فوتو: اقوردا
اەس بويىنشا رەفەرەندۋمدا داۋىس بەرگەننەن كەيٸن باق ٶكٸلدەرٸنە شاعىن سۇحبات بەرگەن مەملەكەت باسشىسى قاسىم-جومارت توقاەۆ "رەفەرەندۋم قورىتىندىسى بويىنشا حالقىمىز اەس سالۋدى قولداسا, ونىڭ قۇرىلىسىن قاي ەل جٷرگٸزەدٸ?" دەگەن سۇراققا جاۋاپ بەردٸ.
"بۇل وڭاي مەسەلە ەمەس. ٷكٸمەت تالداۋ جاساپ, تيٸستٸ كەلٸسسٶزدەر جٷرگٸزۋگە تيٸس. مەنٸڭ پٸكٸرٸمشە, قازاقستاندا ەڭ وزىق تەحنولوگييالارى بار ەلەمدٸك كومپانييالاردان قۇرالعان حالىقارالىق كونسورتسيۋم جۇمىس ٸستەۋٸ قاجەت. قالعانىن ۋاقىت كٶرسەتەدٸ", – دەدٸ مەملەكەت باسشىسى.
وسىدان كەيٸن پرەزيدەنت ەل ٷكٸمەتٸنٸڭ جۇمىسىن باعالادى.
"قازاقستان ٷكٸمەتٸ قازٸرگٸ قۇرامدا تۋرا 7 اي جۇمىس ٸستەدٸ. رەفەرەندۋمنان كەيٸن ونىڭ قۇرامى ٶزگەرەدٸ دەگەن بولجامدار ايتىلىپ جٷر. ٷكٸمەتتٸڭ جۇمىسىنا كٶڭٸلٸڭٸز تولا ما?" - دەپ سۇرادى جۋرناليستەر.
"مەنٸڭشە, ٷكٸمەت تىرىسىپ, بەلسەندٸ جۇمىس ٸستەپ جاتىر. مەملەكەت باسشىسى رەتٸندە مەن جٷكتەگەن تاپسىرمالاردى ورىنداپ كەلەدٸ. باق-تا كٶرٸنە بەرمەۋٸ مٷمكٸن, بٸزدەگٸ جۇمىس ٶتە قاۋىرت. ٶيتكەنٸ, اقپاراتتاردى الىپ وتىرامىن. جالپى, مەن وقيتىن اداممىن. سوندىقتان بارلىق وقيعادان ٷنەمٸ حاباردارمىن. ەرينە, مينيسترلەردٸڭ, ٷكٸمەت باسشىلىعىنىڭ جۇمىسىندا كەمشٸلٸكتەر بار. بٸراق, 7 اي – قىسقا عانا مەرزٸم. ٷكٸمەت مٷشەلەرٸ ٶزدەرٸن كٶرسەتۋٸ تيٸس. باستى مٸندەت – ەلٸمٸزدٸڭ ەكونوميكالىق ٶسٸم كٶزدەرٸن ٸزدەۋ", - دەپ جاۋاپ بەردٸ مەملەكەت باسشىسى.
جۋرناليستەر پرەزيدەنتتەن بيىل كٶكتەمدەگٸ الاپات سۋ تاسقىنىنان كەيٸن قانداي قورىتىندى جاسالعانىن سۇرادى.
"تيٸستٸ قورىتىندى جاسالدى. بٸراق مۇنداي تابيعات اپاتى بٷكٸل جەر شارىندا ورىن الىپ جاتقانىنا باسا مەن بەرۋٸمٸز كەرەك. جاقىندا عانا ورتالىق ەۋروپادا الاپات تاسقىن ٶتتٸ. ونىڭ الدىندا اقش پەن ۆەتنامدا داۋىل بولدى. سوندىقتان مۇنداي اپاتتاردى الدىن الا بولجاۋ قيىن. دەگەنمەن ونداي جاعدايعا دايىن بولىپ, قاجەتتٸ شارالار قابىلداۋ ماڭىزدى. قازاقستان ەشكٸمنٸڭ كٶمەگٸنسٸز تاسقىننىڭ سالدارىن ەڭسەرە الدى. مۇنى اشىق ايتۋ كەرەك. بٸز ادام جەنە قارجى رەسۋرستارىن وسى ٸسكە جۇمىلدىردىق. ٷكٸمەت پەن ەكٸمدەر بەلسەندٸ جۇمىس ٸستەدٸ. ونىڭ نەتيجەسٸن كٶرٸپ وتىرسىزدار. الاپات تاسقىن كەزٸندە زارداپ شەككەن ازاماتتار جاڭا باسپانامەن قامتىلدى. مەن بۇعان دەيٸن ەشكٸم نازاردان تىس قالمايدى دەپ ۋەدە بەردٸم. جالپى العاندا, بٸز بۇل ماقساتتى ورىندادىق",– دەدٸ مەملەكەت باسشىسى.
