فوتو: مەجٸلٸستٸڭ باسپاسٶز قىزمەتٸ
ەلٸمٸزدە 20 جىلدىڭ ٸشٸندە شارۋالارعا ارزان پايىزبەن نەسيە بەرەتٸن جٷيە قۇرىلمادى. مۇنداي پٸكٸردٸ مەجٸلٸستە ٶتكەن دٶڭگەلەك ٷستەل وتىرىسىندا دەپۋتات اناس باققوجاەۆ بٸلدٸردٸ, دەپ حابارلايدى Kazinform اگەنتتٸگٸ.
«بٸز شارۋالارعا 20 جىلدىڭ ٸشٸندە ارزان پايىزبەن نەسيە بەرەتٸن جٷيە قۇرا المادىق. ونى ٷكٸمەت مويىنداۋى كەرەك. قازٸرگٸ جاعدايدىڭ بەرٸ شارۋالاردىڭ قارجىعا دەگەن قاجەتتٸلٸگٸن قامتاماسىز ەتە الماي وتىر. سوندىقتان اگرارلىق بانك قۇرىپ, ونى شارۋالاردىڭ ەلەۋمەتتٸك پروبلەمالارىن شەشۋگە باعىتتاۋ كەرەك. بٷگٸندە وتباسى بانكٸ جۇمىس ٸستەپ تۇر. ٶتە ارزان پايىزبەن نەسيە بەرەدٸ. سەبەبٸ حالىقتى تۇرعىن ٷيمەن قامتاماسىز ەتۋ كەرەك. قازاقستان دامۋ بانكٸ بار. قاجەتتٸ ٸرٸ ينۆەستيتسييالىق جوبالاردى قارجىلاندىرادى. وسى ەكٸ بانكتٸ قۇرعان كەزدە ەش سۇراق جوق, ال فەرمەرلەردٸ قارجىلاندىرۋ مەسەلەسٸندە ۇلتتىق بانكتە دە, ٷكٸمەتتە دە قارسى دەلەل پايدا بولا قالادى. بۇل دۇرىس ەمەس», — دەدٸ مەجٸلٸس دەپۋتاتى.
ونىڭ اتاپ ٶتۋٸنشە, ەلٸمٸزدٸڭ ازىق-تٷلٸك قاۋٸپسٸزدٸگٸن قامتاماسىز ەتۋ ٷشٸن شارۋالارعا ارزان جەنە ۇزاقمەرزٸمدٸ نەسيە بەرۋ جٷيەسٸن قۇرۋ قاجەت.
«ۇلتتىق بانكتٸڭ ايتارى سول باياعى ەڭگٸمە. دەگەنمەن, ۇلتتىق بانك تٶراعاسىنىڭ ورىنباسارى بٷگٸن اگروبانكتٸڭ قۇرىلۋىنا قارسى ەمەس ەكەنٸن ايتىپ قالدى. بۇل — ەڭ نەگٸزگٸ جاۋاپ. ۇلتتىق بانك بٸزگە قارسى بولماسا, ەندٸ قالعانى — ٷكٸمەت پەن قارجى نارىعىن رەتتەۋ جەنە دامىتۋ اگەنتتٸگٸ. بٸزدٸڭ ەسەپتەۋٸمٸز بويىنشا اگروبانك 2,5 پايىزبەن نەسيە بەرە الار ەدٸ», — دەدٸ اناس باققوجاەۆ.
