بٷگٸن نۇر-سۇلتان قالاسىندا تۇراقتى دامۋ جەنە يننوۆاتسييالار بويىنشا ەكٸنشٸ ورتالىق ازييا فورۋمى ٶتتٸ, دەپ حابارلايدى "ۇلت اقپارات" قازاقپارات اگەنتتٸگٸنە سٸلتەمە جاساپ.
قر پرەزيدەنتٸ ەكٸمشٸلٸگٸ ٸشكٸ ساياسات بٶلٸمٸنٸڭ مەڭگەرۋشٸسٸ ايدا عالىمقىزىنىڭ ايتۋى بويىنشا, ەلەمنٸڭ ٷزدٸك وقۋ ورىندارىندا بٸلٸم الىپ, تەجٸريبە جيناعان قازاقستاندىق جاس عالىمداردىڭ بٸرٸگۋٸ - قۇپتارلىق قادام. بۇل جاعدايدا ەلٸمٸزدە عىلىمي جوبالارعا سۇرانىس نارىعىنىڭ قۇرىلۋى وڭتايلى بولماق.
سونىمەن قاتار ول بۇل مەسەلەدە قازاقستاندىق بيزنەس-قوعامداستىقتىڭ قولداۋى ماڭىزدى ەكەنٸن اتاپ ٶتتٸ. وسى ورايدا بيزنەس تاراپى وتاندىق عالىمداردىڭ ەلەۋەتتٸ جوبالارى تۋرالى ەگجەي-تەگجەيلٸ حاباردار بولعانى ابزال.
«سٸزدەردٸڭ بيزنەسپەن ٶزارا ٸس-قيمىلدىڭ وڭتايلى تەجٸريبەسٸ ەلٸمٸزدٸڭ بارشا جاس عالىمدارىن ورتاق تۇعىرنامادا بٸرٸكتٸرۋگە جەنە عىلىم مەن بيزنەستٸڭ كونسترۋكتيۆتٸ ديالوگىن ٸسكە قوسۋعا كٶمەكتەسۋٸنە تٸلەكتەسپٸن», - دەدٸ ا. بالاەۆا.
قر پرەزيدەنتٸ ەكٸمشٸلٸگٸ ٸشكٸ ساياسات بٶلٸمٸ مەڭگەرۋشٸسنٸڭ پٸكٸرٸنە سٷيەنسەك, قازاقستان جاستارىن عىلىمعا تارتۋ ٷشٸن دە قاجەتتٸ جاعدايلار جاسالىپ جاتىر.
ايدا عالىمقىزىنىڭ اتاپ ٶتۋٸنشە, بٷگٸنگٸ شارا ەلباسى جارييالاعان جاستار جىلى اياسىندا ٶتٸپ جاتقانى سيمۆولدىق مەنگە يە. بۇل, ٶز كەزەگٸندە, قازاقستاندىق عىلىمدى دامىتۋعا تىڭ سەرپٸن بەرۋدە ماڭىزدى كەزەڭ بولادى.
«ەلٸمٸز باسشىلىعىنىڭ ساياساتى ارقاسىندا بٷگٸندە قازاقستاندا جاستاردى عىلىمعا تارتۋ ٷشٸن قاجەتتٸ جاعدايلار جاسالۋدا. عىلىمدى دامىتۋ - جاھاندىق ەلەمدە قازاقستاننىڭ بەسەكەگە قابٸلەتتٸگٸنٸڭ نەگٸزگٸ فاكتورى رەتٸندە مويىندالادى. ەلباسى تاپسىرماسى بويىنشا جىل سايىن جاس عالىمداردىڭ زەرتتەۋلەرٸن جٷزەگە اسىرۋعا ٷش ميلليارد تەڭگەدەن قوسىمشا كۆوتا بٶلٸنەتٸن بولادى», - دەدٸ ول.
سونداي-اق, ونىڭ ايتۋىنشا, ەلٸمٸزدٸڭ جاس عالىمدارى قازاقستاندىق جەنە ەلەمدٸك عىلىمدى دامىتۋعا لايىقتى ٷلەسٸن قوسىپ كەلەدٸ.
«عىلىمدى دامىتۋ - جاھاندىق ەلەمدە قازاقستاننىڭ بەسەكەگە قابٸلەتتٸلٸگٸنٸڭ نەگٸزگٸ فاكتورى رەتٸندە مويىندالادى», - دەدٸ ايدا بالاەۆا.
پرەزيدەنتتٸك بٸرەگەي «بولاشاق» باعدارلاماسىنىڭ ارقاسىندا جاس عالىمدار ٶزدەرٸنٸڭ زەرتتەۋلەرٸن ەلەمنٸڭ وزىق عىلىمي ورتالىقتارىمەن سەرٸكتەستٸكتە جٷرگٸزٸپ جٷر.
«سونىمەن قاتار, ستارتاپتار مەن جاڭا تەحنولوگييالىق ٶندٸرٸستەردٸ دامىتۋ ٷشٸن ماڭىزدى ەكوورتا رەتٸندە نازارباەۆ ۋنيۆەرسيتەتٸنٸڭ عىلىمي-يننوۆاتسييالىق پاركٸ بەلسەندٸ دامىپ كەلەدٸ. ٷزدٸك بٸلٸم مەن تەجٸريبەنٸ العان بٸزدٸڭ جاس عالىمدار قازاقستاندىق ەرٸ ەلەمدٸك عىلىمدى دامىتۋدا ٶزٸنٸڭ لايىقتى ٷلەسٸن قوساتىنىنا سەنٸمدٸمٸن», - دەدٸ ايدا بالاەۆا.
ايتا كەتەيٸك, ٸس-شارانى قر بٸلٸم جەنە عىلىم مينيسترلٸگٸ, ۇلىبريتانيياداعى قازاقستاندىق دوكتورانتتار قاۋىمداستىعى جەنە قازاقستان رەسپۋبليكاسىنىڭ ۇلىبريتانيياداعى ەلشٸلٸگٸ ۇيىمداستىردى.
فورۋم ماقساتى - يدەيالار مەن جوبالاردى ٸلگەرٸلەتۋ ٷشٸن جاس عالىمداردى بٸرٸكتٸرۋ, ەلەۋەتتٸ ينۆەستورلارمەن جەنە سەرٸكتەستەرمەن بايلانىستاردى ورناتۋ.
