ايدا بالاەۆا ديماش قۇدايبەرگەندٸ جاستار ٷشٸن ٷلگٸ دەپ اتادى

فوتو: قر مەدەنيەت جەنە اقپارات مينيسترلٸگٸ

بٷگٸن "دارىن" مەملەكەتتٸك جاستار سىيلىعىنىڭ يەگەرلەرٸن ماراپاتتاۋ رەسٸمٸ ٶتتٸ.

ٸس-شاراعا قر مەدەنيەت جەنە اقپارات مينيسترٸ ايدا بالاەۆا, پارلامەنت مەجٸلٸسٸنٸڭ دەپۋتاتتارى, قوعام قايراتكەرلەرٸ, سىيلىقتىڭ لاۋرەاتتارى قاتىستى.

ٸس-شاراعا قاتىسۋشىلاردىڭ الدىندا سٶز سٶيلەگەن مينيستر "دارىن" جاستار ٷشٸن ەڭ ماڭىزدى ماراپات ەكەنٸن اتاپ ٶتتٸ.

«مەملەكەت باسشىسىنىڭ سوڭعى جىلدارى جٷرگٸزٸپ جاتقان اۋقىمدى رەفورمالارى دا وسىنداي جاستارىمىزدىڭ ەرتەڭٸ ٷشٸن جاسالىپ جاتىر. بولاشاق قازاقستاننىڭ ەلەمدٸك ارەنادا شىن مەنٸندە ٶركەنيەتتٸ, زييالى دا زايىرلى, وزىق ويلى بولۋىنىڭ بٸردەن-بٸر كەپٸلٸ دە وسى. ونىڭ نەگٸزٸندە قاراپايىم, بٸراق ٶتە ماعىنالى بەس تالاپ جاتىر: بٸلٸمدٸلٸك, ەڭبەكقورلىق, ادالدىق, جاۋاپكەرشٸلٸك جەنە كەسٸپقويلىق. بۇل قاسيەتتەردٸڭ بارلىعى «دارىن» سىيلىعىنىڭ يەگەرلەرٸنە تەن قاسيەتتەر عانا ەمەس, ٶسٸپ كەلە جاتقان جاستارعا ٷلكەن ٶنەگە. بٸر عانا ديماش قۇدايبەرگەننٸڭ مىسالىندا وتانىمىزدى, ونىڭ مەدەنيەتٸ مەن تٸلٸن تٶرتكٷل دٷنيەگە پاش ەتٸپ جٷرگەن ٶنەرپازدى عانا ەمەس, ٸشكٸ پاراساتى زور, ادامي تەلٸمٸ ٷلگٸ, جانى مەيٸربان ازاماتتى كٶرەمٸز. سٶز جوق, بۇل جاستارعا دۇرىس باعىت كٶرسەتەتٸن ٶنەگەلٸ جول», - دەپ اتاپ ٶتتٸ ايدا بالاەۆا.

مينيستردٸڭ پٸكٸرٸنشە, جاستاردىڭ وسىنداي جارقىن ٶكٸلدەرٸ كەلەر ۇرپاققا ٷلگٸ بوپ, ادال ەڭبەك پەن ٶزارا سىيلاستىق ارقىلى سالاۋاتتى ٶمٸر سالتىن ناسيحاتتاپ, قوعامدىق مەدەنيەتتٸ ساقتاۋعا, ٶزٸن-ٶزٸ دامىتۋعا جەنە ورتادا جاعىمدى كٶزقاراس قالىپتاستىرۋعا, ۇلتتىق قۇندىلىقتاردى ساقتاۋعا ۇيىتقى بولۋى تيٸس.

بيىل مەملەكەتتٸك ورگاندار مەن قوعامدىق بٸرلەستٸكتەر 340-تان اسا كانديداتۋرا ۇسىندى.

ونىڭ ٸشٸندە "عىلىم" بويىنشا -110, "ديزاين جەنە بەينەلەۋ ٶنەرٸ" -21, "سپورت" -27, "تەاتر جەنە كينو" -49, "ەسترادا"-12, "جۋرناليستيكا"-10, "حالىق شىعارماشىلىعى"-28, "شىعارماشىلىق باستامالار"-32, "ەدەبيەت"-28, "كلاسسيكالىق مۋزىكا"-30 ٶتٸنٸم بار.

ەلٸمٸزدەگٸ جوعارى جەتٸستٸككە جەتكەن 19 جاس «دارىن» مەملەكەتتٸك سىيلىعىنىڭ يەگەرٸ اتاندى. لاۋرەاتتارعا ديپلوم, تٶسبەلگٸ جەنە اقشالاي سىيلىق بەرٸلدٸ.