© Pixabay / Markus Distelrath
ەنەرگەتيكا مينيسترٸ الماسادام سەتقاليەۆ اقوردادا باق ٶكٸلدەرٸنە بەرگەن سۇحباتىندا فرانتسييالىق Electricite de France كومپانيياسىمەن قازاقستاندا اەس سالۋ مەسەلەسٸ بويىنشا كەلٸسسٶز جٷرگٸزۋگە دايىن ەكەنٸن مەلٸم ەتتٸ, دەپ حابارلايدى Kazinform اگەنتتٸگٸ.
«فرانتسييا دەلەگاتسيياسىنىڭ ساپارىنا كەلسەك, ەنەرگەتيكا مينيسترلٸگٸ بويىنشا بٸرشاما اۋقىمدى مەسەلەنٸ تالقىلاۋ كٶزدەلگەن. بٸرٸنشٸ مەسەلە - Total Energy كومپانيياسىمەن قۋاتى 1 گۆت بولاتىن جەل پاركٸن سالۋ تۋرالى كەلٸسٸم. ول پاركتٸڭ ەلەكتر قۋاتىن ساقتايتىن قۇرىلعىسى دا بولادى. بۇعان دەيٸن جاھاندىق جىلىنۋعا قارسى كٷرەس, اتالعان جوباعا ينۆەستيتسييا تارتۋ جٶنٸندە ٷكٸمەتارالىق كەلٸسٸمگە قول قويىلعان بولاتىن. جالپى مەجٸلٸستە وسى كەلٸسٸمدٸ راتيفيكاتسييالاۋ جۇمىسىن باستاپ كەتتٸك», - دەدٸ ول فرانتسييا جەنە قازاقستان پرەزيدەنتتەرٸنٸڭ اقورداداعى كەزدەسۋٸ الدىندا.
سونداي-اق, مينيستر فرانتسييالىق كومپانييانىڭ قازاقستاندا اەس سالۋ مٷمكٸندٸگٸنە توقتالدى.
«وسى ساپار اياسىندا بٸزدٸڭ EDF (Electricite de France -رەد.) كومپانيياسىمەن سەرٸكتەستٸگٸمٸز تالقىلانادى. قازٸر ولار General Electric-تٸڭ اتوم ەلەكتر ستانسالارىنا ارنالعان تۋربينالار ٶندٸرٸسٸنە بايلانىستى اكتيۆتەرٸن ساتىپ الۋ كەلٸسٸمٸن اياقتاپ جاتىر. كومپانييانىڭ بۇل سالادا بٸرەگەي تەجٸريبەسٸ بار. فرانتسييادا ولار 50-دەن استام رەاكتوردى ٸسكە قوسقان. شەتەلدە دە سالادى. ٶزدەرٸڭٸز بٸلەتٸندەي, EDF قازاقستاندا اەس سالۋى مٷمكٸن كومپانييالاردىڭ شورت-پاراعىنا ەنگەن. ەگەر فرانتسييا تاراپى كەلٸسسٶز جٶنٸندە باستاما بٸلدٸرسە, بٸز ونى جٷرگٸزۋگە دايىنبىز», - دەدٸ الماسادام سەتقاليەۆ.
ەسكە سالايىق, بٷگٸن فرانتسييا پرەزيدەنتٸ ەممانيۋەل ماكرون قازاقستانعا رەسمي ساپارمەن كەلدٸ.
ساپار اياسىندا ەكٸ ەل باسشىلارى ساۋدا-ەكونوميكالىق, ينۆەستيتسييالىق جەنە ەنەرگەتيكالىق ىنتىماقتاستىقتى نىعايتۋ, سونداي-اق حالىقارالىق جەنە ٶڭٸرلٸك كٷن تەرتٸبٸندەگٸ مەسەلەلەردٸ تالقىلايدى دەپ جوسپارلانعان.
