Pavlodarlyq orman qyzmetkerleri zańsyz aǵash kesti degen kúdikke ilindi. Kesilgen aǵashty olar kórshi oblysqa tasyǵan, dep habarlaidy QazAqparat Pavlodarnews.kz-ke silteme jasap.
Oblystyq politsiia departamentiniń málimdeýinshe, Aqqýly aýdanynyń politseileri «Ertis Ormany» RMM qyzmetkerlerin 1 mln teńgege jýyq qaraǵai túrindegi qýraǵan aǵashtardy zańsyz kesti jáne urlady degen kúdikpen ustady.
- Reidtik is-sharalar barysynda politseiler Shakin aýyldyq okrýginde belgisiz tulǵalardyń Baimbet ormanshylyǵy aýmaǵynda ártúrli oramdarda 18,25 tekshe metr kóleminde qaraǵai túrindegi qýraǵan aǵashtardy zańsyz keskenderin jáne áketkenderin anyqtady. Júk kóliginiń izderi politsiia qyzmetkerlerin kórshi oblystaǵy aýyldardyń birine apardy. Aýyldy aralaý kezinde politseiler aýlasyna orman aǵashtary jinalǵan úidi tapty. Bular zańsyz kesý ornynda tabylǵan aǵashtarǵa uqsas boldy. Sondai-aq, úidiń aýlasynda aǵash óńdeýge arnalǵan aralaý qurylǵysy ornalasqan, - dedi departamentte.
Zańsyz aǵash kesý faktisi Sharbaqty aýdanynda da anyqtaldy. Orman urlady degen kúdikpen 36 jastaǵy pavlodarlyq anyqtalyp, ustaldy. Ol Shaldai aýyldyq okrýginiń Sadyq-ashy aýylynyń janyndaǵy orman alqabynda qurǵaq jáne dymqyl ósken ormandy zańsyz kesip tastaǵan. Shyǵyn somasy 1 mln teńgeden asty.
Politsiia eki fakti boiynsha Qazaqstan Respýblikasy QK 340-baby boiynsha sotqa deiingi tergeý júrgizýde.
Aita keteiik, jyl basynan beri pavlodarlyq politseiler ormandy zańsyz kesý men urlaýdyń 35 faktisin anyqtady.
