پاۆلودارلىق ورمان قىزمەتكەرلەرٸ زاڭسىز اعاش كەستٸ دەگەن كٷدٸككە ٸلٸندٸ. كەسٸلگەن اعاشتى ولار كٶرشٸ وبلىسقا تاسىعان, دەپ حابارلايدى قازاقپارات Pavlodarnews.kz-كە سٸلتەمە جاساپ.
وبلىستىق پوليتسييا دەپارتامەنتٸنٸڭ مەلٸمدەۋٸنشە, اققۋلى اۋدانىنىڭ پوليتسەيلەرٸ «ەرتٸس ورمانى» رمم قىزمەتكەرلەرٸن 1 ملن تەڭگەگە جۋىق قاراعاي تٷرٸندەگٸ قۋراعان اعاشتاردى زاڭسىز كەستٸ جەنە ۇرلادى دەگەن كٷدٸكپەن ۇستادى.
- رەيدتٸك ٸس-شارالار بارىسىندا پوليتسەيلەر شاكين اۋىلدىق وكرۋگٸندە بەلگٸسٸز تۇلعالاردىڭ بايمبەت ورمانشىلىعى اۋماعىندا ەرتٷرلٸ ورامداردا 18,25 تەكشە مەتر كٶلەمٸندە قاراعاي تٷرٸندەگٸ قۋراعان اعاشتاردى زاڭسىز كەسكەندەرٸن جەنە ەكەتكەندەرٸن انىقتادى. جٷك كٶلٸگٸنٸڭ ٸزدەرٸ پوليتسييا قىزمەتكەرلەرٸن كٶرشٸ وبلىستاعى اۋىلداردىڭ بٸرٸنە اپاردى. اۋىلدى ارالاۋ كەزٸندە پوليتسەيلەر اۋلاسىنا ورمان اعاشتارى جينالعان ٷيدٸ تاپتى. بۇلار زاڭسىز كەسۋ ورنىندا تابىلعان اعاشتارعا ۇقساس بولدى. سونداي-اق, ٷيدٸڭ اۋلاسىندا اعاش ٶڭدەۋگە ارنالعان ارالاۋ قۇرىلعىسى ورنالاسقان, - دەدٸ دەپارتامەنتتە.
زاڭسىز اعاش كەسۋ فاكتٸسٸ شارباقتى اۋدانىندا دا انىقتالدى. ورمان ۇرلادى دەگەن كٷدٸكپەن 36 جاستاعى پاۆلودارلىق انىقتالىپ, ۇستالدى. ول شالداي اۋىلدىق وكرۋگٸنٸڭ سادىق-اششى اۋىلىنىڭ جانىنداعى ورمان القابىندا قۇرعاق جەنە دىمقىل ٶسكەن ورماندى زاڭسىز كەسٸپ تاستاعان. شىعىن سوماسى 1 ملن تەڭگەدەن استى.
پوليتسييا ەكٸ فاكتٸ بويىنشا قازاقستان رەسپۋبليكاسى قك 340-بابى بويىنشا سوتقا دەيٸنگٸ تەرگەۋ جٷرگٸزۋدە.
ايتا كەتەيٸك, جىل باسىنان بەرٸ پاۆلودارلىق پوليتسەيلەر ورماندى زاڭسىز كەسۋ مەن ۇرلاۋدىڭ 35 فاكتٸسٸن انىقتادى.
