اەس سالعانشا كٷن مەن جەل ەنەرگەتيكاسىن نەگە دامىتپاسقا? ورتالىق كوممۋنيكاتسييالار قىزمەتٸندە ٶتكەن بريفينگٸدە قر ەنەرگەتيكا مينيسترٸ بولات اقشولاقوۆقا وسىنداي سۇراق قويىلدى, دەپ حابارلايدى قازاقپارات.
«بٸرٸنشٸ مەسەلە باعاعا بايلانىستى. جاڭارتىلاتىن ەنەرگييا كٶزدەرٸنٸڭ قازٸرگٸ تاريفٸ, ەرينە, بٸزدٸڭ قولدانىستاعى دەستٷرلٸ ستانسالارداعىدان قىمبات. ەكٸنشٸدەن, ٶكٸنٸشكە قاراي, جاڭارتىلاتىن ەنەرگييا كٶزدەرٸ مانەۆرگە يكەمسٸز, ستانسالاردىڭ تٸرەگٸنە اينالا الادى دەۋگە دە كەلمەيدٸ. ياعني, ٷزٸلٸسسٸز قۋات بەرە المايدى. ٶيتكەنٸ تابيعاتتىڭ جاراتىلىسى سولاي – نە ٷنەمٸ جەل سوعىپ تۇرۋى كەرەك, نە ٷنەمٸ كٷن شىعىپ تۇرۋى شارت», - دەدٸ مينيستر.
ونىڭ ايتۋىنشا جەل مەن كٷننەن الاتىن قۋاتتى دا گەنەراتسييالاۋعا بولادى.
«ول بٸراق تازا گەنەراتسييا ەمەس, اككۋمۋلياتسييا عانا. جەل نەمەسە كٷن كٶزٸ مول بولعان كەزدە ارتىعىمەن قۋات جيناقتاپ, قاۋىرت ساعاتتاردا تاپشىلىقتىڭ ورنىن جابۋعا بولادى. بٸراق بۇل تەحنولوگييا ەلٸ جەتكٸلٸكتٸ دامىپ ٷلگەرگەن جوق. ونىڭ ٷستٸنە قىمبات», - دەدٸ بولات اقشولاقوۆ.
ۆەدومستۆو باسشىسى قازاقستاننىڭ جاعدايىندا اتوم ەلەكترٸنٸڭ ورنىن گاز دا باسا المايدى دەگەن پايىم ايتتى.
«قازاقستاننىڭ بۇل سالادا كٶمٸرتەگٸ بەيتاراپتىعى تۋرالى ساياسات ۇستانىپ وتىرعانىن بٸلەسٸزدەر. كٶمٸر جاعاتىن ٷلكەن ستانسالاردى جوبالاي المايمىز. مۇنداي تالاپپەن تەك گازدى جاعۋعا بولادى. قازاقستاننىڭ ەنەرگەتيكالىق تەڭگەرٸمٸنە 17 گۆت ەنەرگييا كەرەك دەسەك, ونىڭ بەرٸن گازبەن جابۋ ٷشٸن وراسان مول گاز كەرەك. قۋاتى 1 گۆت بولاتىن ستانسا جۇمىس ٸستەۋٸ ٷشٸن شامامەن 2 ملرد تەكشە مەتر گاز قاجەت. 17 گۆت قۋاتتى گازدان الاتىن بولساق, بٸزدە ونداي مٶلشەردەگٸ شيكٸزات تا جوق. ونىڭ ٷستٸنە بٸز گازدى ٶڭٸرلەردٸ گازداندىرۋعا جۇمساپ جاتىرمىز. گاز مۇنايمەن بٸرٸكتٸرٸپ, باسقا دا ٶنٸمدەر الۋعا تاپتىرمايتىن شيكٸزات. وسىنىڭ بەرٸن ەسكەرسەك, بٸزدە اتوم ەنەرگەتيكاسىن دامىتۋدىڭ ٷلكەن ەلەۋەتٸ بار», - دەدٸ ەنەرگەتيكا مينيسترٸ.
