بٷگٸن اقپارات جەنە قوعامدىق دامۋ مينيسترٸ ايدا بالاەۆا ٷكٸمەتتٸك ەمەس ۇيىم ٶكٸلدەرٸمەن كەزدەستٸ. ٸس-شارا جىل سايىن 27 اقپاندا اتاپ ٶتٸلەتٸن دٷنيەجٷزٸلٸك ٷكٸمەتتٸك ەمەس ۇيىمدار كٷنٸ اياسىندا ٶتتٸ, دەپ حابارلايدى "ۇلت اقپارات".
كەزدەسۋگە پارلامەنت مەجٸلٸسٸنٸڭ دەپۋتاتتارى ەرلان سايروۆ, ۆەرا كيم, قر پرەزيدەنتٸ جانىنداعى ۇلتتىق قوعامدىق سەنٸم كەڭەسٸنٸڭ مٷشەلەرٸ راحىم وشاقباەۆ, مارات بەشٸموۆ, بەلگٸلٸ قوعام قايراتكەرلەرٸ ايگٷل سولوۆەۆا, بانۋ نۇرعازيەۆا, تٸلەۋبەك مۇقاشەۆ, ەمين ەسكەروۆ, نۇرگٷل ۇلجەكوۆا, قۇرالاي تٷسپەكوۆا جەنە ليما دياس قاتىستى.
ايدا بالاەۆا ٶزٸنٸڭ قۇتتىقتاۋ سٶزٸندە قازٸرگٸ حالىقارالىق ٷەۇ كٷنٸ قازاقستان تەۋەلسٸزدٸگٸنٸڭ 30 جىلدىعى اياسىندا ٶتٸپ جاتقانىن جەنە ەرەكشە مەنگە يە ەكەنٸن جەتكٸزدٸ. ول ٶز ەلٸنٸڭ ازاماتى بولۋ – بۇل ٷكٸمەتتٸك ەمەس ۇيىم جەتەكشٸلەرٸ دە جان-جاقتى تٷسٸنەتٸن جاۋاپكەرشٸلٸك ەكەنٸن اتاپ ٶتتٸ.
«وسىندا وتىرعان ەربٸرٸڭٸز وتار ەلدەن ازات ەل بولۋىمىزعا ٶزدەرٸڭٸزدٸڭ ٷلكەن ازاماتتىق ٷلەستەرٸڭٸزدٸ قوستىڭىزدار. بٷگٸن دە ايانباي اتسالىسىپ كەلەسٸزدەر», - دەدٸ مينيستر.
ايدا بالاەۆا تەۋەلسٸزدٸكتٸڭ العاشقى جىلدارى ٷكٸمەتتٸك ەمەس ۇيىمدار سەمەي يادرولىق پوليگونىن جابۋ (نەۆادا-سەمەي), كٸشٸ ارالدى قالپىنا كەلتٸرۋ (ارالدى قۇتقارۋ قورى), انا مەن بالانى قورعاۋ («بٶبەك» قورى) سيياقتى جاھاندىق مٸندەتتەردٸڭ باستاۋىندا تۇرعانىن ەسكە سالدى.
«جالپى, قوعامدىق ۇيىم قۇرۋدىڭ ٶزٸ – ادامي ەرٸكتٸلٸكتەن, ازاماتتىق بەلسەندٸلٸكتەن باستاۋ الادى. ازاماتتىق ۇيىمدار – جەكە باستىڭ پايداسى ٷشٸن ەمەس, مەملەكەت مٷددەسٸ, قوعامنىڭ يگٸلٸگٸ ٷشٸن قىزمەت ەتەدٸ.
مەملەكەتتٸڭ بارلىق مەسەلەنٸ تٷگەل قامتىپ قاراۋى مٷمكٸن ەمەس. بۇل ورايدا, وسى ولقىلىقتىڭ ورنىن تولتىراتىن بٸردەن بٸر كٷش ول ەرينە – ٷكٸمەتتٸك ەمەس ۇيىمدار», - دەدٸ ۆەدومستۆو باسشىسى.
سونىمەن قاتار, مينيستر كەزدەسۋ حالىقارالىق ٷەۇ كٷنٸن اتاپ ٶتۋ ٷشٸن عانا ەمەس, ٷكٸمەتتٸك ەمەس سەكتوردى دامىتۋدىڭ ماڭىزدى مەسەلەلەرٸ بويىنشا ٶزەكتٸ تاقىرىپتاردى تالقىلاۋ, تۇششىمدى وي-پٸكٸرلەردٸ ورتاعا سالۋ ٷشٸن ٶتٸپ جاتقانىن اتاپ ٶتتٸ.
كەزدەسۋگە قاتىسۋشىلار پٸكٸرتالاسقا بەلسەندٸ قاتىسىپ, مەملەكەت پەن ازاماتتىق قوعام ينستيتۋتتارىنىڭ ٶزارا ىقپالداستىعىنىڭ ماڭىزدىلىعىن اتاپ ٶتتٸ.
دٷنيەجٷزٸلٸك ٷەۇ كٷنٸ – بۇل ەركٸندٸككە, قوعامدىق داۋىسقا, ادامداردىڭ قاۋٸپسٸزدٸگٸنە, تابيعاتقا, ادامزاتتىڭ مەدەني مۇراسىنا, ادامزاتتىڭ بولاشاعىنا قامقورلىق جاساۋعا باعىتتالعان جاھاندىق قۇندىلىقتاردى, ٷەۇ ۇمتىلىسى مەن نەتيجەلەرٸن كٶرسەتەتٸن حالىقارالىق سيمۆول.
