ەلٸمٸزدٸڭ اگروٶنەركەسٸپ سالاسىندا جاڭا ساقتاندىرۋ جٷيەسٸ ٸسكە قوسىلدى, دەپ حابارلايدى "ۇلت اقپارات" اۋىل شارۋاشىلىعىن قارجىلاي قولداۋ قورىنىڭ باسپاسٶز قىزمەتٸنٸ سٸلتەمە جاساپ.
جاڭا ساقتاندىرۋ جٷيەسٸنٸڭ وپەراتورى «قازاگرو» حولدينگٸنٸڭ ەنشٸلەس كومپانيياسى – اۋىل شارۋاشىلىعىن قارجىلاي قولداۋ قورى. 2004 جىلدان بەرٸ ٶسٸمدٸك شارۋاشىلىعىن مٸندەتتٸ ساقتاندىرۋ جٷيەسٸ جۇمىس ٸستەپ كەلگەن بولاتىن. ال, مىنا جاڭا جٷيە ودان باسقاشا بولماق.
«بٸرٸنشٸدەن, اگروٶنەركەسٸپ كەشەنٸندەگٸ ساقتاندىرۋ ەندٸ ەرٸكتٸ تٷردە بولادى.
ەكٸنشٸدەن, سالالارعا شەكتەۋ جوق. اگرارلىق سەكتوردىڭ كەز كەلگەن باعىتى ساقتاندىرىلادى.
ٷشٸنشٸدەن, ساقتاندىرۋ سىياقىلارىن مەملەكەت سۋبسيدييالايدى. بۇل اۋىل شارۋاشىلىعى تاۋارلارىن ٶندٸرۋشٸلەردٸ ىنتالاندىرۋعا جەنە ساقتاندىرۋ شارتىن جەڭٸلدەتۋگە باعىتتالعان. ساقتاندىرۋ سىياقى سوماسىنىڭ 50 %-ىن مەملەكەت سۋبسيدييالايدى. ول ٷشٸن بيىل رەسپۋبليكالىق بيۋدجەتتەن 2,5 ملرد تەڭگە بٶلٸندٸ» دەلٸنگەن حابارلامادا.
جاڭا جٷيەنٸ ەزٸرلەۋ كەزٸندە ٶسٸمدٸك شارۋاشىلىعىنداعى مٸندەتتٸ ساقتاندىرۋدىڭ پروبلەمالىق مەسەلەلەرٸ ەسكەرٸلدٸ.
«مەسەلەن, اۋىل شارۋاشىلىعى تاۋارىن ٶندٸرۋشٸلەردٸڭ مٷددەلەرٸن قورعاۋ ماقساتىندا جٷيەدە قازاقستان رەسپۋبليكاسىنىڭ قارجى نارىعىن رەتتەۋ جەنە دامىتۋ جٶنٸندەگٸ اگەنتتٸكتٸڭ ليتسەنزيياسى بار ساقتاندىرۋ كومپانييالارى عانا جۇمىس ٸستەي الادى», - دەيدٸ «اۋىل شارۋاشىلىعىن قارجىلاي قولداۋ قورى» اق باسقارۋشى ديرەكتورى – باسقارما مٷشەسٸ اسقار قاليەۆ.
جاڭا جٷيەدە ەلەمدٸك ساقتاندىرۋ نارىعىندا «ا» رەيتينگٸ بار ٷش حالىقارالىق قايتا ساقتاندىرۋ كومپانيياسى جۇمىس ٸستەيتٸن بولدى. ولار وتاندىق كومپانييالار ساقتاندىراتىن تەۋەكەلدەردٸ قايتا ساقتاندىرادى. بۇل ساقتاندىرۋ تەۋەكەلدەرٸ تۋىنداعان جاعدايدا كەپٸلدٸ تٶلەمدەردٸ قامتاماسىز ەتۋگە مٷمكٸندٸك بەرەدٸ.
شارت جاساسۋدان باستاپ تٶلەممەن اياقتالاتىن بارلىق رەسٸمدەر ەلەكتروندى تسيفرلىق قولتاڭبا ارقىلى Qoldau.kz ەلەكتروندى پلاتفورماسىندا جٷرگٸزٸلەدٸ. پروتسەستەردٸ اۆتوماتتاندىرۋ ادامي فاكتوردى ازايتادى جەنە جۇمىستىڭ اشىقتىعىن قامتاماسىز ەتەدٸ.
«بٷگٸنگٸ تاڭدا اۋىل شارۋاشىلىعىن قارجىلاي قولداۋ قورى توپىراقتاعى ىلعالدىڭ يندەكسٸنە نەگٸزدەلگەن ساقتاندىرۋ ٶنٸمدەرٸن بەكٸتتٸ. ساقتاندىرۋعا جاتاتىن دەندٸ داقىلدار بيداي, ارپا, سۇلى, جٷگەرٸ. ال, مايلى داقىلدار كٷنباعىس, راپس, زىعىر ٶنٸمدەرٸ. مونيتورينگتٸ جٷزەگە اسىرۋ ٷشٸن اقپارات جەردٸ قاشىقتان زوندتاۋ كٶزدەرٸنەن الىنادى. ىلعال دەڭگەيٸنٸڭ مونيتورينگٸ تۇراقتى نەگٸزدە جٷرگٸزٸلەدٸ جەنە ساقتاندىرۋ جاعدايىنىڭدەرەكتەرٸ اۆتوماتتى تٷردە تٸركەلەدٸ», - دەيدٸ اسقار قاليەۆ..
ساقتاندىرۋ جاعدايى تۋىنداعانى تۋرالى Qoldau.kz جٷيەسٸندەگٸ جەكە كابينەتٸنە نەمەسە جەكە ەلەكتروندى پوشتاسىنا كەلگەن حابارلامانى العاننان كەيٸن اۋىل شارۋاشىلىعى ٶنٸمٸن ٶندٸرۋشٸ تٶلەم جاسايتىن ساقتاندىرۋ كومپانيياسىنا ٶتٸنٸش بەرەدٸ.
بۇرىنعى جٷيەدەگٸ الىنعان دەرەكتەر بويىنشا ساقتاندىرۋعا قاتىستى جاعدايلاردىڭ 60 %-دان استامى قۇرعاقشىلىققا قاتىستى بولدى. وسىعان بايلانىستى ٶنٸمدٸ قۇرعاقشىلىقتان ساقتاندىرۋ ەرەكشە ماڭىزعا يە. سونداي-اق, ەگٸس ناۋقانىنىڭ اياقتالۋ مەرزٸمٸ دە ەسكەرٸلەدٸ.
ىلعالدىڭ جەتٸسپەۋ قاۋپٸنەن ساقتاندىرۋ ٷشٸن اۋىل شارۋاشىلىعى تاۋارىن ٶندٸرۋشٸلەر بيىل 15 ماۋسىمعا دەيٸن ساقتاندىرۋ شارتىن جاساسۋى قاجەت.ساقتاندىرۋ كەزەڭٸ 3 ايدى قامتيدى. ياعني,15 مامىردان 15 تامىزعا دەيٸنگٸ ارالىق ەسەپكە الىنادى.
ىلعالدىڭ شامادان تىس بولۋىنا قاتىستى ساقتاندىرۋ كەلٸسٸمشارتىن 15 تامىزعا دەيٸن بەكٸتۋ قاجەت. ساقتاندىرۋ 2020 جىلدىڭ 15 تامىزىنان 15 قىركٷيەگٸنە دەيٸنگٸ ارالىقتا جٷرگٸزٸلەدٸ.
الداعى ۋاقىتتا اگروٶنەركەسٸپ كەشەنٸندەگٸ ساقتاندىرۋ ٶنٸمدەرٸنٸڭ نارىقتاعى قاجەتتٸلٸگٸ ەسكەرٸلٸپ, تٸزٸمٸ كەڭەيتٸلەتٸن بولادى.
