ۆيدەودان سكرينشوت
شىمكەنتتە افريكا قۇرلىعىندا دٷنيەگە كەلگەن جاس جٸگٸت ەسكەري بورىشىن ٶتەپ جٷر. كارل ۋەدراوگو بٷگٸندە ۇلتتىق ۇلان ساپىندا ەل تىنىشتىعىن كٷزەتٸپ جٷرگەن ساربازداردىڭ بٸرٸ, دەپ حابارلايدى Almaty.tv.
ول افريكاداعى بۋركينا-فاسو مەملەكەتٸندە تۋعانىمەن, بالالىق شاعى الماتىدا ٶتكەن. اناسى قازاق ۇلتىنان بولعاندىقتان, ٶزٸن قازاقستاننىڭ پەرزەنتٸ سانايدى.
– مەنٸڭ انام – قازاق. بالالىق شاعىم الماتىدا ٶتتٸ. سوندىقتان قازاقستان – مەنٸڭ وتانىم. وسى ەلگە قىزمەت ەتۋ – مەن ٷشٸن ٷلكەن مەرتەبە, – دەيدٸ قاتارداعى جاۋىنگەر كارل ۋەدراوگو.
25 جاستاعى سارباز ەسكەري قىزمەتتٸ سانالى تٷردە تاڭداعانىن ايتادى. ونىڭ سٶزٸنشە, وتان الدىنداعى بورىشتى ٶتەۋ – ەر ازاماتتىڭ پارىزى.
قازٸر ول قازاقستان رەسپۋبليكاسىنىڭ ۇلتتىق ۇلانى قۇرامىنداعى 6506 ەسكەري بٶلٸمٸندە جٷرگٸزۋشٸ بولىپ قىزمەت اتقارادى. ەسكەري بٶلٸم باسشىلىعى كارلدىڭ تەرتٸپكە بەرٸكتٸگٸ مەن جاۋاپكەرشٸلٸگٸن ەرەكشە اتاپ ٶتتٸ.
– باسقا ەلدە تۋىلسا دا, قازاقستاننىڭ جول ەرەجەلەرٸن ٶتە جاقسى مەڭگەرگەن, – دەدٸ ەسكەري بٶلٸم كومانديرٸنٸڭ ورىنباسارى يدريس چاۋشەۆ.
بٷگٸندە اتالعان ەسكەري بٶلٸمدە 500-گە جۋىق سارباز قىزمەت ەتەدٸ. ولار ەل قاۋٸپسٸزدٸگٸن قامتاماسىز ەتٸپ, قوعامدىق تەرتٸپتٸ كٷزەتۋگە اتسالىسىپ جٷر.
