق. سونىمەن قاتار, 51 مەدەنيەت نىسانىن جٶندەۋ جەنە 250 جاڭا نىسان سالۋ جوسپارلانىپ وتىر.
ايدا بالاەۆا مەدەنيەت قىزمەتكەرلەرٸنە شىعارماشىلىق شابىت, تولايىم تابىس جەنە حالىقتىڭ ىستىق ىقىلاسىن تٸلەدٸ.
