قر بەسكەلەستٸكتٸ قورعاۋ جەنە دامىتۋ اگەنتتٸگٸ اۋىل شراۋاشىلىعى تاۋارىن ٶندٸرۋشٸلەردٸڭ «قولداۋ» جٷيەسٸندەگٸ شەكتەۋلەر تۋرالى شاعىمىنا قۇلاق استى, دەپ حابارلايدى "ۇلت اقپارات".
اۋىل شارۋاشىلىعىنا بەرٸلەتٸن سۋبسيدييا «قولداۋ» جٷيەسٸ ارقىلى ەلەكتروندى نۇسقادا قابىلدانادى. 13 شٸلدەگە دەيٸن اتالعان جٷيە ارقىلى سۋبسيدييا بەرۋ تۋرالى ٶتٸنٸم رەسٸمدەۋ ٷشٸن وبلىس بيۋدجەتٸندە اتالعان ماقساتقا بٶلٸنگەن قاراجات بولۋى كەرەك ەدٸ. ياعني بيۋدجەتتە شارۋا سۇراپ وتىرعان سۋبسيدييا تٷرٸنە بٶلٸنگەن قارجى بولماسا, ٶتٸنٸش بەرە المايتىن. بيۋدجەتكە قاراجات تٷسكەن كٷننەن باستاپ ٶتٸنٸش قابىلداۋ باستالاتىن.
«قولداۋ» پلاتفورماسى قاراجات بٶلٸنگەننەن كەيٸن عانا ٶتٸنٸمدەردٸ قابىلداي باستايدى. بٸراق ول قاراجات ەكٸ-ٷش كٷننٸڭ ٸشٸندە بٸتٸپ قالادى دا, پلاتفورما ٶتٸنٸم قابىلداۋدى توقتاتادى. بۇل وسى جٷيەدە جۇمىس ٸستەي الاتىن نەمەسە وسى سالادا ماماندارى بار ادامدارعا پايدالى. ال وسى ەكٸ-ٷش كٷننٸڭ ٸشٸندە ٷلگەرمەگەندەرٸ ٶتٸنٸش بەرە المايدى. ياعني اگروٶنەركەسٸپ كەشەنٸندەگٸ سۋبەكتٸلەردٸڭ سۋبسيدييالارعا قول جەتكٸزۋ مٷمكٸندٸگٸ تەڭ ەمەس», -دەپ سيپاتتالعان اگەنتٸكتٸڭ تٷسٸندٸرمەسٸندە.
اگەنتتٸك ماماندارى اتىراۋلىق شارۋالاردىڭ وسى شاعىمىن نازارعا الىپ, اۋىل شارۋاشىلىعى مينيسترلٸگٸنە سۋبسيدييا جٶنٸندەگٸ ٶتٸنٸشتەردٸ بيۋدجەتتە قاراجاتتىڭ بولعان, بولماعانىنا قاراماستان قابىلداپ, ٶڭدەۋدٸ ۇسىنعان بولاتىن. سونداي-اق, تٷسكەن ٶتٸنٸشتەردٸ بەرٸلگەن ۋاقىتى بويىنشا كەزەككە قويۋ تەرتٸبٸن ەنگٸزۋ تۋرالى نۇسقاۋ بەرٸلگەن.
13 شٸلدەدە اۋىل شارۋاشىلىعى مينيسترٸنٸڭ مٸندەتٸن اتقارۋشىنىڭ № 207 بۇيرىعى شىعىپ, «اسىل تۇقىمدى مال شارۋاشىلىعىن دامىتۋدى, مال شارۋاشىلىعى ٶنٸمٸنٸڭ ٶنٸمدٸلٸگٸ مەن ساپاسىن ارتتىرۋدى سۋبسيدييالاۋ ەرەجەلەرٸنە تٷزەتۋ ەنگٸزٸلدٸ. بۇدان بىلاي قارجى تٷسپەگەن كەزدە قابىلدانعان ٶتٸنٸشتەر «كٷتۋ پاراعى» بويىنشا كەزەككە قويىلادى. بيۋدجەتكە قاراجات تٷسكەن بويدا سۋبسيدييا سول كەزەك بويىنشا رەسٸمدەلۋٸ كەرەك.
